လံာ်ယံးရမံယၤ 10:3 - Sgaw Karen Common Bible

³ ပှၤဂီၢ်မုၢ်တဖၣ်အံၤအတၢ်ဘူၣ်တၢ်ဘါန့ၣ်အလုၢ်အပှ့ၤတအိၣ်ဘၣ်. သ့ၣ်တထူၣ်ဘၣ်တၢ်ကူာ်လီၤအီၤလၢသ့ၣ်ပှၢ်အပူၤ, ဒီးသ့ၣ်န့ၣ်ဘၣ်တၢ်စိးပျၤအီၤလၢပှၤစိးပျၤသ့ၣ် အတၢ်ပီးတၢ်လီတဖၣ်,

လံာ်ယံးရမံယၤ 10:3 Iomraidhean Croise

စံးထီၣ်ပတြၢၤ 115:4

အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ် ဘၣ်တၢ်မၤအီၤလၢစ့ဒီးထူဒီး မ့ၢ်ပှၤကညီအတၢ်မၤလၢအစုတဖၣ်န့ၣ်လီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်မးသဲ 6:7

ဖဲသုဃ့ဘါထုကဖၣ်ယွၤန့ၣ်တဘၣ်စံးဝံၤစံးက့ၤတၢ်လၢအခီပညီ တအိၣ်ဘၣ်ဒ်ပှၤတသ့ၣ်ညါယွၤတဖၣ်မၤဝဲအသိးန့ၣ်တဂ့ၤ. အဂ့ၢ်ဒ်အံၤအဝဲသ့ၣ်ဆိကမိၣ်ဝဲလၢယွၤကနၢ်ဟူအီၤလၢအဃ့ဘါထုကဖၣ်တၢ်ထီထီအဃိန့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.