လံာ်ပှၤစံၣ်ညီၣ်ကွီၢ် 9:6 - Sgaw Karen Common Bible

⁶ တုၤနုၤတစု, ပှၤၡက့ၣ်ဖိဒီးပှၤမံးလိၤဖိအပိာ်ခွါတဖၣ် ပာ်ဖှိၣ်ထီၣ်အသးဒီးလဲၤဆူသ့ၣ်သ့ထိးဖၣ်စီဆှံဖဲဝ့ၢ်ၡက့ၣ်ဒီး ပာ်ထီၣ်စီၤအဘံၤမ့လ့းလၢစီၤပၤဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 9:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:20

စီၤပၤယိၤအၣ်အသုးခိၣ်သုးနၢ်တဖၣ်ကူၣ်ထီၣ်ထီဒါအီၤ, ဒီးလၢအကျါခံဂၤလၢအမ့ၢ်နီၢ်ၡံမဧးအဖိခွါစီၤယိၤစၤကၢ် ဒီးနီၢ်ၡိမ့ၢ်အဖိခွါစီၤယဟိစဘးန့ၣ်, မၤသံကွံာ်အီၤဖဲဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢဟီၣ်ခိၣ် လၢအဘၣ်တၢ်မၤပှဲၤအီၤအဖီခိၣ်လၢအအိၣ်ဖဲဝ့ၢ်ယရူၤၡလ့ၣ်အမုၢ် ထီၣ်, ကျဲလဲၤလီၤဆူဝ့ၢ်စံးလၤအဖီခိၣ်န့ၣ်လီၤ.

လံာ်စီၤယိၤၡူ 24:26

စီၤယိၤၡူကွဲးတၢ်မၤလိာ်တဖၣ်အံၤလၢယွၤအလံာ်တၢ်သိၣ်တၢ်သီအပူၤန့ၣ်လီၤ. အန့ၣ်ဝံၤဒီးအဝဲဟံးန့ၢ်လၢၢ်ဖးဒိၣ်တဖျၢၣ်ဒီးပာ်လီၤဝဲထူၣ် ကလာ်ဖဲသ့ထိးဖၣ်တထံးအဖီလာ်လၢယွၤအတၢ်လီၢ်စီဆှံအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:5

ဒီးအဝဲလဲၤဆူအပၢ်အဟံၣ်ဖဲဝ့ၢ်ဧိးဖြၤဒီးမၤသံကွံာ်အဒီပုၢ်ဝဲၢ်ခွါအဂၤနွံဆံလၢအမ့ၢ် စီၤကံးဒဧိၣ်အဖိခွါတဖၣ်လၢလၢၢ်တဖျၢၣ်ဃီအဖီခိၣ်လီၤ. ဘၣ်ဆၣ်စီၤကံးဒဧိၣ်အဖိခွါအဆံးကတၢၢ်စီၤယိၤသၣ်တဂၤန့ၣ် အိၣ်ခူသူၣ်ဝဲအဃိတၢ်တမၤသံဘၣ်အီၤဘၣ်.

လံာ်ပှၤစံၣ်ညီၣ်ကွီၢ် 9:7

ဖဲစီၤယိၤသၣ်နၢ်ဟူတၢ်ဂ့ၢ်အံၤန့ၣ်, အဝဲလဲၤဆူကစၢၢ်ကရံးစံၣ်အဒီခိၣ်ဒီးဆၢထၢၣ်ဖဲန့ၣ် ဒီးကိးပသူထီၣ်ဆူအဝဲသ့ၣ်အအိၣ်, “ဒိကနၣ်ယၤတက့ၢ်, ပှၤၡက့ၣ်ဖိသ့ၣ်ဧၢ, ဒီးကစၢ်ယွၤကဒိကနၣ်သုလီၤ.