လံာ်ယံးရမံယၤ 10:19 - Sgaw Karen Common Bible

¹⁹ ဝ့ၢ်ယရူၤၡလ့ၣ်အပှၤဂီၢ်မုၢ်ကိးထီၣ်ဝဲ, “ပဘၣ်ဒိဘၣ်ထံးဆါနးမးလဲၣ်. ပပူၤလီၢ်တဖၣ်တဘျါဘၣ်. ဒီးပဆိကမိၣ်လၢတၢ်အံၤမ့ၢ်တၢ်တမံၤလၢပတူၢ်အီၤ ကဘၣ်သ့ကစီဒီန့ၣ်လီၤ.

လံာ်ယံးရမံယၤ 10:19 Iomraidhean Croise

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

စံးထီၣ်ပတြၢၤ 77:10

အန့ၣ်ဒီးယစံး, “တၢ်လၢအမၤဘၣ်ဒိဆါယၤအဒိၣ်ကတၢၢ် မ့ၢ်ဝဲ, ကစၢ်ယွၤအစိကမီၤတအိၣ် လၢၤဘၣ်န့ၣ်လီၤ.”

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 8:21

ယသးလီၤသဘှံးကွံာ် မ့ၢ်လၢယပှၤဂီၢ်မုၢ်ဘၣ်တၢ်ဆီၣ်တံၢ်ဆီၣ်သနံးအီၤ အဃိလီၤ. ယဟီၣ်တၢ်ယၢၤတၢ်လီၤ. ယသးအုးဒီးသးလီၤကတုၤလၢာ်အခၢးလီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်သးသယုၢ်တၢ် 1:2

ဟီၣ်ဝဲယၢၤဝဲသီတနၤကျၢၤ, ဒီးမဲာ်ထံမဲာ်နိတဖၣ်ယွၤလီၤဝဲ လၢအဘိးပၤတဖၣ်လီၤ. ကယဲၢ်အတံၤသကိးလၢညါတဖၣ်အကျါပှၤ တအိၣ်လီၤတဲာ်ဘၣ်နီတဂၤလၢကမၤမုာ်ထီၣ်အီၤဘၣ်. အဒီသိၣ်ဒီမှံၤတဖၣ်ဟ့ၣ်လီၤကွံာ်အီၤဒီးခဲအံၤအဝဲသ့ၣ်ထီ ဒါအီၤလီၤ.

လံာ်သးသယုၢ်တၢ် 3:48

ယမဲာ်ထံတဖၣ်ကယွၤလီၤလၢယမဲာ်ချံတဖၣ်အပူၤဒ်ထံကျိတဖၣ်အသိး လၢယပှၤဂီၢ်မုၢ်အတၢ်ဟးဂူာ်ဟးဂီၤအဃိန့ၣ်လီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.