လံာ်ယံးရမံယၤ 11:8 - Sgaw Karen Common Bible

⁸ ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 11:8 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်စီၤနဃ့မယၤ 9:29

နဟ့ၣ်ပလီၢ်တ့ၢ်အဝဲသ့ၣ်လၢကစူၢ်နတၢ်သိၣ်လိတဖၣ်, ဘၣ်ဆၣ်လၢတၢ်ပာ်ကဖၢလၢသးအပူၤ, အဝဲသ့ၣ်တၢၤကွံာ်နတၢ်သိၣ်တၢ်သီတဖၣ်ဖဲ တၢ်တိၢ်န့ၢ်ဖံးဃာ်နတၢ်သိၣ်တၢ်သီလၢ ပှၤယူဒၤဖိအဂီၢ်မ့ၢ်ကျဲဆူတၢ်မူအခါန့ၣ်လီၤ. အဝဲသ့ၣ်ထီဒါနၤ, လၢအတၢ်သးကိၤဒီးအခိၣ်ကိၤ အပူၤဂ့ၢ်လိာ်လၢကစူၢ်နၤအဂီၢ်န့ၣ်လီၤ.

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယံးရမံယၤ 34:14

နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 38:20

ယစံးယဲ, “နတဘၣ်တၢ်ဟ့ၣ်လီၤကွံာ် နၤဆူအဝဲသ့ၣ်အစုပူၤဘၣ်. ယဃ့ကညးနၤလၢ နကစူၢ်ယွၤအတၢ်ကစီၣ်န့ၣ်လီၤ. အန့ၣ်ဒီး, တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ နဂီၢ်, ဒီးနသးသမူကပူၤဝဲလီၤ.

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 44:5

ဘၣ်ဆၣ်ဒီး သုတဒိကနၣ်ဒီး ပာ်သူၣ်ပာ်သးလၢ အဂ့ၢ်န့ၣ်ဘၣ်. သုတပျဲစုပျၢ်ခီၣ်ကွံာ်သု တၢ်မၤအအၢအသီလၢ အမ့ၢ်တၢ်လုၢ်ထီၣ် တၢ်ဆူကစၢ်အဂၤတဖၣ်အအိၣ်န့ၣ်ဘၣ်.

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်စကၤရယၤ 1:4

လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

လံာ်စကၤရယၤ 7:11

ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်,