လံာ်ယံးရမံယၤ 12:6 - Sgaw Karen Common Bible

⁶ နဒီပုၢ်ဝဲၢ်ခွါတဖၣ်ပှၤလၢအမ့ၢ်နဒူၣ်ဖိထၢဖိဒၣ်နဲ တဖၣ်ဒၣ်လဲာ်ဟ့ၣ်လီၤကွံာ်လံနၤလံ. အဝဲသ့ၣ်ပာ်ဖှိၣ်ထီၣ်အသးလၢတၢ် ထီဒါနၤအပူၤန့ၣ်လီၤ. အဝဲသ့ၣ်မ့ၢ်ကတိၤတၢ်ဃူတၢ်ဖိး, အတၢ်ကတိၤတဖၣ်ဒီး နၤဒၣ်လဲာ်, တဘၣ်နာ်အဝဲသ့ၣ်တဂ့ၤ.”

လံာ်ယံးရမံယၤ 12:6 Iomraidhean Croise

လံာ်စီၤယိၤဘး 6:15

မ့မ့ၢ်သုဝဲ, ယတံၤသကိးသ့ၣ်ဧၢ, သုလီယၤလီၤဂာ်ဒ်ထံကျိဖိ တဖၣ်လၢအလီၤသံးကွံာ်ဝဲဖဲတၢ်တဟဲစူၤဘၣ်အကတီၢ်န့ၣ်လီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 12:3

ယွၤဧၢ, ဒီၣ်တဲာ်ကွံာ်ပျ့ၤလၢ အအူသဖှိတၢ်တဖၣ်န့ၣ်တက့ၢ်. ကးတံာ်ဃာ်ပှၤအထးခိၣ်လၢ အကတိၤတၢ်ကဖၢလၢဒီးစံးဝဲ,

စံးထီၣ်ပတြၢၤ 69:8

ယကဲထီၣ်တ့ၢ်လံပှၤသမှံၤလၢယဒီပုၢ်ဝဲၢ် သ့ၣ်တဖၣ်အဂီၢ်, လီၤဂာ်ဒီးပှၤတခီဘီမုၢ်ဖိလၢယမိၢ်အဖိတဖၣ် အဂီၢ်န့ၣ်လီၤ.

တၢ်ကတိၤဒိ. 23:8

နကဘှိးထီၣ်ကွံာ်တၢ်လၢနအီၣ်တ့ၢ်အီၤ, ဒီးနတၢ်ကတိၤပတြၢၤအီၤန့ၣ်ကကဲထီၣ်တၢ်ကလီကလီလီၤ.

တၢ်ကတိၤဒိ. 26:25

သီၣ်ကမုာ်ဒိၣ်မးလီၤ. ဘၣ်ဆၣ်နာ်အီၤတဂ့ၤ. အဂ့ၢ်ဒ်အံၤ, အသးပူၤပှဲၤဆၢၣ်ကလာ်ဒီးတၢ်သးဟ့န့ၣ်လီၤ.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 11:21

ပှၤဧၤနသိးဖိတဖၣ်သးအိၣ်ဝဲလၢတၢ်ကမၤသံယၤလီၤ. ဒီးအဝဲသ့ၣ်စံးဘၣ်တဲဘၣ်ယၤလၢယမ့ၢ်တဲဖျါဒံးဒၣ်ယွၤ အတၢ်ကစီၣ်န့ၣ်, အဝဲသ့ၣ်ကမၤသံယၤန့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 9:2

ယသးအိၣ်မးလၢယကအိၣ်ဒီးတၢ်လီၢ်တတီၤလၢမဲးမုၢ်ခိၣ်ဖဲ ယအိၣ်ယံၤကွံာ်ဒီးယပှၤဂီၢ်မုၢ်ကသ့ဝဲလီၤ. အဝဲသ့ၣ်ခဲလၢာ်တသူၣ်တီသးရၤဘၣ်. ဒီးမ့ၢ်ပှၤပူထီၣ်လီထီၣ်တၢ်တဖုန့ၣ်လီၤ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်မးသဲ 10:21

ပှၤကဟ့ၣ်လီၤကွံာ်အဒီပုၢ်ဝဲၢ်ဒၣ်ဝဲဆူတၢ်သံ, ပၢ်တဖၣ်ကဟ့ၣ်လီၤကွံာ်အဖိတဖၣ်, ဖိတဖၣ်ကထီဒါက့ၤအမိၢ်အပၢ်တဖၣ်ဒီး ဟ့ၣ်လီၤကွံာ်အဝဲသ့ၣ်ဒ်သိးကဘၣ်တၢ်မၤသံအီၤအဂီၢ်လီၤ.

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်ယိၤဟၣ် 7:5

(ယ့ၣ်ၡူးအဒီပုၢ်ဝဲၢ်ခွါတဖၣ်ဒၣ်လဲာ်တနာ်အီၤဘၣ်.)

မၤတၢ် 16:22

ပှၤဂီၢ်မုၢ်တဖၣ်စ့ၢ်ကီးထီဒါစီၤပီလူးဒီးစီၤစံလၤလီၤ. အန့ၣ်ဒီးစံၣ်ညီၣ်ကွီၢ်တဖၣ်မၢပှၤဖှီယာ်ကွံာ်ပှၤခံဂၤန့ၣ်အကူအသိး, ဒီးဟ့ၣ်လီၤအကလုၢ်လၢပှၤကဖျ့အဝဲသ့ၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.