လံာ်ယံးရမံယၤ 11:12 - Sgaw Karen Common Bible

¹² အန့ၣ်ဒီး, ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ကလဲၤဆူ ကစၢ်တဖၣ်လၢအဝဲသ့ၣ်လုၢ်ထီၣ်ပာ်ထီၣ်တၢ်လုၢ်တၢ်ပာ် တဖၣ်ဆူအအိၣ်, ဒီးကကိးထီၣ်အဝဲသ့ၣ်လၢတၢ်မၤစၢၤ အဂီၢ်လီၤ. ဘၣ်ဆၣ်ဖဲတၢ်မၤဟးဂီၤအံၤဟဲတုၤဝဲန့ၣ်, ကစၢ်တဖၣ်အံၤမၤပူၤမၤဖျဲးအဝဲသ့ၣ်တသ့ဘၣ်လီၤ.

လံာ်ယံးရမံယၤ 11:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်သိၣ်လီၤသီလီၤတၢ် 32:37

အန့ၣ်ဒီး, ယွၤကသံကွၢ်အပှၤဂီၢ်မုၢ်, “ကစၢ်တဖၣ်လၢအဒိၣ်ဝဲမုၢ်ဝဲလၢသုနာ်န့ၢ်တ့ၢ်အီၤန့ၣ်အိၣ်ဖဲ လဲၣ်.

လံာ်သိၣ်လီၤသီလီၤတၢ် 32:38

သုလုၢ်အီၣ်တ့ၢ်အဝဲသ့ၣ်ဒီးသုတၢ်လုၢ်တၢ်ပာ်တဖၣ်လၢအဘီၣ် ဒီးလုၢ်ထီၣ်အဝဲသ့ၣ်လၢစပံးထံလၢကအီဝဲအဂီၢ်လီၤ. မ်အဝဲသ့ၣ်ဟဲဒီးမၤစၢၤသုခဲအံၤ, မ်အဝဲသ့ၣ်ဟဲဃ့ၢ်ဝဲလၢ ကမၤပူၤဖျဲးသုအလီၢ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”