လံာ်ယံးရမံယၤ 12:15 - Sgaw Karen Common Bible

¹⁵ ဘၣ်ဆၣ်ဒီးဖဲယဟံးထီၣ်ကွံာ်အဝဲသ့ၣ်ဝံၤအလီၢ်ခံန့ၣ်, ယသးကညီၤဘၣ်က့ၤအဝဲသ့ၣ်, ဒီးယကဟဲစိာ်က့ၤပှၤ တကလုာ်ဘၣ်တကလုာ်စုာ်စုာ်ဆူအလီၢ်အိၣ်လီၢ်ဆိးဒၣ်ဝဲဒီး အထံအကီၢ်ဒၣ်ဝဲန့ၣ်လီၤ.

လံာ်ယံးရမံယၤ 12:15 Iomraidhean Croise

လံာ်ယံးရမံယၤ 16:15

အခိၣ်တလိာ်, အဝဲသ့ၣ်ကဆိၣ်လီၤအသး လၢယမံၤအပူၤဒ်ယမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်လၢက လံၤစိးတခီဒီးလၢထံကီၢ်အဂၤတဖၣ်ဖဲယမၤပြံမၤပြါအဝဲသ့ၣ်န့ၣ်လီၤ. ယကဆှၢကဒါက့ၤအဝဲသ့ၣ်ဆူအထံအကီၢ်ဒၣ်ဝဲ, ကီၢ်တဘ့ၣ်လၢယဟ့ၣ်လီၤ တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:6

ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 49:39

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်ကဒီးကီၢ်ဧ့ၤလၣ်အပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:6

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်က့ၤကဒီး ကီၢ်ဧၣ်မိၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 11:4

ဘၣ်ဆၣ်ဒီးဖဲအတုၤလၢအစိဒိၣ်ကမီၤထီအကတၢၢ်န့ၣ် အဘီအမုၢ်ကလီၤပှီၢ်ဝဲဒီးနီၤဖးအသးလွံၢ်ခီလီၤ. စီၤပၤတဖၣ်လၢတမ့ၢ် ဘၣ်အစၢၤအသွဲၣ်န့ၣ်ကပၢတၢ်လၢအလီၢ်လီၤ. ဘၣ်ဆၣ်ဒီးအဝဲသ့ၣ်တမ့ၢ်လၢကအိၣ်ဒီးတၢ်စိတၢ်ကမီၤဒ်သိး အီၤဘၣ်.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်တၢ်ဂံၢ် 32:18

တချုးလၢပှၤအံၣ်စရ့လးဖိအဂၤတဖၣ်မၤန့ၢ်အတၢ်န့ၢ်သါအဟီၣ်ခိၣ် ဒံးဘၣ်ဒီးပတဟဲက့ၤဆူပဟံၣ်ဘၣ်.

မၤတၢ် 15:16

‘လၢခံန့ၣ်ယကဟဲက့ၤ, ဒီးဒုးအိၣ်ထီၣ်က့ၤစီၤဒၤဝံးအဘီအမုၢ်လီၤ. ယကသူၣ်ထီၣ်က့ၤအတၢ်ဟးဂူာ်ဟးဂီၤတဖၣ်, ဒီးမၤဂၢၢ်ကျၢၤက့ၤကဒီးအီၤလီၤ.

လံာ်သိၣ်လီၤသီလီၤတၢ် 3:20

မၤစၢၤသုပှၤအံၣ်စရ့လးဖိကဒဲကဒဲတဖၣ်တုၤလၢအဝဲသ့ၣ်မၤန့ၢ် ကီၢ်တဘ့ၣ်လၢယွၤဟ့ၣ်လီၤအဝဲသ့ၣ်လၢထံကျိယၢ်ဒ့ၣ်အမုၢ်နုာ်, ဒီးတုၤလၢယွၤပျဲအဝဲသ့ၣ်အိၣ်ဆိးဖဲန့ၣ်မုာ်မုာ်ခုၣ်ခုၣ်, ဒ်အမၤတ့ၢ်လံလၢသုဂီၢ်ဖဲအံၤအသိးန့ၣ်တက့ၢ်. အန့ၣ်ဝံၤဒီး, သုဟဲက့ၤကဒါက့ၤဆူကီၢ်အံၤလၢယဟ့ၣ်လီၤသုန့ၣ်သ့ဝဲဒၣ်လီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.