လံာ်ယံးရမံယၤ 12:16 - Sgaw Karen Common Bible

¹⁶ လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်ယံးရမံယၤ 12:16 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 1:8

မုၣ်ကနီၤလၢအဃံလၤကတၢၢ်တဂၤဧၢ, နတသ့ၣ်ညါတၢ်လီၢ်ဘၣ်ဧါ. လဲၤဒီးပိာ်ထီၣ်သိမဲာ်တဲးလဲးအဖုအဂီၢ်အခံ, ဒီးဃုထံၣ်တၢ်အီၣ်ဆၣ်အလီၢ်လါဟ့လၢ အဝဲသ့ၣ်အဂီၢ် ဘူးဒီးပှၤကွၢ်သိအဒဲတဖၣ်အဃၢၤန့ၣ်တက့ၢ်.

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 42:6

“ယၤ, ယွၤအံၤ, ယကိးထီၣ်သုဒီးဟ့ၣ်သုတၢ်စိတၢ်ကမီၤ ဒ်သိးသုကကွၢ်ထွဲမၤတၢ်စံၣ်ညီၣ်တီအဂ့ၢ်အခၢးလၢဟီၣ်ခိၣ်အံၤ န့ၣ်လီၤ. ခီဖျိသုန့ၣ်, ယကမၤတၢ်အၢၣ်လီၤအီလီၤတမံၤဒီးပှၤဂီၢ်မုၢ်ခဲ လၢာ်လီၤ. ခီဖျိသုန့ၣ်, ယကဟဲစိာ်တၢ်ကပီၤဆူပှၤကလုာ်တဖၣ်အအိၣ်လီၤ.

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 18:8

ဘၣ်ဆၣ်ဒီး, ပှၤကလုာ်အဝဲန့ၣ်မ့ၢ်ဃၣ်ကွံာ်အသးလၢတၢ်အၢ တၢ်သီဒီး, ယတမၤတၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

ရိမ့ၤ 14:11

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.”

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

လံာ်စီၤယိၤၡူ 23:7

ဒီးသုတအိၣ်ဃါဃုာ်လိာ်သုသးဒီးပှၤကလုာ်လၢအအိၣ်လီၤတဲာ်လၢ သုကျါတဖၣ်အံၤတဂ့ၤ, သုသုတယၢၤထီၣ်ဘၣ်အကစၢ်တဖၣ် အမံၤတဂ့ၤ, သုသုတဆိၣ်တၢ်လၢအမဲာ်ညါဒီးမၤအဝဲသ့ၣ် အတၢ်မၤတဂ့ၤ, သုသုတတီၤလီၤလၢအဝဲသ့ၣ်အမဲာ်ညါတဂ့ၤ.

လံာ်နီၢ်ရူၤသး 3:13

အိၣ်ဒၣ်ကလိာ်ဖဲအံၤသီတနၤကျၢၤ, ဒီးလၢမုၢ်ဆ့ၣ်ထီၣ်န့ၣ်, ပကဃုသ့ၣ်ညါတၢ်လၢမ့ၢ်ပှၤတဂၤန့ၣ်ကဟံးန့ၢ်မူဒါလၢနဂီၢ်ဧါ န့ၣ်လီၤ. မ့ၢ်မၤဒ်န့ၣ်ဒီးဂ့ၤလီၤ. မ့ၢ်တမၤဒ်န့ၣ်ဘၣ်ဒီး, ယအၢၣ်လီၤယသးလၢယွၤလၢအမူဝဲတဂၤအမဲာ်ညါလၢယက ဟံးန့ၢ်မူဒါလၢနဂီၢ်န့ၣ်လီၤ. ခဲအံၤ, မံလီၤတုၤမုၢ်ဆ့ၣ် ထီၣ်န့ၣ်တက့ၢ်.”