လံာ်ယံးရမံယၤ 10:2 - Sgaw Karen Common Bible

² အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယံးရမံယၤ 10:2 Iomraidhean Croise

လံာ်တၢ်ကဲထီၣ်အခီၣ်ထံး 1:14

ဒီးကစၢ်ယွၤခါလီၤအကလုၢ်, “မ်တၢ်ကပီၤတဖၣ်ဟဲအိၣ်ဖျါထီၣ် လၢမူခိၣ် ဒ်သိးကနီၤဖးမုၢ်နံၤလၢမုၢ်နၤ, ဒီးကဲထီၣ်တၢ်ပနီၣ်တဖၣ် လၢမုၢ်နံၤမုၢ်သီတဖၣ်, နံၣ်ဧိၤလါဧိၤတဖၣ်ဒီး တၢ်ဆၢကတီၢ်တဖၣ်အဂီၢ်တက့ၢ်.

လံာ်ယံးရမံယၤ 10:1

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်ကစီၣ်လၢယွၤ ဟ့ၣ်လီၤလၢသုဂီၢ်န့ၣ်တက့ၢ်.

လံာ်ယဃ့းစက့လး 20:32

သုပာ်လီၤတ့ၢ်သုသးလၢသုကအဲၣ်ဒိးလီၤဂာ်ဒ်ပှၤကလုာ်တဖၣ်, ဒ်ပှၤဂီၢ်မုၢ်လၢအိၣ်ဝဲဆိးဝဲလၢထံကီၢ်အဂၤတဖၣ်အပူၤ, ဒီးဘူၣ်ထီၣ်ဘါထီၣ်သ့ၣ်တဖၣ်ဒီးလၢၢ်တဖၣ်န့ၣ်လီၤ. ဘၣ်ဆၣ်တၢ်န့ၣ်တမ့ၢ်ကမၤအသးနီတဘျီဘၣ်.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:23

မၤထွဲပှၤကလုာ်တဖၣ်လၢယဟီထီၣ်ကွံာ်အီၤလၢသုမဲာ်ညါအလုၢ်အလၢ် တဂ့ၤ. အဂ့ၢ်ဒ်အံၤ, အဝဲသ့ၣ်အတၢ်မၤခဲလၢာ်န့ၣ်ယသးဘၣ်အၢလီၤ.

လံာ်သိၣ်လီၤသီလီၤတၢ် 18:9

ဖဲသုဟဲနုာ်လီၤဆူကီၢ်န့ၣ်လၢယွၤ, သုကစၢ်ယွၤဟ့ၣ်လီၤသု အပူၤဒီး, ပိာ်ထွဲပှၤကလုာ်တဖၣ်လၢအအိၣ်ဖဲန့ၣ်အတၢ်မၤတဖၣ်လၢ အလီၤသးဘၣ်အၢအခံတဂ့ၤ.

လံာ်ပှၤစံၣ်ညီၣ်ကွီၢ် 6:10

ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”