လံာ်ယံးရမံယၤ 13:11 - Sgaw Karen Common Bible

¹¹ ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 13:11 Iomraidhean Croise

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 147:20

အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤတဖၣ်န့ၣ်ဘၣ်. အဝဲသ့ၣ်တသ့ၣ်ညါ အတၢ်သိၣ်တၢ်သီတဖၣ်န့ၣ်ဘၣ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 81:11

“ဘၣ်ဆၣ်ယပှၤဂီၢ်မုၢ်တဒိကနၣ်ယကလုၢ်ဘၣ်. အံၣ်စရ့လးတစူၢ်ယၤဘၣ်.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယံးရမံယၤ 13:1

ယွၤတဲဘၣ်တ့ၢ်ယၤလၢယကလဲၤဒီးပှ့ၤဖျီၣ်ခံလုၣ်အဖုၣ်တနီၤ လၢယဂီၢ်ဒၣ်ယဲဒီးကူထီၣ်အီၤ, ဘၣ်ဆၣ်ဒီးတဲဘၣ်ယၤလၢယသု တမၤဘၣ်စီၣ်အီၤလၢထံတဂ့ၤန့ၣ်လီၤ.

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 13:12

ယွၤ, ကစၢ်ယွၤစံးဘၣ်ယၤ, “စီၤယံးရမံယၤဧၢ, တဲဘၣ်ကီၢ်အံၣ်စရ့လးအပှၤဂီၢ်မုၢ်လၢစ ပံးထံကိကိးဖျၢၣ်ဒဲးကြၢးဘၣ်တၢ်မၤပှဲၤအီၤဒီးစပံးထံန့ၣ်တက့ၢ်. အဝဲသ့ၣ်ကစံးဆၢဝဲလၢအဝဲသ့ၣ်, သ့ၣ်ညါလၢစပံးထံကိ ကိးဖျၢၣ်ဒဲးကြၢးဘၣ်တၢ်မၤပှဲၤအီၤဒီးစပံးထံကစီဒီန့ၣ်လီၤ.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 32:20

ယံာ်တ့ၢ်လၢပျၢၤန့ၣ်, နမၤတ့ၢ်တၢ်လီၤလး တဖၣ်ဒီး တၢ်လီၤကမၢကမၣ်တဖၣ်လၢ ကီၢ်အဲၤကူပတူး အပူၤ, ဒီးနမၤထွဲဒံးနဲတုၤမုၢ်မဆါတနံၤအံၤလၢကီၢ်အံၣ်စရ့လး အပူၤ, ဒီးလၢပှၤကလုာ်အဂၤခဲလၢာ်အကျါ, တုၤဒၣ်လဲာ် ခဲကနံၣ်အံၤ, နဘၣ်တၢ်သ့ၣ်ညါနၤသကုၤဆးဒးန့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ဧၤမိၣ် 3:1

ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်သိၣ်လီၤသီလီၤတၢ် 26:18

မုၢ်မဆါတနံၤအံၤယွၤတူၢ်လိာ်သုဒ်အပှၤဂီၢ်မုၢ်ဒၣ်ဝဲအသိး, ဒ်အဝဲအၢၣ်လီၤတ့ၢ်တၢ်ဒီးသုအသိးန့ၣ်လီၤ. ဒီးအဝဲမၤလိာ်သုလၢသုကစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 26:19

ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”

လံာ်သိၣ်လီၤသီလီၤတၢ် 4:7

ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးကစၢ်တဂၤလၢ အအိၣ်ဘူးမးဒီးအဝဲသ့ၣ်, ဖဲအဝဲသ့ၣ်လိၣ်ဘၣ်အီၤအခါဒ်ယွၤ, ပကစၢ်ယွၤအိၣ်ဘူးဒီးပှၤအသိးန့ၣ်ဘၣ်. ဖဲပကိးထီၣ်လၢတၢ်မၤစၢၤအဂီၢ်တဘျီလၢ်လၢ်န့ၣ်, အဝဲစံးဆၢပှၤန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.