လံာ်ယံးရမံယၤ 1:11 - Sgaw Karen Common Bible

¹¹ ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်ယံးရမံယၤ 1:11 Iomraidhean Croise

လံာ်တၢ်ကဲထီၣ်အခီၣ်ထံး 30:37

စီၤယၤကိာ်ဟံးန့ၢ်သ့ၣ်အဒ့သံကစဲာ်လၢသ့ၣ်လံးဘန့ၤ, သ့ၣ်လူးစး, သ့ၣ်ဧၢ်မိၣ်ဒီးအုၣ်လီၤအဖံးတနီၤ ဒ်သိးလၢသ့ၣ်ဒ့ တဖၣ်န့ၣ် အလိၤတၢ်အလွဲၢ်အဝါကဖျါထီၣ်ဝဲန့ၣ်လီၤ.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်ယံးရမံယၤ 24:3

အန့ၣ်ဒီးယွၤစံးဘၣ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢယဲ, “ချၢၣ်ဒၢသၣ်တဖၣ်လီၤ. အသၣ်အဂ့ၤတဖၣ်ဂ့ၤဒိၣ်မး ဒီးအသၣ်လၢအတဂ့ၤတဖၣ်တဂ့ၤဝဲတုၤဒၣ်လဲာ်နအီၣ်အီၤ တသ့ဘၣ်န့ၣ်လီၤ.”

လံာ်ယဃ့းစက့လး 12:25

ယၤ, ယွၤအံၤ, ကတိၤတၢ်ဒီးအဝဲသ့ၣ်, ဒီးတၢ်လၢယစံးန့ၣ်ကဘၣ်တၢ်မၤအီၤန့ၣ်လီၤ. တၢ်မၤယံာ်မၤနီၢ်တအိၣ်လၢၤဘၣ်. သုဝဲပှၤပူထီၣ်တၢ်ဖိသ့ၣ်ဧၢ, လၢသုတၢ်အိၣ်မူအမုၢ်နံၤဒၣ်ဝဲအပူၤန့ၣ်, ယကမၤတၢ်လၢယဟ့ၣ်ပလီၢ်တ့ၢ်သုလၢယကမၤအီၤန့ၣ်လီၤ. ယကတိၤလံတၢ်လံ.” ယွၤပၢဘၣ်တၢ်ခဲလၢာ်ကစၢ်စံးဝဲ.

လံာ်ယဃ့းစက့လး 12:28

အဃိဒီးတဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ်စံးဝဲ, တၢ်မၤယံာ်မၤနီၢ်တအိၣ်လၢၤဘၣ်. တၢ်လၢယစံးတ့ၢ်န့ၣ်ကဘၣ်တၢ်မၤအီၤလီၤ.” ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 7:10

တၢ်တတၢးတနါအမုၢ်တနံၤဟဲဝဲလံလၢကီၢ်အံၣ်စရ့လးအဂီၢ်လံ. တၢ်မၤဆူၣ်မၤစိးတၢ်တဖၣ်အါထီၣ်ဂီၢ်ထီၣ်လံ. တၢ်ပာ်ထီၣ်ထီသးအိၣ်လံလၢအလီၢ်အထီကတၢၢ်န့ၣ်လံ.

လံာ်ဧၤမိၣ် 7:8

ဒီးယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ, နီၣ်ထူၣ်ပျံၤတဘိလီၤ. ဒီးယွၤစံးဝဲဒၣ်, ကွၢ်ကွၢ်ယပာ်လီၤလံနီၣ်ထူၣ်ပျံၤတဘိလၢ ယပှၤဂီၢ်မုၢ်အံၣ်စရ့လးအသိးအကျါလီၤ. ယတပျဲပူၤလၢၤဘၣ်အီၤဘၣ်.

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်စကၤရယၤ 5:2

ကလူးသံကွၢ်ယၤတၢ်လၢယထံၣ်ဘၣ်အီၤအဂ့ၢ်န့ၣ်လီၤ. ယစံးဆၢအီၤ, “ယထံၣ်ဘၣ်လံာ်ထူတထူလၢအယူၤဝဲလၢကလံၤကျါန့ၣ်လီၤ. လံာ်ထူအံၤအထီအိၣ်ဝဲဒၣ်အပျၢ်ခံဆံ, ဒီးအဒီၣ်ဃီၤအိၣ်ဝဲအပျၢ်တဆံလီၤ.”

လံာ်တၢ်ဂံၢ် 17:8

မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.