လံာ်ယံးရမံယၤ 1:16 - Sgaw Karen Common Bible

¹⁶ ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 1:16 Iomraidhean Croise

လံာ်စီၤပၤခံဘ့ၣ်တဘ့ၣ် 22:17

အဝဲသ့ၣ်ညိကွံာ်တ့ၢ်ယၤ, ဒီးလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိထိၣ်ဂဲၤထီၣ်ယတၢ်သးကဲၤထီၣ်ခီဖျိ, တၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်လီၤ. ယတၢ်သးဒိၣ်ဘၣ်တၢ်ထိၣ်ဂဲၤအီၤထီဒါဝ့ၢ်ယရူၤၡလ့ၣ် ဒီးတလီၤပံာ်ဝဲဒၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:2

ဒီးလူၤပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံ န့ၣ်လီၤ. အဝဲမၢပှၤမၤထီၣ်ဘဧၤလးအဂီၤတဖၣ်, သိအသးလၢစ့, တိၢ်ဒီးထး,

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 7:19

ဘၣ်ဆၣ်ဒီး, နၤဒီးနပှၤဂီၢ်မုၢ်မ့ၢ်တစူၢ်ဘၣ်ဖုး, တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်နၤ, ဒီးဘူၣ်ထီၣ်ဘါထီၣ်ကစၢ်အဂုၤအဂၤန့ၣ်,

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 44:15

ပှၤကညီတဂၤသူသ့ၣ်အံၤတကူာ်လၢမ့ၣ်အူအဂီၢ်, ဒီးအဂၤ တကူာ်လၢကတ့တၢ်ဂီၤတၢ်ဖီၣ်အဂီၢ်လီၤ. တကူာ်န့ၣ်အဝဲမၤကဲၤထီၣ်မ့ၣ်အူဒီးမၤလၢၤအသးဒီးကုၢ်ကိၣ်, ဒီးအဂၤတကူာ်န့ၣ်တ့ထီၣ်ကစၢ်တဂၤဒီးဘူၣ်ထီၣ်ဘါထီၣ်အီၤန့ၣ် လီၤ.

လံာ်ယၡါယၤ 65:3

အဝဲသ့ၣ်မၤသူၣ်ဒိၣ်သးဖျိးယၤတပယူာ်ဃီလၢတၢ်မဲာ်ဆှးတ အိၣ်ဘၣ်အပူၤလီၤ. အဝဲသ့ၣ်လုၢ်ထီၣ်ပှၤတစူၢ်တနာ်ယွၤအတၢ် လုၢ်တၢ်ပာ်တဖၣ်လၢတၤသၣ်လီၢ်စီဆှံတဖၣ်အပူၤ, ဒီးဆိၣ်ကဲၤတၢ်နၢမူလၢပှၤတစူၢ်တနာ်ယွၤအတၢ်လုၢ်လီၢ်တဖၣ် အဖီခိၣ်န့ၣ်လီၤ.

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 10:3

ပှၤဂီၢ်မုၢ်တဖၣ်အံၤအတၢ်ဘူၣ်တၢ်ဘါန့ၣ်အလုၢ်အပှ့ၤတအိၣ်ဘၣ်. သ့ၣ်တထူၣ်ဘၣ်တၢ်ကူာ်လီၤအီၤလၢသ့ၣ်ပှၢ်အပူၤ, ဒီးသ့ၣ်န့ၣ်ဘၣ်တၢ်စိးပျၤအီၤလၢပှၤစိးပျၤသ့ၣ် အတၢ်ပီးတၢ်လီတဖၣ်,

လံာ်ယံးရမံယၤ 11:12

အန့ၣ်ဒီး, ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ကလဲၤဆူ ကစၢ်တဖၣ်လၢအဝဲသ့ၣ်လုၢ်ထီၣ်ပာ်ထီၣ်တၢ်လုၢ်တၢ်ပာ် တဖၣ်ဆူအအိၣ်, ဒီးကကိးထီၣ်အဝဲသ့ၣ်လၢတၢ်မၤစၢၤ အဂီၢ်လီၤ. ဘၣ်ဆၣ်ဖဲတၢ်မၤဟးဂီၤအံၤဟဲတုၤဝဲန့ၣ်, ကစၢ်တဖၣ်အံၤမၤပူၤမၤဖျဲးအဝဲသ့ၣ်တသ့ဘၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 16:11

အန့ၣ်ဒီးတဲဘၣ်အဝဲသ့ၣ်လၢယွၤစံးဝဲဒၣ်, သုမိၢ်ပၢ်ဖံဖုလၢ ပျၢၤတဖၣ်ဃၣ်ကွံာ်အသးလၢယၤဒီးဘူၣ်ထီၣ်ဘါထီၣ်ဒီးမၤကစၢ်အဂၤ တဖၣ်အတၢ်လီၤ. အဝဲသ့ၣ်ပာ်လီၤတဲာ်ကွံာ်ယၤ, ဒီးတစူၢ်ဘၣ်ယတၢ်သိၣ်လိသီလိတဖၣ်ဘၣ်.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 4:12

ကလံၤလၢအဟဲဝဲလၢယွၤအတၢ်ခါလီၤအကလုၢ်အဃိအံၤ ကဆူၣ်န့ၢ်ဒံးတၢ်န့ၣ်, န့ၣ်လီၤ. ပှၤလၢအကိးထီၣ်တၢ်စံၣ်ညီၣ်လၢ အပှၤဂီၢ်မုၢ်အဖီခိၣ်န့ၣ်မ့ၢ်ယွၤအကစၢ်ဒၣ်ဝဲန့ၣ်လီၤ.

