လံာ်ယံးရမံယၤ 11:22 - Sgaw Karen Common Bible

²² မၤသးဒ်န့ၣ်ဒီးယွၤသ့တၢ်လၢာ်စံးဝဲဒၣ်, “ယကစံၣ်ညီၣ်အဝဲသ့ၣ် လီၤ. အပှၤပိာ်ခွါသးစၢ်တဖၣ်ကသံဝဲလၢတၢ်ဒုးတၢ်ယၤအပူၤ, ဒီးအဖိတဖၣ်ကသံဝဲလၢတၢ်သၣ်ဝံၤလီၤဒိအဃိန့ၣ်လီၤ.

လံာ်ယံးရမံယၤ 11:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 44:13

ယကစံၣ်ညီၣ်ပှၤတဖၣ်လၢ အအိၣ်ဆိးလၢ ကီၢ်အဲၤကူပတူး အပူၤ, ဒ်သိးဒၣ်ယစံၣ်ညီၣ်ဝ့ၢ်ယရူၤရှလ့ၣ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါန့ၣ်လီၤ.

လံာ်ယံးရမံယၤ 49:26

လၢမုၢ်နံၤအဝဲန့ၣ်, အဝဲပှၤသးစၢ်တဖၣ်ကဘၣ် တၢ်မၤသံအီၤလၢ ဝ့ၢ်အကျဲတဖၣ်အပူၤဒီး အသုးဖိခဲ လဲၢာ်ကဘၣ်တၢ်မးဟးဂီၤ ကွံာ်အီၤန့ၣ်လီၤ.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်သးသယုၢ်တၢ် 2:21

ပှၤသးစၢ်ဒီးပှၤသးပှၢ်လီၤဃံၤသံဒ်သိးသိးလၢကျဲတဖၣ် အပူၤလီၤ. ပှၤသးစၢ်ပိာ်ခွါဒီးပိာ်မုၣ်တဖၣ်ဘၣ်တၢ်မၤသံအီၤလၢ ဒုၣ်ဒါအနးတဖၣ်လီၤ. လၢနတၢ်သးထီၣ်အမုၢ်တနံၤန့ၣ်နမၤသံအဝဲသ့ၣ်တအိၣ်ဒီးတၢ်သး ကညီၤဘၣ်.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.