လံာ်ယံးရမံယၤ 11:17 - Sgaw Karen Common Bible

¹⁷ ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 11:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:10

ယဃုထၢတ့ၢ်တၢ်လီၢ်တတီၤလၢပှၤဂီၢ်မုၢ်အံၣ်စရ့လးအဂီၢ် ဒီးသူၣ်လီၤဆီလီၤအဝဲသ့ၣ်ဖဲန့ၣ်, ဖဲအဝဲသ့ၣ်ကအိၣ်ဆိးဝဲ တအိၣ်ဘၣ်ဒီးတၢ်မၤအၢမၤနးအီၤနီတစုဘၣ်န့ၣ်လီၤ. စးထီၣ်လၢအဝဲသ့ၣ်နုာ်လီၤဆူကီၢ်အံၤအပူၤလံၤလံၤန့ၣ်, အဝဲသ့ၣ်ဘၣ်တၢ်ဒုးအီၤလၢပှၤမၤတၢ်လၢတၢ်စုဆူၣ်ခီၣ်တကးအပူၤ တဖၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:25

လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 80:15

ဟဲဒီးအုၣ်က့ၤခီၣ်က့ၤ စပံးမုၢ်လၢ နသူၣ်လီၤတ့ၢ်အီၤ, စပံးမုၢ်ဖိလၢနဒုးဒိၣ်ထီၣ်ဆူၣ်ထီၣ်အီၤအံၤတက့ၢ်.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 12:2

နသူၣ်လီၤအဝဲသ့ၣ်, ဒီးအဝဲသ့ၣ်အဂံၢ်စဲၤလီၤအသးလီၤ. အဝဲသ့ၣ်ဒိၣ်ထီၣ်ဒီးသူထီၣ်သၣ်ထီၣ်ဝဲလီၤ. အဝဲသ့ၣ်ကတိၤဂ့ၤနၤထီဘိ, သနာ်က့, အဝဲသ့ၣ်တသူၣ်အိၣ်သးအိၣ်ဘၣ်နၤနီၢ်နီၢ်ဘၣ်.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 18:8

ဘၣ်ဆၣ်ဒီး, ပှၤကလုာ်အဝဲန့ၣ်မ့ၢ်ဃၣ်ကွံာ်အသးလၢတၢ်အၢ တၢ်သီဒီး, ယတမၤတၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယံးရမံယၤ 24:6

ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 26:13

သုကဘၣ်လဲလိာ်ကွံာ်ကျဲလၢ သုအိၣ်မူအီၤဒီးတၢ်တဖၣ် လၢ သုမၤအီၤ, ဒီးသုကဘၣ်စူၢ်ယွၤ, သုကစၢ်ယွၤန့ၣ်လီၤ. သုမ့ၢ်မၤအီၤဒီး, အဝဲကလဲလိာ်ကွံာ် အတၢ်ပာ်လီၤသးဘၣ်ဃးတၢ်မၤဟးဂီၤလၢ အဝဲစံးတ့ၢ်ဝဲလၢ ကဒုးလီၤဘၣ်အီၤလၢသုလိၤန့ၣ်လီၤ.

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 32:30

လၢအဝဲသ့ၣ် အတၢ်စံၣ်စိၤတဲစိၤ အခီၣ်ထံးလံၤလံၤန့ၣ်, ကီၢ်အံၣ်စရ့လး အပှၤဂီၢ်မုၢ်ဒီး ကီၢ်ယူဒၤအပှၤဂီၢ်မုၢ်တဖၣ် မၤသးတမုာ်တ့ၢ်ယၤဒီး မၤသးဒိၣ်ထီၣ်တ့ၢ်ယၤ ခီဖျိတၢ်လၢ အဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 40:2

သုးခိၣ်ဖးဒိၣ်သုးကစီၤယံၤယၤဒီးစံးဘၣ်ယၤ, “ယွၤနကစၢ်ယွၤမၤပျံၤမၤဖုးတ့ၢ်ထံကီၢ်အံၤလၢတၢ်ဟးဂူာ်ဟး ဂီၤန့ၣ်လီၤ.

လံာ်ယံးရမံယၤ 40:3

ဒီးအခဲအံၤ, အဝဲမၤတ့ၢ်လံတၢ်လၢအစံးဘၣ်တ့ၢ်ဝဲလၢအကမၤဝဲ န့ၣ်လီၤ. တၢ်ခဲလၢာ်အံၤမၤအသးမ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါယွၤဒီးတစူၢ်တ့ၢ်အီၤဘၣ်အဃိန့ၣ်လီၤ.

လံာ်ယံးရမံယၤ 42:10

‘သုသးမ့ၢ်အိၣ်လၢ သုကအိၣ်ဆိးဘၣ်ဒံးလၢ ကီၢ်အံၤ အပူၤဒီး, ယကမၤထီၣ်သု, ဒီးတမၤလီၤပှီၢ်သုဘၣ်. ယကသူၣ်လီၤဒီး ယတထဲးလီၤကွံာ်ဘၣ်သုဘၣ်. တၢ်ဟးဂီၤလၢ ယဒုးဘၣ်သုန့ၣ် ဒုးသးအုးတ့ၢ်ယၤဒိၣ်မးလီၤ.

လံာ်ယံးရမံယၤ 44:5

ဘၣ်ဆၣ်ဒီး သုတဒိကနၣ်ဒီး ပာ်သူၣ်ပာ်သးလၢ အဂ့ၢ်န့ၣ်ဘၣ်. သုတပျဲစုပျၢ်ခီၣ်ကွံာ်သု တၢ်မၤအအၢအသီလၢ အမ့ၢ်တၢ်လုၢ်ထီၣ် တၢ်ဆူကစၢ်အဂၤတဖၣ်အအိၣ်န့ၣ်ဘၣ်.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 45:4

ဘၣ်ဆၣ်ဒီး, ယၤယွၤအံၤ, ယကမၤလီၤပှီၢ်တၢ်လၢ ယသူၣ်ထီၣ်တ့ၢ်အီၤဒီးထဲးထီၣ်ကွံာ်တၢ်လၢ ယသူၣ်လီၤဖျးလီၤတ့ၢ်အီၤန့ၣ်လီၤ. ယကမၤတၢ်အံၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 17:5

ဝံၤဒီးအဝဲဟံးန့ၢ်တၢ်မုၢ်တၢ်ဘိအစၢ်တမုၢ်လၢကီၢ်အံၣ်စရ့လး အပူၤဒီးသူၣ်လီၤအီၤလၢဟီၣ်ခိၣ်ညၣ်ထ့ၣ်အပျီတဘ့ၣ်အပူၤ, ဖဲထံအိၣ်ဝဲထီဘိလၢကဒုးဒိၣ်ထီၣ်အီၤအဂီၢ်န့ၣ်လီၤ.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.