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 5:29

ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယံးရမံယၤ 51:17

ဖဲပှၤထံၣ်ဘၣ်တၢ်အံၤန့ၣ်, ပှၤကညီမၤအသးဒ် ပှၤဟးဂီၤဖိဒီး ပှၤလၢအတၢ်သူၣ်ဆးသးဆးတအိၣ် ဘၣ်အသိးန့ၣ်လီၤ. ပှၤတဖၣ်လၢ အတ့တၢ်ဂီၤတၢ်ဖီၣ်တဖၣ်န့ၣ် ဘၣ်မဲာ်ဆှးဝဲ မ့ၢ်လၢကစၢ်တဖၣ်လၢ အဝဲသ့ၣ်မၤဝဲတဖၣ်မ့ၢ်တၢ်ကဘျံးကဘျၣ်ဒီး အတၢ်သါတအိၣ်ဘၣ်အဃိန့ၣ်လီၤ.

လံာ်ယံးရမံယၤ 7:17

တၢ်လၢအဝဲသ့ၣ်မၤဝဲလၢကီၢ်ယူဒၤအဝ့ၢ်တဖၣ်အပူၤဒီးလၢ ဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်မ့ၢ်နတထံၣ်ဘၣ်ဧါ.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 16:18

နဟံးန့ၢ်တၢ်ကူတၢ်သိးတဖၣ်လၢတၢ်ဆးဒဲးကံၣ်ဒဲးဝ့ၤအီၤန့ၣ် လၢယဟ့ၣ်နၤန့ၣ်ဒီးပာ်ထီၣ်အီၤလၢတၢ်ဂီၤတၢ်ဖီၣ်တဖၣ်အလိၤ, ဒီးနလုၢ်ထီၣ်သ့ၣ်စၤယံးအသိဒီးတၢ်နၢမူလၢယဟ့ၣ်တ့ၢ်နၤဆူ တၢ်ဂီၤတၢ်ဖီၣ်တဖၣ်အံၤအအိၣ်န့ၣ်လီၤ.

လံာ်ယဃ့းစက့လး 24:14

ယၤ, ယွၤကတိၤတ့ၢ်တၢ်လီၤ. တၢ်ဆၢကတီၢ်ဘၣ်လၢယဂီၢ်လၢယကမၤတၢ်အဂီၢ်လံ. ယတကွၢ်ကပာ်ကွံာ်နတၢ်ဒဲးဘးတဖၣ်မ့ၢ်ဂ့ၤ, ဒုးနဲၣ်တၢ်သူၣ်အိၣ်သးအိၣ်မ့ၢ်ဂ့ၤအိၣ်ဒီးတၢ်သးကညီ နၤမ့ၢ်ဂ့ၤန့ၣ်ဘၣ်. နကဘၣ်တၢ်စံၣ်ညီၣ်နၤလၢတၢ်လၢ နမၤတ့ၢ်အီၤအဃိန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 11:2

ဘၣ်ဆၣ်ယကိးအီၤဒံးအါထီၣ်အဝဲဃၣ်ကပၤကွံာ်အသးလၢယၤဒံးဒိၣ် ထီၣ်လီၤ. ယပှၤဂီၢ်မုၢ်လုၢ်ထီၣ်တ့ၢ်တၢ်ဆူဘဧၤလး, အဝဲသ့ၣ်ဆိၣ်ကဲၤထီၣ်တ့ၢ်တၢ်နၢမူဆူတၢ်ဂီၤတၢ်ဖီၣ်တဖၣ်လီၤ.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

မၤတၢ် 7:41

တုၤနုၤတစုအဝဲသ့ၣ်မၤကဲထီၣ်ဂီၤဖံးဖါဖိတဒုအဂီၤ ဒီးလုၢ်ထီၣ်ပာ်ထီၣ်တၢ်လၢတၢ်ဂီၤတဒုန့ၣ်အမဲာ်ညါ, ဒီးမၤတၢ်အီၣ်မူးသးဖှံတကတီၢ်လၢတၢ်မၤလၤကပီၤတၢ်လၢ အဝဲသ့ၣ်မၤကဲထီၣ်ဝဲလၢအစုဒၣ်ဝဲအဂီၢ်လီၤ.

လံာ်သိၣ်လီၤသီလီၤတၢ် 28:20

သုမ့ၢ်မၤတၢ်အၢဒီးစူးကွံာ်ညိကွံာ်ယွၤန့ၣ်, အဝဲကဒုးလီၤဘၣ်တၢ်တတၢးတနါ, တၢ်သဘံၣ်ဘုၣ်လၢသုလိၤဒီးတၢ် ကိၢ်တၢ်ဂီၤလၢတၢ်တမံၤလၢ်လၢ်လၢသုမၤအီၤအပူၤလီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်စီၤယိၤၡူ 24:20

ဒီးသုမ့ၢ်လဲၤသဒၣ်အီၤလၢသုကမၤကစၢ်အဂၤတဖၣ်အတၢ်ဒီး, အဝဲကဃၣ်အသးထီဒါသုဒီးမၤအၢမၤနးသုလီၤ. လၢအပူၤကွံာ်အဝဲမ့ၢ်ဂ့ၤလၢသုဂီၢ်ဒၣ်လဲာ်, ကမၤဟးဂီၤသုန့ၣ်လီၤ.”

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.