လံာ်ယံးရမံယၤ 12:8 - Sgaw Karen Common Bible

⁸ ဒ်ခ့ယုၢ်တဒုလၢသ့ၣ်ပှၢ်ပူၤအသိးန့ၣ်အဝဲသ့ၣ်ကညီၤထီၣ်ထီဒါယၤ ဒီးလၢတၢ်န့ၣ်အဃိယသးဟ့အဝဲသ့ၣ်န့ၣ်လီၤ.

လံာ်ယံးရမံယၤ 12:8 Iomraidhean Croise

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 51:38

ပှၤဘၤဘူၤလိၣ်ဖိတဖၣ် ကကညီၤတၢ်ဒ် ခ့ယုၢ်တဖၣ်အသိး, ဒီးကိးပသူထီၣ်ဒ် ခ့ယုၢ်ဖိတဖၣ်အသိးန့ၣ်လီၤ.

လံာ်ယဃ့းစက့လး 23:18

အဝဲပာ်ဖျါထီၣ်အသးလၢပှၤကမျၢၢ်အမဲာ်ညါဒီးပျဲပှၤကိးဂၤဒဲး သ့ၣ်ညါလၢအဝဲမ့ၢ်ပှၤဃဲသဲမုၣ်တဂၤန့ၣ်လီၤ. ယသးလၢာ်သးဘၣ်အၢအီၤဒ်သိးဒၣ် ယသးလၢာ်သးဘၣ်အၢတ့ၢ်အဒီပုၢ်ဝဲၢ်မုၣ်အသိးန့ၣ်လီၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.

လံာ်မံကၤ 2:8

ယွၤစံးဝဲ, “သုဒုးတၢ်ထီဒါယပှၤဂီၢ်မုၢ်ဒ်ဒုၣ်ဒါတဖၣ်အသိးလီၤ. ပှၤဟဲက့ၤလၢတၢ်ဒုးတဖၣ်, ဆိကမိၣ်ဝဲတၢ်ပူၤဖျဲးအိၣ်လၢဟံၣ် လီၤ. ဘၣ်ဆၣ်သုခိးတၢ်ဖဲန့ၣ်ဒ်သိးသုကဂုာ်န့ၢ်အတၢ်ကူ တၢ်သိးတဖၣ်လၢအလိၤလီၤ.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.