လံာ်ယံးရမံယၤ 13:22 - Sgaw Karen Common Bible

²² နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 13:22 Iomraidhean Croise

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 3:17

ဘၣ်ဆၣ်ဒီးယကစံၣ်ညီၣ်အဝဲသ့ၣ်, ယကလူၤကျိကွံာ်အခိၣ်တဖၣ်ဒီးပာ်အီၤလ့ၤကဒိလီၤ.”

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ယံးရမံယၤ 14:16

ဒ်န့ၣ်အသိးပှၤဂီၢ်မုၢ်လၢအဝဲသ့ၣ်စံးဘၣ်တ့ၢ်အီၤတၢ်သ့ၣ်တဖၣ်အံၤ စ့ၢ်ကီးကဘၣ်တၢ်မၤသံအီၤလၢကျဲတဘိဃီန့ၣ်လီၤ. အဝဲသ့ၣ် အစိၣ်တဖၣ်ကဘၣ်တၢ်ကွံာ်အီၤလၢဝ့ၢ်ယရူၤၡလ့ၣ်အကျဲဘိတဖၣ် အပူၤ, ဒီးပှၤကခူၣ်လီၤအဝဲသ့ၣ်တအိၣ်နီတဂၤဘၣ်န့ၣ်လီၤ. တၢ်အံၤကမၤအသးဒီးအဝဲသ့ၣ်ခဲလၢာ်, ဃုာ်ဒီးအမါတဖၣ်, အဖိခွါတဖၣ်, ဒီးအဖိမုၣ်တဖၣ်န့ၣ်လီၤ. ယကမၢအဝဲသ့ၣ်ဟ့ၣ်တၢ်အပှ့ၤလၢအဝဲသ့ၣ်အတၢ်အၢတၢ်သီအဃိလီၤ.”

လံာ်ယံးရမံယၤ 5:19

ဖဲအဝဲသ့ၣ်သံကွၢ်ဝဲ, ဘၣ်မနုၤအဃိယမၤတၢ်သ့ၣ်တဖၣ်အံၤခဲလၢာ် လဲၣ်န့ၣ်, စီၤယံးရမံယၤဧၢ, တဲဘၣ်အဝဲသ့ၣ်လၢ, ဒ်အဝဲသ့ၣ်ဃၣ်ကွံာ်အသးလၢယၤဒီးမၤ တ့ၢ်ပှၤတခီဘီမုၢ်အကစၢ်တဖၣ်အတၢ်မၤလၢအထံအကီၢ်ဒၣ်ဝဲ အပူၤအသိးန့ၣ်, အဝဲသ့ၣ်ကမၤပှၤလၢအတသ့ၣ်ညါဝဲတဖၣ် အတၢ်မၤလၢထံကီၢ်တဘ့ၣ်လၢအတမ့ၢ်အဝဲသ့ၣ်အတၢ်ဒၣ်ဝဲ အပူၤန့ၣ်လီၤ.”

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်ယဃ့းစက့လး 23:26

အဝဲသ့ၣ်ကဖှီယာ်ကွံာ်နကူနသိးတဖၣ်ဒီးဟံးန့ၢ်ကွံာ်နတၢ်မျၢ် ပလဲတဖၣ်န့ၣ်လီၤ.

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်ဟိၤၡ့ 2:10

ယကဘ့ၣ်ကွံာ်အကူအသိးဒီးဒုးအိၣ်ဘ့ၣ်ဆ့အီၤလၢ ပှၤလၢအအဲၣ်ဝဲသ့ၣ်တဖၣ်အမဲာ်ညါဒီးပှၤမၤထူၣ်ဖျဲးအီၤလၢယ စိကမီၤပူၤကသ့တအိၣ်ဘၣ်နီတဂၤဘၣ်.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 18:21

ဖဲဝံတဂၤအတၢ်ကစီၣ်တမံၤတဟဲဘၣ်လၢယွၤအအိၣ်ဘၣ်န့ၣ်, သုကအဲၣ်ဒိးသ့ၣ်ညါလၢသုတဲအီၤကသ့ဒ်လဲၣ်န့ၣ်လီၤ.

လံာ်သိၣ်လီၤသီလီၤတၢ် 7:17

တဲလီၤသုသးလၢပှၤတဖၣ်အံၤအနီၣ်ဂံၢ်အါန့ၢ်ဒံးသုဒီးသုနီၣ် ထီၣ်ကွံာ်အီၤတန့ၢ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.