လံာ်ယံးရမံယၤ 11:13 - Sgaw Karen Common Bible

¹³ ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 11:13 Iomraidhean Croise

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:25

လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 17:1

ယွၤစံးဝဲဒၣ်, “ကီၢ်ယူဒၤအပှၤဂီၢ်မုၢ်ဧၢ, သုတၢ်ဒဲးဘးဘၣ်တၢ်ကွဲးလီၤအီၤလၢထိၣ်ဒံးထးတဘိန့ၣ်လီၤ. ဘၣ်တၢ်စိးပျၤအီၤလၢတၢ်မျၢ်အခိၣ်စူတဘိလၢသုသးတဖၣ် အလိၤဒီးပိာ်ဒဲးကံၢ်ဒဲးဝ့ၤအီၤလၢသုတၢ်လုၢ်လီၢ် တဖၣ်အသနၢၣ်တဖၣ်အလိၤန့ၣ်လီၤ.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 3:24

မ့မ့ၢ်တၢ်ဘူၣ်ထီၣ်ဘါထီၣ်ဘဧၤလး, တၢ်မဲာ်ဆှးအကစၢ်, ဒုးလီၤမၢ်ကွံာ်ပသိအဖုဒီးမဲာ်တဲးလဲးအဖုတဖၣ်, ဖိခွါတဖၣ်ဒီးဖိမုၣ်တဖၣ်, ကယဲၢ်တၢ်ခဲလၢာ်လၢပမိၢ် ပၢ်ဖံဖုလၢပျၢၤတဖၣ်မၤန့ၢ်တ့ၢ်ဝဲစးထီၣ်လၢပျၢၤလၢ ကစၢၤလံၤလံၤန့ၣ်လီၤ.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 44:21

“ဖဲအဘၣ်ဃးဒီး တၢ်လုၢ်တၢ်ပာ်တဖၣ်လၢ သုဝဲဒီးသုမိၢ်ပၢ်ဖံဖုလၢပျၢၤတဖၣ်, သုစီၤပၤဒီး သုခိၣ်သုနၢ်တဖၣ်, ဒီၤထံကီၢ်အပှၤဂီၢ်မုၢ်လုၢ်ထီၣ်တ့ၢ်ဝဲလၢ ကီၢ်ယူဒၤအဝ့ၢ်တဖၣ်အပူၤ, ဒီးလၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ မ့ၢ်ဂ့ၤန့ၣ်, မ့ၢ်သုဆိကမိၣ်လၢယွၤတသ့ၣ်ညါအီၤမ့ၢ်ဂ့ၤ, သးပ့ၤနီၣ်ကွံာ်အီၤမ့ၢ်ဂ့ၤ, န့ၣ်ဧါ.

လံာ်ယံးရမံယၤ 44:5

ဘၣ်ဆၣ်ဒီး သုတဒိကနၣ်ဒီး ပာ်သူၣ်ပာ်သးလၢ အဂ့ၢ်န့ၣ်ဘၣ်. သုတပျဲစုပျၢ်ခီၣ်ကွံာ်သု တၢ်မၤအအၢအသီလၢ အမ့ၢ်တၢ်လုၢ်ထီၣ် တၢ်ဆူကစၢ်အဂၤတဖၣ်အအိၣ်န့ၣ်ဘၣ်.

လံာ်ယံးရမံယၤ 48:35

ယကဆိကတီၢ်ကွံာ်ကီၢ်မိၤအးအပှၤဂီၢ်မုၢ်လၢ အတၢ်ကလုၢ် ထီၣ်တၢ်လုၢ်မ့ၣ်အူလၢ အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး လၢတၢ်လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်တဖၣ်အအိၣ် န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 16:24

လၢကျဲမုၢ်ကိးဘိဒဲးအသရ့ၤန့ၣ်, နသူၣ်ထီၣ်ဘှီထီၣ်တၢ်လီၢ်တဖၣ် လၢတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်အဂီၢ်ဒီးမၤပှၤဃဲသဲ မုၣ်အတၢ်မၤလီၤ.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.