လံာ်ယံးရမံယၤ 10:20 - Sgaw Karen Common Bible

²⁰ ပဒဲတဖၣ်ဟးဂီၤကွံာ်လၢာ်လံ. ပျံၤတဖၣ်လၢအစၢကျၢၤဃာ်အဝဲသ့ၣ်န့ၣ် ထီၣ်တဲာ်ကွံာ်လံ. ပဖိတဖၣ်ဟးထီၣ်ကွံာ်လၢပအိၣ်လၢာ်လံ. ပှၤလၢကသူၣ်ထီၣ်ဘှီထီၣ်န့ၢ်ကဒီးပဒဲတဖၣ်မ့ၢ်ဂ့ၤ, ပှၤလၢကသလၣ်ထီၣ်ဒဲတဖၣ်အယၣ်ဘျးသဒၢတၢ်တဖၣ်မ့ၢ်ဂ့ၤ, တအိၣ်လၢၤနီတဂၤဘၣ်.”

လံာ်ယံးရမံယၤ 10:20 Iomraidhean Croise

လံာ်စီၤယိၤဘး 7:8

နထံၣ်ယၤခဲကနံၣ်အံၤဘၣ်ဆၣ်လၢခံနတထံၣ်ဘၣ်ယၤနီတစု လၢၤဘၣ်. နမ့ၢ်ကွၢ်ဃုယၤဒီးယတအိၣ်လၢၤဘၣ်.

တၢ်ကတိၤဒိ. 12:7

ပှၤတတီတလိၤဘၣ်သဂၢၢ်အတၢ်လီၤပှီၢ်ဒီးအစၢၤအသွဲၣ်တအိၣ်လီၤ တဲာ်တ့ၢ်နီတဂၤဘၣ်. မ့မ့ၢ်, ပှၤတီပှၤလိၤအဒူၣ်ဖိထၢဖိ တဖၣ်ကအိၣ်မူဝဲဆူညါလီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 51:18

ပှၤလၢအကဆှၢနၤတအိၣ်နီတဂၤဘၣ်, ဒီးလၢနပှၤဂီၢ်မုၢ်ဒၣ်နဲအကျါ ပှၤလၢအကဟံးနၤလၢအစုတအိၣ်နီတဂၤဘၣ်.

လံာ်ယၡါယၤ 54:2

မၤလဲၢ်ထီၣ်ဒဲလၢနအိၣ်လၢအပူၤတက့ၢ်. မၤထီထီၣ်အပျံၤတဖၣ်ဒီးမၤခၢၣ်သနၢၣ်အတၢၣ်ဖိတဖၣ်တက့ၢ်.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်သးသယုၢ်တၢ် 1:5

အဒုၣ်အဒါတဖၣ်မၤနၢၤကွံာ်အီၤဒီးအိၣ်ဝဲဘီၣ်ထီၣ်ညီထီၣ်ဝဲ လီၤ. အဂ့ၢ်ဒ်အံၤ, ကစၢ်ယွၤဒုးတူၢ်ဘၣ်အီၤတၢ်လၢကယဲၢ်အတၢ်ဒဲးဘး တဖၣ်အဃိလီၤ. အဖိအလံၤတဖၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤဆူတၢ်မၢကဲ ကုၢ်အလီၢ်လီၤ.

လံာ်မံကၤ 2:9

သုနီၣ်ကွံာ်ယပှၤဂီၢ်မုၢ်အပိာ်မုၣ်တဖၣ်လၢအဟံၣ်မုာ်ဒီးသုတြီ တ့ၢ်အဖိအလံၤတဖၣ်တဘိယူာ်ဃီလၢကအိၣ်ဒီးယတၢ်ဆိၣ်ဂ့ၤ တဖၣ်လီၤ.