လံာ်ယံးရမံယၤ 10:8 - Sgaw Karen Common Bible

⁸ အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 10:8 Iomraidhean Croise

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

စံးထီၣ်ပတြၢၤ 135:18

ပှၤလၢအတ့အီၤတဖၣ်ဒီးကယဲၢ်ပှၤလၢ အသန့ၤအသးလၢအီၤခဲလၢာ်န့ၣ်, ကလီၤဂာ်ဒီးတၢ်ဂီၤတၢ်ဖီၣ်လၢအတ့ဝဲတဖၣ်လီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယၡါယၤ 44:19

ပှၤလၢအတ့တၢ်ဂီၤတၢ်ဖီၣ်တဖၣ်တအိၣ်ဒီးတၢ်ကူၣ်တၢ်ဆးမ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤလၢကစံးဝဲ, “ယဒွဲၣ်အူထီၣ်သ့ၣ်တနီၤလီၤ. ယကုၢ်ကိၣ်တနီၤလၢမ့ၣ်အူကဖးအဖီခိၣ်, ဒီးယကၣ်တၢ်ညၣ်ဒီးယအီၣ်အီၤလီၤ. ဒီးသ့ၣ်လၢအအိၣ်တီၢ်န့ၣ်, ယတ့ထီၣ်တၢ်ဂီၤတၢ်ဖီၣ်တခါလီၤ. ဖဲအံၤ, ယတီၤလီၤယဲလၢသ့ၣ်ကူာ်လာ်တကျီၣ်အမဲာ်ညါလီၤ,” န့ၣ်ဘၣ်.

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 3:9

ဒီးအဝဲတမဲာ်ဆှးလ့ၤတက့ၤဘၣ်န့ၣ်လီၤ. အဝဲမၤဘၣ်အၢတ့ၢ်ထံ ကီၢ်, မၤတ့ၢ်တၢ်မၤကမၣ်မုၣ်ကမၣ်ခွါခီဖျိအဘူၣ်ထီၣ်ဘါထီၣ် လၢၢ်ဧိၤလ့ဧိၤဒီးသ့ၣ်ဧိၤဝၣ်ဧိၤတဖၣ်န့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 5:4

အန့ၣ်ဒီးယဆိကမိၣ်ထီၣ်, “ပှၤသ့ၣ်တဖၣ်အံၤမ့ၢ်ဒၣ်ထဲပှၤအဖှီၣ် ဒီးပှၤတမၤလိမၤဒိးဘၣ်တၢ်လီၤ. အဝဲသ့ၣ်အိၣ်မူဒ်ပှၤဟးဂီၤဖိအသိးလီၤ. အကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်ဃဘးကူာ် 2:18

တၢ်ဂီၤတၢ်ဖီၣ်တခါန့ၣ်အဘျုးအိၣ်မနုၤတမံၤလဲၣ်. တၢ်န့ၣ်မ့ၢ်ဒၣ်တၢ်လၢပှၤကညီစိးပျၤတ့ၢ်ဝဲဒီးတ တဲသုလၢတၢ်နီတမံၤဘၣ်. မ့မ့ၢ်ထဲတၢ်လီတၢ်ဝ့ၤလီၤ. ကစၢ်တဂၤလၢအကတိၤတၢ်ဒၣ်လဲာ်တသ့ဘၣ်န့ၣ်, ကမၤတၢ်ဂ့ၤလၢပှၤစိးပျၤအီၤကသန့ၤအသးဒီးအီၤလၢမနုၤတမံၤလဲၣ်.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.