လံာ်ယံးရမံယၤ 11:14 - Sgaw Karen Common Bible

¹⁴ စီၤယံးရမံယၤဧၢ, ဃ့ထုကဖၣ်တၢ်လၢယၤမ့ၢ်ဂ့ၤဃ့ကညး ယၤမ့ၢ်ဂ့ၤလၢပှၤဂီၢ်မုၢ်အံၤအခၢၣ်စးတဂ့ၤ. ဖဲအဝဲသ့ၣ်အိၣ်လၢတၢ်ကီတၢ်ခဲအပူၤ, ဒီးကိးထီၣ်ယၤလၢတၢ်မၤ စၢၤအဂီၢ်န့ၣ်, ယတကနၣ်အဝဲသ့ၣ်ဘၣ်.”

လံာ်ယံးရမံယၤ 11:14 Iomraidhean Croise

စံးထီၣ်ပတြၢၤ 66:18

ယမ့ၢ်ပာ်ကဲတ့ၢ်တၢ်အၢလၢယသးကံၢ်ပူၤဒီး ယွၤတဒိကနၣ်ဘၣ်ယၤဘၣ်.

လံာ်တၢ်ဟးထီၣ်ကွံာ် 32:10

ခဲအံၤ, ကျဲးစၢးလၢနကတြီယၤအဂီၢ်တဂ့ၤ. ယသးဒိၣ်ထီၣ်ဘၣ်အဝဲသ့ၣ်လံဒီးယကမၤဟးဂီၤအဝဲသ့ၣ်န့ၣ်လီၤ. ဒီးယကဒုးကဲထီၣ်နၤဒီးနစၢၤနသွဲၣ်တဖၣ်လၢပှၤကလုာ်ဖးဒိၣ်တကလုာ်န့ၣ်လီၤ.”

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 14:11

ယွၤစံးဘၣ်ယၤ, “တဘၣ်ဃ့ဘါထုကဖၣ်ယၤလၢယကမၤစၢၤပှၤဂီၢ်မုၢ်သ့ၣ်တဖၣ်အံၤတဂ့ၤ.

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 7:16

ယွၤစံးဝဲဒၣ်, “စီၤယံးရမံယၤဧၢ, ဘါထုကဖၣ်လၢပှၤဂီၢ်မုၢ် အံၤအဂီၢ်တဂ့ၤ. ဟီၣ်မ့ၢ်ဂ့ၤ, ဘါထုကဖၣ်မ့ၢ်ဂ့ၤလၢအဝဲသ့ၣ် အခၢၣ်စးတဂ့ၤ. ဃ့ကညးယၤတဂ့ၤ. အဂ့ၢ်ဒ်အံၤ, ယတဒိကနၣ်နၤဘၣ်.

လံာ်ဟိၤၡ့ 5:6

အဝဲသ့ၣ်စိာ်ထီၣ်အသိဒီးအဂီၤဘုၣ်ဂီၤဖံးတဖၣ်ဒ်သိးကလုၢ်တၢ် ဆူယွၤဒ်တၢ်လုၢ်တၢ်ပာ်တဖၣ်အသိး, ဘၣ်ဆၣ်တမၤဂ့ၤအဝဲသ့ၣ်နီ တမံၤဘၣ်. အဝဲသ့ၣ်ဃုယွၤတဘၣ်ဘၣ်. အဂ့ၢ်ဒ်အံၤ, ယွၤလဲၤသဒၣ်ကွံာ်အဝဲသ့ၣ်တဖၣ်လံ.

လံာ်စကၤရယၤ 7:13

မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်.

လံာ်မၤလကံ 2:13

အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.