လံာ်ယံးရမံယၤ 10:12 - Sgaw Karen Common Bible

¹² ယွၤတ့လီၤဟီၣ်ခိၣ်လၢအစိကမီၤဒၣ်ဝဲ, ဒီးလၢအတၢ်ကူၣ်သ့န့ၣ် တ့လီၤပာ်လီၤဟီၣ်ခိၣ်ဒီးသလၣ်လီၤမူခိၣ်အလီၢ်တဖၣ်လီၤ.

လံာ်ယံးရမံယၤ 10:12 Iomraidhean Croise

လံာ်တၢ်ကဲထီၣ်အခီၣ်ထံး 1:1

လၢထံးလၢသီဖဲကစၢ်ယွၤတ့လီၤပာ်လီၤတ့ၢ်မူခိၣ်ဒီးဟီၣ်ခိၣ်န့ၣ်,

လံာ်တၢ်ကဲထီၣ်အခီၣ်ထံး 2:5

ဖဲယွၤ, ကစၢ်ယွၤတ့လီၤပာ်လီၤမူခိၣ်ဟီၣ်ခိၣ်န့ၣ်, တၢ်မုၢ်တၢ်ဘိတအိၣ်ဘၣ်လၢဟီၣ်ခိၣ်အလိၤဒီးတၢ်ချံတဖၣ်တမဲထီၣ်ဘၣ်. အဂ့ၢ်ဒ်အံၤ, အဝဲတဟ့ၣ်လီၤဒံးတၢ်စူၤထံနီတစဲး, ဒီးပှၤလၢအကသူၣ်လီၤဖျးလီၤဟီၣ်ခိၣ်တအိၣ်ဘၣ်နီတဂၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:26

ပှၤကလုာ်ဂၤအကစၢ်တဖၣ်န့ၣ်မ့ၢ်ဒၣ်တၢ်ဂီၤတၢ်ဖီၣ်တဖၣ်လီၤ. မ့မ့ၢ်ယွၤတ့လီၤပာ်လီၤမူခိၣ်န့ၣ်လီၤ.

လံာ်စီၤယိၤဘး 26:7

ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

လံာ်စီၤယိၤဘး 37:18

မ့ၢ်နမၤစၢၤကစၢ်ယွၤအတၢ်သလၣ်ထီၣ်မူခိၣ်ဒီးဒုးကျၢၤ အီၤဒ်မဲာ်ထံကလၤတဘ့ၣ်သိအသးအသိးဘၣ်ကသ့ဧါ.

လံာ်စီၤယိၤဘး 9:8

အဝဲမ့ၢ်ပှၤထဲတဂၤဧိၤလၢသလၣ်ထီၣ်မူကပိာ်လိၤဒီးမၤနၢၤပီၣ် လဲၣ်အလပီသ့ၣ်တဖၣ်န့ၣ်လီၤ.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 119:90

နတၢ်မ့ၢ်တၢ်တီအိၣ်ဝဲအစိၤစိၤအဃၣ်ဃၣ်, နတ့လီၤပာ်လီၤဟီၣ်ခိၣ်, ဒီးအိၣ်ဂၢၢ်ဆိးကျၢၤဝဲလီၤ.

စံးထီၣ်ပတြၢၤ 24:2

အဂ့ၢ်ဒ်အံၤ, ပာ်လီၤဝဲအခီၣ်ထံးလၢထံယိာ်ပူၤလၢဟီၣ်ခိၣ် အဖီလာ်, ဒီးဒုးအိၣ်ဂၢၢ်ဆိးကျၢၤအီၤလၢ ပီၣ်လဲၣ်အတၢ်ဃိာ်အပူၤန့ၣ်လီၤ.

စံးထီၣ်ပတြၢၤ 33:6

ယွၤတ့လီၤမူခိၣ်ခီဖျိအကလုၢ်, မုၢ်, လါ, ဒီးဆၣ်တဖၣ်လၢအတၢ်ကတိၤန့ၣ်လီၤ.

စံးထီၣ်ပတြၢၤ 65:7

နဒုးအိၣ်ဘှီၣ်ပီၣ်လဲၣ်အသီၣ် ဒီးလပီတဖၣ်အသီၣ်, ပှၤဂီၢ်မုၢ်အတၢ်တၢထီၣ်တၢလီၤန့ၣ်လီၤ.

စံးထီၣ်ပတြၢၤ 78:69

ဖဲန့ၣ်အဝဲဘှီထီၣ်အတၢ်လုၢ်ဟံၣ် ဒ်အဟံၣ်လၢမူခိၣ်အသိး, မၤကျၢၤအီၤဒ်ဟီၣ်ခိၣ်လၢ အအိၣ်ဂၢၢ်ကျၢၤ အစိၤစိၤဃၣ်ဃၣ်န့ၣ်လီၤ.

စံးထီၣ်ပတြၢၤ 93:1

ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

တၢ်ကတိၤဒိ. 3:19

ယွၤတ့လီၤတ့ၢ်ဟီၣ်ခိၣ်လၢအတၢ်ကူၣ်သ့, ဒီးလၢအတၢ်သ့ၣ်ညါဒၣ်ဝဲန့ၣ်ကျဲၤလီၤပာ်လီၤမူခိၣ်လၢအလီၢ် အကျဲလီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယံးရမံယၤ 10:13

တုၤအဝဲဟ့ၣ်လီၤအကလုၢ်ဒီးထံတဖၣ်လၢမူကပိာ်လိၤအဖီခိၣ် သီၣ်ထီၣ်ရုၢ်ရုၢ်န့ၣ်လီၤ. အဝဲဟဲစိာ်တၢ်အၢၣ်တဖၣ်လၢဟီၣ်ခိၣ်အကတၢၢ်လီၤ. အဝဲတ့လီဝၢ်ဒံးဃုာ်ဒီးတၢ်စူၤဒီးဆှၢထီၣ်ကလံၤ လၢအတၢ်ပာ်ဖှိၣ်အလီၢ်လီၤ.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်စကၤရယၤ 12:1

အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်ယိၤဟၣ် 1:3

ခီဖျိအီၤန့ၣ်တၢ်ခဲလၢာ်ကဲထီၣ်ဝဲဒီးတၢ်လၢအဘၣ်တၢ်တ့အီၤ ခဲလၢာ်န့ၣ်တကဲထီၣ်လၢအစုပူၤဘၣ်ဒီးတအိၣ်ဘၣ်နီတမံၤဘၣ်.

ကလီးစဲ 1:16

ခီဖျိခရံာ်န့ၣ်ယွၤတ့လီၤတၢ်ခဲလၢာ်လၢအအိၣ်လၢမူခိၣ်ဒီးလၢ ဟီၣ်ခိၣ်, တၢ်လၢပထံၣ်အီၤသ့ဒီးတၢ်လၢပထံၣ်အီၤတသ့ဘၣ် တဖၣ်အိၣ်ဃုာ်ဒီးတၢ်စိတၢ်ကမီၤဘၣ်ဃးဒီးသူၣ်ဒီးသးတဖၣ်, ကစၢ်တဖၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်န့ၣ်လီၤ. ယွၤတ့လီၤတၢ်ခဲလၢာ်ခီဖျိခရံာ်ဒီးလၢခရံာ်အဂီၢ်လီၤ.