လံာ်ယံးရမံယၤ 13:1 - Sgaw Karen Common Bible

¹ ယွၤတဲဘၣ်တ့ၢ်ယၤလၢယကလဲၤဒီးပှ့ၤဖျီၣ်ခံလုၣ်အဖုၣ်တနီၤ လၢယဂီၢ်ဒၣ်ယဲဒီးကူထီၣ်အီၤ, ဘၣ်ဆၣ်ဒီးတဲဘၣ်ယၤလၢယသု တမၤဘၣ်စီၣ်အီၤလၢထံတဂ့ၤန့ၣ်လီၤ.

လံာ်ယံးရမံယၤ 13:1 Iomraidhean Croise

လံာ်ယၡါယၤ 20:3

ဖဲဝ့ၢ်အၤစဒိာ်ဘၣ်တၢ်ဒုးန့ၢ်အီၤဝံၤဒီး, ယွၤစံးဝဲဒၣ်, “ယခ့ယပှၤစီၤယၡါယၤဟးဝ့ၤဝီၤတ့ၢ်အိၣ်ဘ့ၣ်ဆ့အိၣ်ဘ့ၣ်ခီၣ် သၢနံၣ်လံလီၤ. အဝဲအံၤမ့ၢ်တၢ်ပနီၣ်တခါလၢတၢ်ကမၤအသး ဒီးကီၢ်အဲၤကူပတူးဒီးကီၢ်ကူၤၡးလီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 19:1

ယွၤစံးဘၣ်ယၤလၢယကလဲၤတၢ်ဒီးပှ့ၤသပၢၤဟီၣ်ခိၣ်တဖျၢၣ်လီၤ. အဝဲစံးဘၣ်စ့ၢ်ကီးယၤလၢယကလဲၤကိးဃုာ်ပှၤဂီၢ်မုၢ်အသူၣ်က့ သးပှၢ်တနီၤဒီးပှၤလုၢ်တၢ်အခိၣ်လၢအသးပှၢ်တနီၤ,

လံာ်ယံးရမံယၤ 27:2

ယကမၤနီၣ်ယိးဘိတဘိလၢ ယဂီၢ်ဒၣ်ယဲလၢ ပျံၤတၢ်ဖံးဒီးသ့ၣ် အဘိဒီးယကယိးထီၣ်အီၤလၢ ယကိာ်လိၤန့ၣ်လီၤ.

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.