လံာ်ယံးရမံယၤ 1:7 - Sgaw Karen Common Bible

⁷ ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 1:7 Iomraidhean Croise

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 3:7

အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်, နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:13

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်, ယကစံးတၢ်လၢယကစၢ်ယွၤမၢယတဲန့ၣ်လီၤ.”

လံာ်တၢ်ဟးထီၣ်ကွံာ် 6:29

အဝဲစံးဝဲဒၣ်, “ယဲဒၣ်အံၤယမ့ၢ်ယွၤလီၤ. တၢ်လၢယတဲဘၣ်နၤတမံၤလၢ်လၢ်န့ၣ်တဲဘၣ်ကီၢ်အဲၤကူပတူး အစီၤပၤတက့ၢ်.”

လံာ်ယံးရမံယၤ 26:2

ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယံးရမံယၤ 43:1

ယတဲဘၣ် ပှၤဂီၢ်မုၢ်တၢ်ကိးမံၤဒဲးလၢယွၤအဝဲသ့ၣ် အကစၢ်ယွၤ မၢလီၤယၤလၢယကတဲဘၣ်အဝဲသ့ၣ်န့ၣ်ဝံၤလံ.

လံာ်ယံးရမံယၤ 7:27

လၢတၢ်န့ၣ်အဃိ, စီၤယံးရမံယၤဧၢ, နကဘၣ်စံးဘၣ်တဲဘၣ် ယပှၤဂီၢ်မုၢ်လၢတၢ်ကတိၤသ့ၣ်တဖၣ်အံၤခဲလၢာ်လီၤ. ဘၣ်ဆၣ်ဒီး, တမ့ၢ်အဝဲသ့ၣ်ကဒိကနၣ်နၤဘၣ်. နကကိးထီၣ်အဝဲသ့ၣ်, ဘၣ်ဆၣ်ဒီးတမ့ၢ်အဝဲသ့ၣ်ကစံးဆၢနၤဘၣ်.

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 3:27

အနၣ်ဝံၤဒီး, ဖဲယကတိၤကဒီးတၢ်ဒီးနၤ တဘျီဒီးဟ့ၣ်ကဒါက့ၤ နၤတၢ်သ့ကတိၤတၢ်န့ၣ်, နကတဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. အဝဲသ့ၣ်တနီၤကဒိကနၣ် တၢ်, ဘၣ်ဆၣ် တကနၣ်ဃုာ်နၤဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ပှၤပူထီၣ် တၢ်ဖိတကလုာ်န့ၣ်လီၤ.”

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်တၢ်ဂံၢ် 22:20

မုၢ်နၤအဝဲန့ၣ်ကစၢ်ယွၤဟဲဆူစီၤဘံးလၣ်အအိၣ်ဒီးစံးဝဲ, “ပှၤတဖုအံၤမ့ၢ်ဟဲဃ့ဝဲလၢနကလဲၤပိာ်အခံန့ၣ်ကတဲာ် ကတီၤထီၣ်နသးလၢနကလဲၤဃုာ်တၢ်ဒီးအဝဲသ့ၣ်တက့ၢ်. ဘၣ်ဆၣ်ဒီးမၤဒၣ်တၢ်ထဲလၢယစံးတ့ၢ်နၤဧိၤန့ၣ်တက့ၢ်.”

လံာ်တၢ်ဂံၢ် 22:38

စီၤဘံးလၣ်စံးဆၢအီၤ, “ယဟဲလံ, တမ့ၢ်ဘၣ်ဧါ. ဘၣ်ဆၣ်ဒီးခဲအံၤယအိၣ်ဒီးတၢ်စိကမီၤမနုၤန့ၣ်လဲၣ်. ယတဲကသ့ဒၣ်ထဲတၢ်လၢကစၢ်ယွၤမၢယစံးဧိၤလီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.