လံာ်ယံးရမံယၤ 13:10 - Sgaw Karen Common Bible

¹⁰ ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 13:10 Iomraidhean Croise

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယၡါယၤ 3:24

လၢကသူတၢ်နၢမူတဖၣ်အလီၢ်အဝဲသ့ၣ် ကနၢအုၣ်နၢပူးလီၤ. ဒီးလၢယီၢ်တကိးအ ဂ့ၤတဖၣ်အလီၢ်န့ၣ်ကသူဝဲပျံၤသွဲးတဖဲး တဖၣ်လီၤ. ဒီးလၢကအိၣ်ဒီးခိၣ်သူဃံလၤ အလီၢ်အခိၣ်ကကျိလီၤ. ဒီးလၢတၢ်ကူတၢ်ကၤဃံ လၤတဖၣ်အလီၢ်, အဝဲသ့ၣ်ကကူထီၣ်ကၤထီၣ်တၢ်ယာ်ဘုၣ်ယာ်ဖျ့တဖၣ်, ဒီးအတၢ်ဃံတၢ် လၤကဘၣ်တၢ်ဘိးကဒါအီၤဆူတၢ်မဲာ်ဆှးန့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 11:18

ယွၤဒုးသ့ၣ်ညါတ့ၢ်ယၤလၢတၢ်ကူၣ်အၢခူသူၣ်တဖၣ်လၢယဒုၣ်ယဒါ တဖၣ်မၤဝဲထီဒါယၤန့ၣ်လီၤ.

လံာ်ယံးရမံယၤ 13:7

သတးဒီးယလဲၤကဒါက့ၤ, ဒီးတုၤယထံၣ်တၢ်လီၢ်လၢယပာ်ခူသူၣ် တ့ၢ်အီၤဒီး, ယထံၣ်ဘၣ်လၢအဝဲသ့ၣ်ဟးဂီၤကွံာ်လၢာ်လံဒီး တဂ့ၤလၢၤဘၣ်န့ၣ်လီၤ.

လံာ်ယံးရမံယၤ 16:12

ဘၣ်ဆၣ်ဒီးသုမၤတ့ၢ်တၢ်အၢဒိၣ်န့ၢ် ဒၣ်လဲာ်သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. သုဝဲခဲလၢာ်သုခိၣ်ကိၤဒီးအၢ ဝဲသီဝဲဒီးသုတစူၢ်ဘၣ်ယၤဘၣ်.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 20:4

ယွၤအကစၢ်ဒၣ်ဝဲစံးဝဲဒၣ်, “ယကဒုးကဲထီၣ်နၤလၢတၢ်ပျံၤတၢ် ဖုးတမံၤလၢနဂီၢ်ဒၣ်နဲဒီးလၢနတံၤသကိးတဖၣ်အဂီၢ်, ဒီးနကထံၣ်ဘၣ် အဝဲသ့ၣ်ခဲလၢာ်ဘၣ်တၢ်မၤသံအီၤလၢအဒုၣ်အဒါတဖၣ်အါမးန့ၣ်လီၤ. ယကပာ်ကီၢ်ယူဒၤအပှၤဂီၢ်မုၢ်ခဲလၢာ်လၢကီၢ်ဘၤဘူၤလိၣ်အစီၤပၤ အစိကမီၤအဖီလာ်လီၤ. အဝဲကက့ၤစိာ်ကွံာ်အဝဲသ့ၣ်တနီၤဆူ အထံအကီၢ်ဒ်ပှၤဘၣ်တၢ်စိာ်မၢကဲကုၢ်တဖၣ်အသိးဒီးပှၤအဂၤ တဖၣ်န့ၣ်ကမၤသံကွံာ်ဝဲလီၤ.

လံာ်ယံးရမံယၤ 22:21

ယွၤကတိၤတၢ်ဒီးနၤဖဲနဘီၣ်ထီၣ်ညီထီၣ်အခါ, ဘၣ်ဆၣ်နတဒိကနၣ်ဘၣ်. တၢ်န့ၣ်မ့ၢ်တၢ်လၢနမၤတ့ၢ်အီၤလၢနသးသမူဒီကတီၢ်ညါလီၤ. နတစူၢ်ဘၣ်ယွၤနီတစုဘၣ်.

