လံာ်ယံးရမံယၤ 14:14 - Sgaw Karen Common Bible

¹⁴ ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 14:14 Iomraidhean Croise

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်ယံးရမံယၤ 20:6

မ့မ့ၢ်နဲဒၣ်စီၤပၣ်ၡဃူၢ်ဧၢ, နၤဒီးနဒူၣ်ဖိထၢဖိခဲလၢာ်ကဘၣ် တၢ်ဖီၣ်န့ၢ်စ့ၢ်ကီးအီၤဒီးစိာ်ကွံာ်အီၤဆူကီၢ်ဘၤဘူၤလိၣ် န့ၣ်လီၤ. ဖဲန့ၣ်, နကသံဒီးနကဘၣ်တၢ်ခူၣ်လီၤကွံာ်နၤဃုာ်ဒီး နတံၤသကိးခဲလၢာ်လၢနကတိၤလီန့ၢ်အတၢ်အါမးန့ၣ်လီၤ.”

လံာ်ယံးရမံယၤ 28:11

ဒီးစံးတၢ်လၢပှၤဂီၢ်မုၢ်ခဲလၢာ်အမဲာ်ညါဒ်အံၤ, “ယွၤစံးတ့ၢ်ဝဲလၢ အအံၤမ့ၢ်အဝဲကမၤကၢ်ကွံာ်နီၣ်ယိးဘိလၢ စီၤပၤနဘူၤကးန့စၢ် ပာ်ထီၣ်တ့ၢ်အီၤလၢ ပှၤကလုာ်ခဲလၢာ် အကိာ်လိၤဒ်လဲၣ် အဂ့ၢ်န့ၣ်လီၤ. အဝဲကမၤတၢ်အံၤ လၢခံနံၣ်အတီၢ်ပူၤန့ၣ်လီၤ.” အန့ၣ်ဝံၤဒီး, ယဟးထီၣ်ကွံာ်လီၤ.

လံာ်ယံးရမံယၤ 28:15

ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်ယံးရမံယၤ 29:21

ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤတ့ၢ်တၢ် ဘၣ်ဃးစီၤကိၤလါယၤအဖိခွါ စီၤအၤဃာ်ဒီးစီၤမၤစ့ယၤအဖိခွါ စီၤစံးဒကံယၤ, ပှၤတဖၣ်လၢအတဲဘၣ်သုလၢ တၢ်လီတၢ်ဝ့ၤ တဖၣ်လၢ ယွၤအမံၤအပူၤ, အဂ့ၢ်န့ၣ်လီၤ. ယွၤစံးတ့ၢ်ဝဲလၢ သါကဟ့ၣ်လီၤကွံာ်အဝဲသ့ၣ်ဆူကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်စိတၢ်ကမီၤအပူၤဒီး အဝဲကမၤသံကွံာ် အဝဲသ့ၣ်လၢ သုမဲာ်ညါန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 37:19

နဝံတဖၣ်လၢ အတဲဘၣ်တ့ၢ်နၤလၢ ကီၢ်ဘၤဘူၤလိၣ်အစီၤပၤ တဟဲထီၣ်ဒုးနၤမ့ၢ်ဂ့ၤ, နထံနကီၢ်မ့ၢ်ဂ့ၤန့ၣ်, တၢ်မၤတ့ၢ်အသးဒီး အဝဲသ့ၣ်ဒ်လဲၣ်.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယံးရမံယၤ 8:11

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. ‘တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ယဃ့းစက့လး 12:24

လၢကီၢ်အံၣ်စရ့လးအပှၤဂီၢ်မုၢ်အကျါန့ၣ်, တၢ်ထံၣ်လၢညါခီလၢအတတီတဖၣ်မ့ၢ်ဂ့ၤ, ဝံအတၢ်စံးပာ်လၢအဆှၢကမၣ်တၢ်တဖၣ်မ့ၢ်ဂ့ၤ, တအိၣ်လၢၤနီတမံၤဘၣ်န့ၣ်လီၤ.

လံာ်ယဃ့းစက့လး 13:23

အဃိဒီးခဲကနံၣ်အံၤ, သုတၢ်ထံၣ်လၢညါခီတဖၣ်လၢအမ့ၢ်တၢ်လၢ အတတီဒီးသုတၢ်တဲဆိပာ်တဖၣ်လၢအဆှၢကမၣ်တၢ်န့ၣ်အတၢ်မၤဝံၤ လံ. ယကမၤပူၤဖျဲးယပှၤဂီၢ်မုၢ်လၢသုတၢ်စိကမီၤအဖီလာ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

လံာ်စကၤရယၤ 13:3

ဒီးပှၤမ့ၢ်အိၣ်ဒံးဝဲဒၣ်တဂၤဂၤလၢအကတိၤဒံးကဒီးတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကတဲဘၣ်အီၤလၢအဝဲကဘၣ် တၢ်မၤသံအီၤန့ၣ်လီၤ. အဂ့ၢ်ဒ်အံၤ, အဝဲစံးလီၤအသးလၢအကတိၤယွၤအကလုၢ်ကထါဘၣ်ဆၣ်ဒီး ကတိၤကဘျံးကဘျၣ်တၢ်အဃိန့ၣ်လီၤ. ဖဲအဝဲကတိၤတၢ်လၢဝံ အကျိာ်န့ၣ်, အမိၢ်ဒီးအပၢ်ဒၣ်ဝဲကဆဲးသံအီၤန့ၣ်လီၤ.

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.