လံာ်ယံးရမံယၤ 1:3 - Sgaw Karen Common Bible

³ ဒီးအဝဲကတိၤကဒီးတၢ်ဒီးအီၤဖဲစီၤယိၤၡံယၤအဖိခွါစီၤယဟိယါကံၣ် ကဲထီၣ်စီၤပၤအခါန့ၣ်လီၤ. အန့ၣ်ဝံၤအလီၢ်ခံ, ယွၤကတိၤတၢ်ဒီးအီၤအါဘျီတုၤလီၤလၢ စီၤယိၤၡံယၤအဖိခွါစီၤစံးဒကံယၤပၢတၢ်တဆံတနံၣ်အကတီၢ်န့ၣ်လီၤ. လၢနံၣ်အဝဲန့ၣ်ယဲၢ်လါတလါအပူၤန့ၣ်, ပှၤဂီၢ်မုၢ်လၢဝ့ၢ်ယရူၤ ၡလ့ၣ်တဖၣ်ဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ယံးရမံယၤ 1:3 Iomraidhean Croise

လံာ်စီၤပၤခံဘ့ၣ်တဘ့ၣ် 23:34

စီၤပၤနကိးဒုးကဲထီၣ်စီၤယိၤၡံယၤအဖိခွါစီၤအ့ၤလယါကံၣ် လၢကီၢ်ယူဒၤအစီၤပၤဒ်ပှၤထီၣ်က့ၤစီၤယိၤၡံယၤအလီၢ်အသိး, ဒီးလဲလိာ်ကွံာ်ဝဲအမံၤဆူစီၤယဟိၤယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူကီၢ်အဲၤကူပတူးလၢစီၤ ပၤနကိၤဒီးသံဝဲဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:17

စီၤနဘူၤကးန့စၢ်ဒုးကဲထီၣ်စီၤယဟိၤယါခံၣ်အဖါတံၢ်စီၤမး တးနယၤလၢကီၢ်ယူဒၤအစီၤပၤဒီးလဲလိာ်ကွံာ်ဝဲအမံၤဆူစီၤ စံးဒကံယၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ယံးရမံယၤ 1:4

ယွၤစံးဘၣ်ယၤ,

လံာ်ယံးရမံယၤ 34:1

ယွၤကတိၤတ့ၢ်တၢ်ဒီးယၤ, ဖဲကီၢ်ဘၤဘူၤလိၣ် အစီၤပၤနဘူၤကးန့စၢ်ဒီး အသုးမုၢ်, လၢအဘၣ် တၢ်မၤစၢၤအီၤလၢ ထံကီၢ်တဖၣ်ဒီး ပှၤကလုာ်ခဲ လၢာ်လၢ အဝဲပၢဘၣ်ဝဲ အသုးဖိတဖၣ်, လဲၤထီၣ် ဒုးဝ့ၢ်ယရူၤၡလ့ၣ်ဒီး အဝ့ၢ်အိၣ်ဘူးအိၣ်တံၢ်တဖၣ် အခါန့ၣ်လီၤ.

လံာ်ယံးရမံယၤ 35:1

ဖဲစီၤပၤယိၤၡံယၤ အဖိခွါ စီၤယဟိၤယါကံၣ်ကဲစီၤပၤ လၢကီၢ်ယူဒၤန့ၣ်, ယွၤစံးဘၣ်ယၤ,

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 39:2

ဒီးလၢစီၤစံးဒကံယၤကဲစီၤပၤတဆံနံၣ်တနံၣ်, လါလွံၢ်လါတလါ, ခွံသီတသီအနံၤန့ၣ်, ဝ့ၢ်အခိၣ်ဒူတဖၣ်ဘၣ်တၢ်ဘၢၣ်ဖျိမၤလီၤပှီၢ် ကွံာ်အီၤလီၤ.

လံာ်စကၤရယၤ 7:5

အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”