လံာ်ယံးရမံယၤ 12:2 - Sgaw Karen Common Bible

² နသူၣ်လီၤအဝဲသ့ၣ်, ဒီးအဝဲသ့ၣ်အဂံၢ်စဲၤလီၤအသးလီၤ. အဝဲသ့ၣ်ဒိၣ်ထီၣ်ဒီးသူထီၣ်သၣ်ထီၣ်ဝဲလီၤ. အဝဲသ့ၣ်ကတိၤဂ့ၤနၤထီဘိ, သနာ်က့, အဝဲသ့ၣ်တသူၣ်အိၣ်သးအိၣ်ဘၣ်နၤနီၢ်နီၢ်ဘၣ်.

လံာ်ယံးရမံယၤ 12:2 Iomraidhean Croise

လံာ်စီၤယိၤဘး 24:12

လၢဝ့ၢ်တဖၣ်အပူၤပှၤဘၣ်ဒိဘၣ်ထံးဒီးပှၤလၢဘူးအကသံတဖၣ် ကိးထီၣ်ဝဲဘၣ်ဆၣ်ကစၢ်ယွၤတကန့ၣ်ဃုာ်အတၢ်ထုကဖၣ်န့ၣ်ဘၣ်.

လံာ်စီၤယိၤဘး 5:3

ယထံၣ်ဘၣ်တ့ၢ်လံပှၤဟးဂီၤဖိတဖၣ်ဖျါအိၣ်ဂၢၢ်ဆိးကျၢၤ ဝဲဘၣ်ဆၣ်ယဆိၣ်အၢတ့ၢ်အတၢ်အိၣ်တၢ်ဆိးအလီၢ်တဘျီဃီလီၤ.

စံးထီၣ်ပတြၢၤ 37:35

ယထံၣ်တ့ၢ်ပှၤအၢပှၤသီတဂၤလၢအမၤနၢၤမၤပ့ၤတၢ်, ဒီးဂုၤထီၣ်ပသီထီၣ်ဝဲဒ် လဘၤနိၣ်အသ့ၣ်ဆှိအ့ရ့းအသိးန့ၣ်လီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 45:4

ဘၣ်ဆၣ်ဒီး, ယၤယွၤအံၤ, ယကမၤလီၤပှီၢ်တၢ်လၢ ယသူၣ်ထီၣ်တ့ၢ်အီၤဒီးထဲးထီၣ်ကွံာ်တၢ်လၢ ယသူၣ်လီၤဖျးလီၤတ့ၢ်အီၤန့ၣ်လီၤ. ယကမၤတၢ်အံၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်ဃဘးကူာ် 1:13

ဘၣ်ဆၣ်ဒီးပှၤလီတၢ်ဝ့ၤတၢ်, ပှၤအၢပှၤသီတဖၣ်အံၤ, နဝံသးစူၤအီၤကဲဒ်လဲၣ်. နမဲာ်ချံတဖၣ်စီဆှံဒိၣ်မးလၢ နကကွၢ်ဃီၤတၢ်အၢတၢ်သီ, ဒီးနကွၢ်ပှၤဂီၢ်မုၢ်လၢ အမၤကမၣ်တၢ်န့ၣ်တကဲဘၣ်. မၤသးဒ်န့ၣ်ဒီးဘၣ်မနုၤလၢ နအိၣ်ဘှီၣ်ကလာ်ဖဲအဝဲသ့ၣ်မၤဟးဂီၤပှၤဂီၢ်မုၢ်လၢ အတီန့ၢ်လိၤန့ၢ်ဒံးအဝဲသ့ၣ်တဖၣ်အခါန့ၣ်လဲၣ်.

လံာ်မးသဲ 15:8

‘ကစၢ်ယွၤစံးဝဲဒၣ်, ပှၤတကလုာ်အံၤ ယူးယီၣ်ယၤလၢအထးခိၣ် ဘၣ်ဆၣ်အသးန့ၣ်ယံၤမးဒီးယၤလီၤ.

လံာ်မၢ်ကူး 7:6

ယ့ၣ်ၡူးစံးဆၢအဝဲသ့ၣ်, “ဝံယၡါယၤအတၢ်ကတိၤဆိပာ်လၢသုဂ့ၢ်န့ၣ်ဘၣ်မးလီၤ. သုမ့ၢ်ပှၤပာ်မၤအသးတဖၣ်ဒ်အဝဲကွဲးတၢ်အသိး, ‘ကစၢ်ယွၤစံးဝဲပှၤသ့ၣ်တဖၣ်အံၤမၤလၤကပီၤယၤလၢ အထးခိၣ်ဘၣ်ဆၣ်ဒီး အသးတခီ အိၣ်ယံၤဒီးယၤလီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.