လံာ်ယံးရမံယၤ 1:18 - Sgaw Karen Common Bible

¹⁸ စီၤယံးရမံယၤဧၢ, ဒိကနၣ်တက့ၢ်. ပှၤလၢအအိၣ်လၢထံကီၢ်တဘ့ၣ် အံၤအပူၤခဲလၢာ်, လၢအမ့ၢ်ကီၢ်ယူဒၤအစီၤပၤတဖၣ်, ပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤဂီၢ်မုၢ်တဖၣ်ကထီဒါနၤလီၤ.

လံာ်ယံးရမံယၤ 1:18 Iomraidhean Croise

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယံးရမံယၤ 21:4

ကက့ၤတဲဘၣ်စီၤစံးဒကံယၤလၢယွၤ, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, “စီၤစံးဒကံယၤဧၢ, နသုးမုၢ်လၢအဒုးတၢ်ထီဒါ ကီၢ်ဘၤဘူၤလိၣ်အစီၤပၤဒီးအသုးမုၢ်န့ၣ်ယကဒုးတၢ်ဒီးအီၤ ဒီးမၤနၢၤကွံာ်အီၤလီၤ. ယကပူၣ်ထီၣ်နသုးမုၢ်သံၣ်ဘိအစုက ဝဲၤတဖၣ်လၢဝ့ၢ်အခၢၣ်သးန့ၣ်လီၤ.

လံာ်ယံးရမံယၤ 26:24

ဘၣ်ဆၣ်, မ့ၢ်လၢစီၤၡ့ၤဖၣ်အဖိခွါ စီၤအဃံကၣ်အတၢ်မၤ စၢၤယၤအဃိဒီး, ယတဘၣ်တၢ်ဟ့ၣ်လီၤကွံာ်ယၤဆူပှၤဂီၢ် မုၢ်အစုပူၤလၢ တၢ်ကမၤသံယၤအဂီၢ်န့ၣ်ဘၣ်.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 38:2

ယွၤစံးတ့ၢ်ဝဲဒၣ်, “မတၤဂ့ၤမတၤဂ့ၤလၢ အအိၣ်ဆိးလၢ ဝ့ၢ်အံၤအပူၤန့ၣ် ကသံလၢတၢ်ဒုးအပူၤ မ့တမ့ၢ်, လၢ တၢ်သၣ်ဝံၤလီၤဒိအဃိ မ့တမ့ၢ်, လၢတၢ်ဆူးတၢ်ဆါအဃိန့ၣ်လီၤ. ဘၣ်ဆၣ်ဒီး မတၤဂ့ၤမတၤဂ့ၤလၢ အဟးထီၣ်ဒီး ဟ့ၣ်လီၤအသးဆူ ပှၤဘၤဘူၤလိၣ်ဖိ အစုပူၤန့ၣ် တဘၣ်တၢ်မၤသံကွံာ်ဘၣ်. အစှၤကတၢၢ်အသးသမူ ကပူၤဖျဲးဝဲလီၤ.”

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 6:27

စီၤယံးရမံယၤဧၢ, မၤကွၢ်ယပှၤဂီၢ်မုၢ်ဒ်နကမၤကွၢ်တိၢ်, ထးဒီးစ့သ့အသိးန့ၣ်, ဒီးဃုထံၣ်န့ၢ်အဝဲသ့ၣ်လီၤဂာ်ဒီးတၢ်မနုၤလဲၣ်န့ၣ်တက့ၢ်.

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.