လံာ်ယံးရမံယၤ 1:14 - Sgaw Karen Common Bible

¹⁴ အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 1:14 Iomraidhean Croise

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 41:25

ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယံးရမံယၤ 10:22

ဒိကနၣ်တက့ၢ်. တၢ်ကစီၣ်ဟဲတုၤဝဲလံ. တၢ်တၢထီၣ်တၢ်လီၤဖးဒိၣ်တမံၤမၤအသးလၢကီၢ်လၢက လံၤစိးတခီအပှၤတကလုာ်အကျါန့ၣ်လီၤ. အဝဲသ့ၣ်အသုးမုၢ်ကဒုးကဲထီၣ်ကီၢ်ယူ ဒၤအဝ့ၢ်တဖၣ်လၢမဲးမုၢ်ခိၣ်, တၢ်လီၢ်တတီၤလၢထွံၣ်ဟီၣ်ခိၣ်အိၣ်ဝဲဆိးဝဲန့ၣ်လီၤ.”

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယံးရမံယၤ 4:6

နဲၣ်ဃီၤကျဲဆူဝ့ၢ်စံယိၣ်တက့ၢ်. ဃ့ၢ်ထီၣ်လၢတၢ်ပူၤဖျဲးအဂီၢ်တက့ၢ်. သုးဆၢသုးကတီၢ်တဂ့ၤ. အဂ့ၢ်ဒ်အံၤ, ယွၤဟဲစိာ်တၢ်တတၢးတနါ ဒီးတၢ်ဟးဂီၤဖးဒိၣ်လၢကလံၤစိးတခီလီၤ.

လံာ်ယံးရမံယၤ 46:20

ကီၢ်အဲၤကူပတူးလီၤဂာ်ဒီး ဂီၤဖံးမိၢ်လၢလီၤကဟု ကညီၣ်ဒိၣ်မးတဒု လၢအဘၣ်တၢ်ဆဲးအီၤလၢ ပကိာ်တဘ့ၣ်လၢ ကလံၤ စိးတခီန့ၣ်လီၤ.

လံာ်ယံးရမံယၤ 47:2

အဝဲစံးဝဲဒၣ်, “ကွၢ်တက့ၢ်. ထံဟဲထီၣ်လၢ ကလံၤစိးတခီဒီး ကယွၤသဖှိဝဲဒ် ထံကျိတကျိအထံလုၣ်ဘၢအီၤအသိးန့ၣ်လီၤ. ထံကလုၣ်ဘၢကွံာ်ထံဧိၤဒီး တၢ်ခဲလၢာ်လၢ အအိၣ်လၢအဖီခိၣ်, ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ် ခဲလၢာ်လီၤ. ပှၤဂီၢ်မုၢ်ကကိးထီၣ်လၢ တၢ်မၤစၢၤအဂီၢ်ဒီး ပှၤကိးဂၤဒဲးလၢ ဟီၣ်ခိၣ်ချၢ ကဟီၣ်ဝဲယၢၤဝဲနးနးကျံးကျံးန့ၣ်လီၤ.

လံာ်ယံးရမံယၤ 50:41

ပှၤဂီၢ်မုၢ်ဟဲဝဲလၢ ကီၢ်တဘ့ၣ်လၢကလံၤစိးတခီ, မ့ၢ်ပှၤတကလုာ်ဖးဒိၣ်လၢလီၢ်ယံၤန့ၣ်လီၤ. စီၤပၤအါဂၤကတဲာ်ကတီၤအသး လၢတၢ်ဒုးတၢ်ယၤအဂီၢ်လီၤ.

လံာ်ယံးရမံယၤ 50:9

ယကထိၣ်ဂဲၤထီၣ် ပှၤကလုာ်တကရူၢ်လၢအဂံၢ်ဆူၣ်လၢကလံၤစိးတခီဒိးပျဲအဝဲသ့ၣ် ဒုးကီၢ်ဘၤဘူၤလိၣ်န့ၣ်လီၤ. အဝဲသ့ၣ် ကရဲၣ်လီၤအသးလၢတၢ်ဒုးအပူၤထီဒါ ထံကီၢ်အံၤဒီးမၤနၢၤအီၤန့ၣ်လီၤ. အဝဲသ့ၣ်မ့ၢ် ပှၤခးတၢ်ဖိလၢ အသ့မးတဖၣ်ဒီး ပျၢ်တဖၣ်လၢ အခးဝဲန့ၣ်ဘၣ်တၢ်ပနီၣ်ကိးဘျီဒဲးန့ၣ်လီၤ.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ယံးရမံယၤ 6:22

ယွၤစံးဝဲဒၣ်, “ပှၤဂီၢ်မုၢ်ဟဲလၢထံကီၢ်တဘ့ၣ်လၢ ကလံၤစိးတခီပှၤအဆူၣ်တကလုာ်လၢကီၢ်အယံၤ, ကတဲာ်ကတီၤအသးလၢတၢ်ဒုးအဂီၢ်လီၤ.

လံာ်ယဃ့းစက့လး 1:4

ယကွၢ်ထီၣ်တၢ်ဒီးထံၣ်ဘၣ်ကလံၤမုၢ်ဟဲထီၣ်လၢကလံၤစိးတခီလီၤ. လီဝၢ်ထီၣ်အဒံးလၢတၢ်အၢၣ်ဖးဒိၣ်တလိၣ်အလိၤဒီးမူကပိာ်လိၤဝး တရံးအီၤန့ၣ်ကပြုၢ်ကပြီၤထီၣ်ဝဲလီၤ. ဖဲလီၢ်ဝၢ်ထီၣ်အဒံးအလီၢ်န့ၣ်, တၢ်ကပီၤထီၣ်ဝဲတမံၤဒ်တိၢ်ဘီအသိးန့ၣ်လီၤ.

လံာ်ယဃ့းစက့လး 24:3

တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်စကၤရယၤ 6:6

လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.