လံာ်ယံးရမံယၤ 10:6 - Sgaw Karen Common Bible

⁶ ယွၤဧၢ, ပှၤဒ်နၤအသိးတအိၣ်နီတဂၤဘၣ်. နဂံၢ်ဆူၣ်နဘါဆူၣ် ဒီးနမံၤန့ၣ်ဒိၣ်ဝဲဒီးအိၣ်ဒီးအစိအကမီၤလီၤ.

လံာ်ယံးရမံယၤ 10:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:22

နမ့ၢ်တၢ်ဒိၣ်နီၢ်မးလဲၣ်, ပၢဘၣ်တၢ်ခဲလၢာ်ကစၢ်, ယွၤဧၢ. ပှၤဒ်သိးနၤတအိၣ်ဘၣ်နီတဂၤဘၣ်. ပသ့ၣ်ညါတ့ၢ်ထီဘိလၢထဲဒၣ်နၤတဂၤန့ၣ်နမ့ၢ်ကစၢ်ယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:25

ယွၤန့ၣ်ဒိၣ်ဝဲ, ဒီးကြၢးဘၣ်တၢ်စံးထီၣ်ပတြၢၤအီၤဒိၣ်ဒိၣ် ကလဲာ်န့ၣ်လီၤ. အဝဲကြၢးဒိးဘၣ်တၢ်လၤကပီၤဒိၣ်န့ၢ်ဒံးကစၢ်အဂၤတဖၣ်ခဲလၢာ် လီၤ.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

စံးထီၣ်ပတြၢၤ 145:3

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 96:4

အဂ့ၢ်ဒ်အံၤ, ယွၤန့ၣ်ဒိၣ်ဝဲ ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ. အဝဲကဘၣ်တၢ်ပျံၤအီၤဒိၣ်န့ၢ်ဒံး ကစၢ်ခဲလၢာ်တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်တၢ်ဟးထီၣ်ကွံာ် 8:10

ဒီးစီၤပၤစံးဆၢဝဲဒၣ်, “ဃ့ကညးတၢ်လၢယဂီၢ်ခဲဂီၤကိာ်တက့ၢ်.” ဒီးစီၤမိၤၡ့စံးဝဲဒၣ်, “ယကမၤဒ်နမၢယၤအသိးဒီးနကသ့ၣ်ညါလၢကစၢ်အဂုၤအဂၤတအိၣ်ဘၣ်ဒ်ပယွၤ, ပကစၢ်ယွၤအသိးဘၣ်န့ၣ်လီၤ.

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 40:18

တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 46:5

“သုကထိၣ်သတြီၤယၤဒီးမတၤလဲၣ်.” ယွၤစံးဝဲဒၣ်, “ပှၤလၢအလီၤဂာ်ဒီးယၤအိၣ်ဝဲတဂၤဂၤဧါ.”

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

1 ကရံၣ်သူး 8:6

လၢပဝဲဒၣ်ပဂီၢ်, ကစၢ်ယွၤအိၣ်ထဲတဂၤဧိၤ, လၢအမ့ၢ်ပၢ်ကစၢ်, လၢအမ့ၢ်ပှၤတ့လီၤပာ်လီၤတၢ်ကိးမံၤဒဲး ဒီးလၢပမူလၢအဂီၢ်, ဒီးကစၢ်အိၣ်ထဲတဂၤ, ယ့ၣ်ၡူးခရံာ်လၢတၢ်ကိးမံၤဒဲးဘၣ်တၢ်တ့လီၤခီဖျိအီၤ, ဒီးလၢပမူပဝဲခီဖျိအီၤန့ၣ်လီၤ.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.