လံာ်ယံးရမံယၤ 11:11 - Sgaw Karen Common Bible

¹¹ အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 11:11 Iomraidhean Croise

လံာ်စီၤပၤခံဘ့ၣ်တဘ့ၣ် 22:16

တၢ်ကစီၣ်ဒ်လာ်အံၤလၢယွၤအအိၣ်န့ၣ်လီၤ. “ယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ခဲလၢာ်ဒ်တၢ်ကွဲး အသးအိၣ်ဝဲလၢလံာ်လၢစီၤပၤဖးတ့ၢ်အီၤအပူၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:24

တၢ်ကစီၣ်ဟဲလၢယွၤအအိၣ်ဒ်လၢလာ်အံၤန့ၣ်လီၤ. “ယကစံၣ်ညီၣ်ဝ့ၢ်ယရူၤၡလ့ၣ်, ဒီးအပှၤဂီၢ်မုၢ်ခဲလၢာ်လၢတၢ် ဆိၣ်အၢတဖၣ်လၢအဘၣ်တၢ်ကွဲးလီၤအီၤလၢလံာ်လၢဘၣ်တၢ်ဖးန့ၢ်စီၤ ပၤအပူၤန့ၣ်လီၤ.

လံာ်စီၤယိၤဘး 35:13

အဂ့ၢ်ဒ်အံၤ, အဝဲသ့ၣ်အတၢ်ကိးထီၣ်န့ၣ်မ့ၢ်တၢ်ကလီကလီလီၤ. သ့တၢ်လၢာ်ကစၢ်ယွၤတထံၣ်ဒီးတနၢ်ဟူအဝဲသ့ၣ်ဘၣ်.

စံးထီၣ်ပတြၢၤ 18:41

အဝဲသ့ၣ်ကိးထီၣ်လၢတၢ်မၤစၢၤအဂီၢ်, ဘၣ်ဆၣ်ပှၤလၢကမၤစၢၤအီၤတအိၣ်နီတဂၤဘၣ်. အဝဲသ့ၣ်ကိးထီၣ်ဆူယွၤအအိၣ်ဘၣ်ဆၣ် အဝဲတစံးဆၢဝဲဒၣ်ဘၣ်.

စံးထီၣ်ပတြၢၤ 66:18

ယမ့ၢ်ပာ်ကဲတ့ၢ်တၢ်အၢလၢယသးကံၢ်ပူၤဒီး ယွၤတဒိကနၣ်ဘၣ်ယၤဘၣ်.

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 24:17

ပှၤခဲလၢာ်သ့ၣ်ဧၢ, ဒိကနၣ်လၢ်ယၤတက့ၢ်. တၢ်လီၤပျံၤလီၤဖုးတဖၣ်, မၢဧိၤပျၢ်ဧိၤအပူၤတဖၣ်ဒီးထုတဖၣ်အိၣ်ခိးသုလီၤ.

လံာ်ယံးရမံယၤ 11:14

စီၤယံးရမံယၤဧၢ, ဃ့ထုကဖၣ်တၢ်လၢယၤမ့ၢ်ဂ့ၤဃ့ကညး ယၤမ့ၢ်ဂ့ၤလၢပှၤဂီၢ်မုၢ်အံၤအခၢၣ်စးတဂ့ၤ. ဖဲအဝဲသ့ၣ်အိၣ်လၢတၢ်ကီတၢ်ခဲအပူၤ, ဒီးကိးထီၣ်ယၤလၢတၢ်မၤ စၢၤအဂီၢ်န့ၣ်, ယတကနၣ်အဝဲသ့ၣ်ဘၣ်.”

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 18:11

ခဲကနံၣ်အံၤ, တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢ, ယရဲၣ်ကျဲၤတၢ်ထီဒါအဝဲသ့ၣ်ဒီးယအိၣ်ကတဲာ်ကတီၤယသးလၢ ယကစံၣ်ညီၣ်အဝဲသ့ၣ်န့ၣ်တက့ၢ်. တဲဘၣ်အဝဲသ့ၣ်လၢကဆိကတီၢ် အိၣ်မူလၢတၢ်ဒဲးဘးအပူၤ, ကလဲလိာ်အကျဲတဖၣ်ဒီးတၢ်သ့ၣ် တဖၣ်လၢအမၤဝဲန့ၣ်တက့ၢ်.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 23:12

ကျဲတဖၣ်လၢအဝဲသ့ၣ်ပိာ်ဝဲန့ၣ်ကဒုးလီၤတလံာ်တၢ်ဒီးကခံးဝဲလီၤ. ယကဒုးဘၣ်တိၢ်အဝဲသ့ၣ်အခီၣ်ဒီးကလီၤဃံၤဝဲလီၤ. ယကဟဲစိာ်တၢ်တတၢးတနါလၢအဝဲသ့ၣ်အဖီခိၣ်ဒီးတၢ်စံၣ်ညီၣ် အဝဲသ့ၣ်အဆၢကတီၢ်ဟဲဝဲလံ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 25:35

သုကပူၤဖျဲးအဂီၢ်ကျဲတအိၣ် နီတဘိဘၣ်.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 36:31

ယကစံၣ်ညီၣ်နၤ, နစၢၤနသွဲၣ်တဖၣ်, ဒီးနပဒိၣ်ပပှၢ်တဖၣ်မ့ၢ်လၢ တၢ်ဒဲးဘးတဖၣ်လၢ သုဝဲခဲလၢာ်မၤတ့ၢ်အီၤအဃိန့ၣ်လီၤ. နၤမ့ၢ်ဂ့ၤ, ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကီၢ်ယူဒၤအပှၤဂီၢ်မုၢ်မ့ၢ်ဂ့ၤ, တကနၣ်ဃုာ်ယတၢ်ဟ့ၣ်ပလီၢ်တဖၣ်နီတမံၤဘၣ်. ဒီးယကဒုးလီၤဘၣ်တၢ်တတၢးတနါလၢ ကမၤပျံၤမၤဖုးတၢ်န့ၣ်လၢ သုလိၤလီၤ.

လံာ်ယံးရမံယၤ 6:19

ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ယဃ့းစက့လး 7:5

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလၢ, တၢ်တတၢးတနါတမံၤဝံၤတမံၤကဟဲဘၣ်နၤန့ၣ်လီၤ.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်စကၤရယၤ 7:13

မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.