လံာ်ယံးရမံယၤ 10:25 - Sgaw Karen Common Bible

²⁵ ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 10:25 Iomraidhean Croise

လံာ်စီၤယိၤဘး 18:21

တၢ်အံၤမ့ၢ် ပှၤအၢပှၤသီတဖၣ် အတၢ်ဘူၣ်တၢ်တီၢ် ပှၤတဖၣ်လၢအတပာ်လ့ၢ်ပာ်ကါကစၢ်ယွၤနီတစဲး အတၢ်ဘူၣ်တၢ်တီၢ်န့ၣ်လီၤ.

စံးထီၣ်ပတြၢၤ 14:4

ယွၤစံးဝဲဒၣ်, “မ့ၢ်အဝဲသ့ၣ်တသ့ၣ်ညါဘၣ်ဧါ. ကယဲၢ်ပှၤမၤတၢ်အၢခဲလၢာ်အံၤအသးတဆးဘၣ်ဧါ. အဝဲသ့ၣ်အိၣ်မူလၢတၢ်ဟုၣ်ယပှၤဂီၢ်မုၢ်အပူၤဒီး တဘါထုကဖၣ်တၢ်ဆူယၤနီတစုဘၣ်. ”

စံးထီၣ်ပတြၢၤ 147:20

အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤတဖၣ်န့ၣ်ဘၣ်. အဝဲသ့ၣ်တသ့ၣ်ညါ အတၢ်သိၣ်တၢ်သီတဖၣ်န့ၣ်ဘၣ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 27:2

တုၤပှၤအၢပှၤသီတဖၣ်ထီဒါယၤဒ်သိး အကအီၣ်ကွံာ်ယဖံးယညၣ်န့ၣ်ဒီး, အဝဲသ့ၣ်အခီၣ်ဘၣ်တိၢ်ဒီးလီၤဃံၤဝဲန့ၣ်လီၤ.

စံးထီၣ်ပတြၢၤ 69:24

လူလီၤနတၢ်သးထီၣ်လၢအလိၤတက့ၢ်. ဒီးမ်နတၢ်သးဒိၣ်အတၢ်ကဲၤထီၣ်ချုးန့ၢ်အီၤတက့ၢ်.

လံာ်ယၡါယၤ 43:22

ယွၤစံးဝဲ, “ဘၣ်ဆၣ်ကီၢ်အံၣ်စရ့လးဧၢ, နသးဟးဂီၤကွံာ်လၢယဃိ ဒီးနတဘူၣ်ထီၣ်ဘါထီၣ်လၢၤယၤဘၣ်.

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 11:1

ယွၤစံးဘၣ်တ့ၢ်ယၤ,

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

မၤတၢ် 17:23

အဂ့ၢ်ဒ်အံၤ, ဖဲယဟးလၢသုဝ့ၢ်ပူၤဒီးကွၢ်သုတၢ်ဘူၣ်တၢ်ဘါအလီၢ် တဖၣ်န့ၣ်, ယထံၣ်တၢ်လုၢ်လီၢ်တတီၤလၢတၢ်ကတိၤအိၣ်ကွဲးအသး လၢအဖီခိၣ်, ‘ကစၢ်ယွၤလၢတၢ်တသ့ၣ်ညါအီၤတဂၤအဂီၢ်’ န့ၣ်လီၤ. လၢတၢ်န့ၣ်အဃိ, ယွၤလၢသုဘူၣ်ထီၣ်ဘါထီၣ်ဒီးသုတသ့ၣ်ညါအီၤဒၣ်လဲာ်တဂၤန့ၣ်, ယစံၣ်တဲၤတဲလီၤန့ၢ်သုလၢအဂ့ၢ်ခဲကနံၣ်အံၤလီၤ.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

၁ သ့းစၤလနံ 4:5

ဒီးတမ့ၢ်ဘၣ်လၢတၢ်မုာ်ဖံးမုာ်ညၣ်အတၢ်သးကွံအပူၤ, ဒ်ပှၤလၢအတသ့ၣ်ညါထူသ့ၣ်ညါယွၤတဖၣ်မၤဝဲအသိးန့ၣ်ဘၣ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

လံာ်လီၣ်ဖျါ 16:1

တုၤနုၤတစုယနၢ်ဟူတၢ်ကလုၢ်ဖးဒိၣ်သီၣ်ထီၣ်လၢတၢ်လုၢ်ဟံၣ် ပူၤဒီးစံးဘၣ်ကလူးနွံဂၤ “လဲၤ ဒီးဂၢ်လီၤကစၢ်ယွၤအတၢ်သးထီၣ်အသလၢနွံဖျၢၣ် လၢဟီၣ်ခိၣ်ချၢတက့ၢ်.”