လံာ်ယံးရမံယၤ 23:17

လၢပှၤဂီၢ်မုၢ်လၢတဒိကနၣ်တၢ်လၢယစံးတ့ၢ်အဂီၢ်န့ၣ်, ဝံတဖၣ်န့ၣ် စံးဝဲတထံၣ်ဃီလၢတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ အဝဲသ့ၣ်အဂီၢ်န့ၣ်လီၤ. ဒီးပှၤတဂၤလၢ်လၢ်လၢအခိၣ်ကိၤန့ၣ်, အဝဲသ့ၣ်တဲဘၣ်ဝဲလၢတၢ်တတၢးတနါတမၤဘၣ်ဒိဘၣ်ထံး အီၤနီတစုဘၣ်န့ၣ်လီၤ.”

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 44:5

ဘၣ်ဆၣ်ဒီး သုတဒိကနၣ်ဒီး ပာ်သူၣ်ပာ်သးလၢ အဂ့ၢ်န့ၣ်ဘၣ်. သုတပျဲစုပျၢ်ခီၣ်ကွံာ်သု တၢ်မၤအအၢအသီလၢ အမ့ၢ်တၢ်လုၢ်ထီၣ် တၢ်ဆူကစၢ်အဂၤတဖၣ်အအိၣ်န့ၣ်ဘၣ်.

လံာ်ယံးရမံယၤ 5:23

ဘၣ်ဆၣ်ဒီးသုဝဲပှၤဂီၢ်မုၢ်ဧၢ, သုခိၣ်ကိၤဒီးသုပူထီၣ်လီ ထီၣ်တၢ်လီၤ. သုဃၣ်ကွံာ်သုသးလၢယၤဒီးဟးသဒၣ်ယၤလံ.

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 8:5

မ့မ့ၢ်ဒ်န့ၣ်ဒီးယပှၤဂီၢ်မုၢ်သ့ၣ်ဧၢ, ဘၣ်မနုၤအဃိသုဃၣ်ကွံာ် သုသးလၢယၤတအိၣ်ဒီးတၢ်ဃၣ်ကဒါ က့ၤသုသးဆူယအိၣ်နီတစုဘၣ်န့ၣ်လဲၣ်. သုဟံးဃာ်ဖီၣ်ဃာ်သုတၢ် ဂီၤတၢ်ဖီၣ်တဖၣ်ဒီးသုဂ့ၢ်လိာ်လၢသုကဟဲက့ၤကဒါက့ၤဆူ ယအိၣ်န့ၣ်လီၤ.

လံာ်ယံးရမံယၤ 9:13

ယွၤစံးဆၢတၢ်ဒီးစံးဝဲ, “တၢ်အံၤမၤတ့ၢ်အသးမ့ၢ်လၢယပှၤ ဂီၢ်မုၢ်ပာ်လီၤတဲာ်ကွံာ်တၢ်သိၣ်လိလၢယဟ့ၣ်တ့ၢ်အဝဲသ့ၣ်အဃိလီၤ. အဝဲသ့ၣ်တစူၢ်ယၤမ့ၢ်ဂ့ၤတမၤတ့ၢ်တၢ်လၢယစံးဘၣ်တဲဘၣ်အဝဲသ့ၣ် မ့ၢ်ဂ့ၤန့ၣ်ဘၣ်.

လံာ်ယံးရမံယၤ 9:14

အခိၣ်တလိာ်, အဝဲသ့ၣ်အခိၣ်ကိၤဒီးဘူၣ်ထီၣ်ဘါထီၣ်ဘဧၤလး အတၢ်ဂီၤတၢ်ဖီၣ်တဖၣ်ဒ်အဝဲသ့ၣ်အပၢ်တဖၣ်သိၣ်လိတ့ၢ် အီၤလၢကမၤဝဲအသိးန့ၣ်လီၤ.

လံာ်ယံးရမံယၤ 9:6

အဝဲသ့ၣ်မၤတၢ်စုဆူၣ်ခီၣ်တကးတမံၤဝံၤတမံၤ, ဒီးတၢ်လီတၢ်ဝ့ၤအတၢ်မၤပိာ်ထွဲထီၣ်အခံ တမံၤဝံၤတမံၤလီၤ. ယွၤစံးဝဲဒၣ်လၢအပှၤဂီၢ်မုၢ်ညိကွံာ်အီၤလံန့ၣ်လီၤ.

လံာ်တၢ်ဂံၢ် 14:11

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.