လံာ်ပှၤစံၣ်ညီၣ်ကွီၢ် 9:57 - Sgaw Karen Common Bible

⁵⁷ ကစၢ်ယွၤဒုးတူၢ်ဘၣ်စ့ၢ်ကီးပှၤဝ့ၢ်ၡက့ၣ်ဖိအတၢ်လၢအတၢ်အၢတၢ်သီအဃိ, ဒ်စီၤကံးဒဧိၣ်အဖိခွါစီၤယိၤသၣ်ဆိၣ်အၢအဝဲသ့ၣ်အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 9:57 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 16:34

ဖဲအဝဲပၢတၢ်အကတီၢ်န့ၣ်စီၤဃံၤမ့လးလၢဝ့ၢ်ဘ့ၤသ့လးသူၣ် ထီၣ်ကဒါက့ၤဝ့ၢ်ယရံၤဃိန့ၣ်လီၤ. ဒ်ယွၤတဲဆိပာ်တ့ၢ်ခီဖျိစီၤနိၣ်အဖိခွါစီၤယိၤၡူအသိးန့ၣ်, စီၤဃံၤမ့လးအဖိခွါဝဲၢ်ကိစီၤအဘံရၣ်ဘၣ်တၢ်မၤသံကွံာ်အီၤ ဖဲအဝဲပာ်လီၤဝ့ၢ်ယရံၤဃိအခီၣ်ထံးဒီးအဖိခွါသဒါစီၤစကံာ်ဘၣ် တၢ်မၤသံကွံာ်အီၤဖဲအဝဲဘှီထီၣ်တြဲၤဖးဒိၣ်တဖၣ်အခါန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

စံးထီၣ်ပတြၢၤ 94:23

ယွၤကသိၣ်ဃီၣ်အဝဲသ့ၣ်လၢအတၢ်တတီတလိၤအဃိ ဒီးကမၤဟးဂီၤအဝဲသ့ၣ်လၢ အတၢ်ဒဲးဘးတဖၣ်အဃိန့ၣ်လီၤ. ယွၤပကစၢ်ယွၤကမၤဟးဂီၤအဝဲသ့ၣ်လီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 10:1

ဖဲစီၤအဘံၤမ့လ့းသံဝံၤအလီၢ်ခံန့ၣ်, စီၤကိလၤလၢအမ့ၢ်စီၤဒိဒိၤအလံၤခွါ, စီၤပူအၤအဖိခွါအိၣ်ထီၣ်ဝဲလၢကမၤထူၣ်ဖျဲးထီၣ် အံၣ်စရ့လးန့ၣ်လီၤ. အဝဲဟဲလၢပှၤယံးစၣ်ကၢ်အဒူၣ်ဒီးအိၣ်ဆိးဝဲ လၢဝ့ၢ်ၡၤမံၣ်ဖဲအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 9:24

တၢ်အံၤမၤအသးဒ်သိးစီၤအဘံၤမ့လ့းဒီးပှၤၡက့ၣ်ဖိလၢအဟ့ၣ်ဂံၢ်ဟ့ၣ်ဘါအီၤဒ်သိးအကမၤသံကွံာ် စီၤကံးဒဧိၣ်အဖိခွါအဂၤနွံဆံန့ၣ်, ကဒိးဘၣ်တၢ်ဒ်အတၢ်ကမၣ်အသိးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:45

ဒီးတၢ်ဒုးတၢ်ယၤယံာ်ဝဲဒီနံၤညါန့ၣ်လီၤ. စီၤအဘံၤမ့လ့းမၤန့ၢ်ဝ့ၢ်ၡက့ၣ် ဒီးမၤသံကွံာ်အပှၤဂီၢ်မုၢ်, မၤလီၤပှီၢ်ကွံာ်အီၤဒီးမၤဘၢတၢ်လီၢ်န့ၣ်လၢအံသၣ်လီၤ.

လံာ်ပှၤစံၣ်ညီၣ်ကွီၢ် 9:56

လၢကျဲဒ်အံၤန့ၣ်, ကစၢ်ယွၤဟ့ၣ်ကၣ်စီၤအဘံၤမ့လ့းလၢအမၤတၢ်ကမၣ်ထီဒါအပၢ် ခီဖျိတၢ်မၤသံကွံာ်အဒီပုၢ်ဝဲၢ်အဂၤနွံဆံအဃိန့ၣ်လီၤ.