လံာ်ယံးရမံယၤ 12:9 - Sgaw Karen Common Bible

⁹ ယပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤဂာ်ဒီး ထိၣ်တဘ့ၣ် လၢအဘၣ်တၢ်ဖျးအီၤလၢကိးကပၤဒဲးလၢ လံာ်တဖၣ်န့ၣ်လီၤ. ကိးထီၣ်ဆၣ်ဖိကီၢ်ဖိအမံၤတဖၣ် လၢကဟဲဒီးပာ်ဖှိၣ်အသးလၢတၢ်အီၣ် အဝဲသ့ၣ်အစိၣ်တဖၣ်အဂီၢ်န့ၣ်တက့ၢ်.

လံာ်ယံးရမံယၤ 12:9 Iomraidhean Croise

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 56:9

ယွၤစံးဘၣ်တခီဘီမုၢ်အပှၤကလုာ်တဖၣ်လၢ ကဟဲဒ်ဆၣ်ဖိကီၢ်ဖိအမံၤတဖၣ်အသိးဒီးအီၣ်ကွံာ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 34:20

ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

လံာ်ယံးရမံယၤ 7:33

တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်သးသယုၢ်တၢ် 1:17

ယယူာ်ထီၣ်ယစုတဖၣ်ဘၣ်ဆၣ်ဒီးတမ့ၢ်လၢပှၤကမၤစၢၤယၤနီ တဂၤဘၣ်. ယွၤကိးထီၣ်တ့ၢ်ဒုၣ်ဒါတဖၣ်ဒ်သိးကထီဒါယၤကိးကပၤဒဲးလီၤ. အဝဲသ့ၣ်ပာ်ယၤဒ်တၢ်လီၤသးဘၣ်အၢတနီၤအသိးလီၤ.

လံာ်ယဃ့းစက့လး 34:5

မ့ၢ်လၢသိတအိၣ်ဒီးအပှၤကွၢ်သိနီတဂၤအဃိအဝဲသ့ၣ်လီၤပြံ လီၤပြါဝဲဒီးဆၣ်ဖီကီၢ်ဖိအမံၤတဖၣ်မၤသံအဝဲသ့ၣ်ဒီးအီၣ်ကွံာ် အဝဲသ့ၣ်န့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.