လံာ်ယံးရမံယၤ 10:9 - Sgaw Karen Common Bible

⁹ အဝဲသ့ၣ်အတၢ်ဂီၤတၢ်ဖီၣ်ဘၣ်တၢ်ကးဘၢအီၤလၢစ့လၢအဟဲလၢ ကီၢ်စပၤနံ ဒီးထူလၢအဟဲလၢအူဖစးလၢအမ့ၢ်ပှၤသိတၢ်ဖိ တဖၣ်အတၢ်မၤန့ၣ်လီၤ. အဝဲသ့ၣ်ဘၣ်တၢ်ဒုးကူဒုးသိးအီၤလၢတၢ်လါ ဒီးတၢ်လုးတကုာ် လၢပှၤထါတၢ်အသ့အဘၣ်တဖၣ်ထါဝဲန့ၣ်လီၤ.

လံာ်ယံးရမံယၤ 10:9 Iomraidhean Croise

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

စံးထီၣ်ပတြၢၤ 115:4

အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ် ဘၣ်တၢ်မၤအီၤလၢစ့ဒီးထူဒီး မ့ၢ်ပှၤကညီအတၢ်မၤလၢအစုတဖၣ်န့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

လံာ်ယၡါယၤ 23:6

ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤဂီၢ်မုၢ်လၢကီၢ်ဖံၤနံက့ၤအပူၤသ့ၣ်ဧၢ, ကျဲးစၢးထွးထီၣ်ဃ့ၢ်ဆူကီၢ်စပၤနံတက့ၢ်.

လံာ်ယၡါယၤ 40:19

အဝဲတလီၤဂာ်ဒီးတၢ်ဂီၤတၢ်ဖီၣ်လၢပှၤမၤတၢ်ဖိတ့ဝဲ, ဒီးပှၤပိာ်စ့, တိၢ်, ထးတဖၣ်ကးဘၢအီၤလၢထူ, ဒီးဆီလီၤအီၤလၢတၢ်ခီၣ်ထံးစ့တခါအပူၤန့ၣ်ဘၣ်.

လံာ်ယဃ့းစက့လး 27:12

နမၤပနံၣ်တၢ်ကၤအတၢ်မၤဒီး ကီၢ်စပၤနံဒီးနဟံးန့ၢ်စ့, ထး, ထးဝါဒီးပှာ်သူဒ်တၢ်အပှ့ၤအသိး လၢနတၢ်ဖိတၢ်လံၤအါအါ ကလဲာ်အဂီၢ်န့ၣ်လီၤ.

လံာ်ယဃ့းစက့လး 27:7

နယၢ်လၣ်တဖၣ်ဘၣ်တၢ်မၤအီၤလၢဖှီဝါကဆှၣ်, ဖှီဝါကဆှၣ်ဆးဒဲးကံၣ်ဒဲးဝ့ၤအသးဟဲလၢ ကီၢ်အဲၤကူပတူးတခီ, လၢအဘၣ်တၢ်သ့ၣ်ညါအီၤညီကဒၣ်လၢ အယံၤန့ၣ်လီၤ. နတၢ်ပနီၣ်တဖၣ်ဘၣ်တၢ်မၤအီၤလၢ တၢ်ကံးယာ်အဂ့ၤကတၢၢ်အိၣ်ဒီးအလွဲၢ်လုးတကုာ်ဟဲလၢ ကီးကူပြူးတခီန့ၣ်လီၤ.

လံာ်ဒၤနံးယ့လး 10:5

ယကွၢ်ထီၣ်ဒီးယထံၣ်တ့ၢ်ပှၤတဂၤသိးဆ့ဖှီဝါကဆှၣ်တဖၣ်အိၣ်ဒီးယီၢ် တကိးထူဂ့ၤဂ့ၤတဘိန့ၣ်လီၤ.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.