လံာ်ယံးရမံယၤ 1:2 - Sgaw Karen Common Bible

² ယွၤကတိၤတၢ်ဒီးစီၤယံးရမံယၤဖဲကီၢ်ယူဒၤအစီၤပၤ, စီၤအၤမိၣ် အဖိခွါစီၤယိၤၡံယၤပၢတၢ်တဆံသၢနံၣ်တနံၣ်, အပူၤန့ၣ်လီၤ.

လံာ်ယံးရမံယၤ 1:2 Iomraidhean Croise

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤအခီၣ်ထံးတဘ့ၣ် 13:20

ဒီးဖဲအဝဲသ့ၣ်ဆ့ၣ်နီၤဝဲလၢစီၢ်နီၤခိၣ်န့ၣ်, ယွၤအကလုၢ်လီၤဘၣ်လၢဝံသးပှၢ်အလိၤ,

လံာ်စီၤပၤခံဘ့ၣ်တဘ့ၣ် 21:18

စီၤမနၤၡ့ၤသံဒီးဘၣ်တၢ်ခူၣ်လီၤအီၤလၢနူၢ်ဧိၤစီၤဧိၤအတၤ သၣ်လီၢ်ဧူးစၤအပူၤ, ဒီးအဝဲအဖိခွါစီၤအၤမိၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:24

ကီၢ်ယူဒၤအပှၤဂီၢ်မုၢ်မၤသံကွံာ်ကယဲၢ်ပှၤတဖၣ်လၢအမၤသံ စီၤအၤမိၣ်ဒီးဒုးကဲထီၣ်အဝဲအဖိခွါစီၤယိၤၡံယၤလၢစီၤပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:3

ဖဲအဝဲပၢတၢ်တဆံဃိးနံၣ်တနံၣ်အပူၤန့ၣ်, စီၤပၤယိၤၡံယၤမၢ လီၤစီၤအစါလံယၤအဖိခွါ, ဒီးစီၤမၡူလၣ်အလံၤခွါကွီၢ်ဘျီၣ်အပှၤကွဲးလံာ်ဒိၣ်စီၤၡၤဖၣ် ဆူယွၤအတၢ်လုၢ်ဟံၣ်အိၣ်ဒီးတၢ်ဟ့ၣ်လီၤအကလုၢ်ဒ်အံၤ,

လံာ်ယံးရမံယၤ 1:11

ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်ယံးရမံယၤ 1:4

ယွၤစံးဘၣ်ယၤ,

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 28:12

လၢတၢ်အံၤဝံၤအလီၢ်ခံန့ၣ်, ယွၤတဲဘၣ်ယၤလၢ, ယကလဲၤဒီး စံးဘၣ်စီၤဃနၤနယၤဒ်အံၤ, “ယွၤစံးဝဲလၢ နမၤကၢ်နီၣ်ယိးဘိသ့ၣ် တဘိကသ့ဝဲသ့ၣ်သ့ၣ်, ဘၣ်ဆၣ်အဝဲကပာ်ကဒါက့ၤနီၣ်ယိးဘိထးတဘိလၢ အလီၢ်န့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.

လံာ်ယိၤအ့လး 1:1

တၢ်အံၤမ့ၢ်ယွၤအတၢ်ကစီၣ်ဆူစီၤပသူၤအ့လးအဖိခွါစီၤယိၤ အ့လးန့ၣ်လီၤ.

လံာ်ယိၤနါ 1:1

ဘၣ်တနံၤယွၤကတိၤတၢ်ဒီးစီၤအမံးတဲၤအဖိခွါစီၤယိၤနါဒီးစံးဝဲ,

လံာ်မံကၤ 1:1

ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်စဖါနယၤ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤတ့ၢ်စီၤစဖါနယၤဖဲစီၤအၤမိၣ် အဖိခွါ, ကီၢ်ယူဒၤအစီၤပၤစီၤပၤယိၤၡံယၤပၢတၢ်အကတီၢ်န့ၣ်လီၤ. (စီၤစဖါနယၤမ့ၢ်ပှၤလီၤစၢၤလၢစီၤပၤဃံးစကံယၤ, စီၤအမၤရယၤ, စီၤကဒါလယၤဒီးစီၤကူၤၡံန့ၣ်လီၤ.)