လံာ်ပှၤစံၣ်ညီၣ်ကွီၢ် 9:53 - Sgaw Karen Common Bible

⁵³ ဘၣ်ဆၣ်ဒီးပိာ်မုၣ်တဂၤကွံာ်လီၤဆၢၣ်ဂူာ်လၢၢ်တဖျၢၣ်လၢအခိၣ်လိၤ ဒီးအခိၣ်ကုသ့ၣ်ဖးကွံာ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 9:53 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:21

သုတသ့ၣ်နီၣ်ဘၣ်လၢစီၤကံးဒဧိၣ် (စီၤယရူၤဘၡ့း) အဖိခွါစီၤအဘံၤမ့လ့း ဘၣ်တၢ်မၤသံအီၤဒ်လဲၣ်အဂ့ၢ်ဘၣ်ဧါ. တၢ်န့ၣ်မ့ၢ်ဖဲဝ့ၢ်သံဘ့း (တ့ဘ့း), ဖဲပိာ်မုၣ်တဂၤတ့ၢ်လီၤဆၢၣ်ဂူာ်လၢၢ်တဖျၢၣ်လၢဝ့ၢ်ခိၣ်ဒူဒီးမၤသံအီၤန့ၣ်လီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုဘၣ်လဲၤဘူးကဲာ်ဆိးဒီးဝ့ၢ် ခိၣ်ဒူန့ၣ်လဲၣ်. စီၤပၤမ့ၢ်သံကွၢ်နၤတၢ်အံၤဒီးတဲဘၣ်အီၤလၢ, နသုးခိၣ်စီၤအူၤရံယၤစ့ၢ်ကီးသံလံ, န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:21

တၢ်န့ၣ်တမ့ၢ်ပတၢ်ကူၣ်ကျဲၤဘၣ်. ပှၤတဂၤလၢအမ့ၢ်စီၤဘံးတြံၤ အဖိခွါစီၤၡဘၤ, ပှၤလၢအဘၣ်ဃးဒီးကီၢ်အ့ဖရဲၣ်အကစၢၢ်ကလိန့ၣ်, စးထီၣ်ပူထီၣ်တၢ်ထီဒါစီၤပၤဒၤဝံးန့ၣ်လီၤ. ဟ့ၣ်လီၤကွံာ်ပှၤတဂၤအံၤဆူပအိၣ်ဒီးယကဟးထီၣ်ကွံာ်လၢဝ့ၢ်အံၤန့ၣ်လီၤ.” ပိာ်မုၣ်န့ၣ်စံးဘၣ်အီၤ, “ပကကွံာ်ခီလီၤအဝဲအခိၣ်လၢဝ့ၢ်ခိၣ်ဒူအံၤဆူနအိၣ်န့ၣ် လီၤ.”

လံာ်စီၤယိၤဘး 31:3

အဝဲဒုးလီၤဘၣ်တၢ်တတၢးတနါဒီးတၢ်ဟးဂူာ်ဟးဂီၤဆူပှၤ မၤတၢ်ကမၣ်တၢ်တဖၣ်အလိၤန့ၣ်လီၤ.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

လံာ်ယံးရမံယၤ 50:45

လၢတၢ်န့ၣ်အဃိ, ဒိကနၣ်တၢ်ကူၣ်ကျဲၤလၢ ယမၤတ့ၢ်အီၤ ထီဒါဝ့ၢ်ဘၤဘူၤလိၣ်ဒီး တၢ်လၢယတိာ်ပာ်လၢ ယကမၤအပှၤ ဂီၢ်မုၢ်န့ၣ်တက့ၢ်. အဝဲဒၣ်အဖိတဖၣ်ဒၣ်လဲာ်ကဘၣ်တၢ်တွံၢ်ထီၣ် ကွံာ်အီၤဒီး ပှၤကိးဂၤဒဲးကပျံၤဘၣ်ဖုးဘၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:9

နီၢ်ဒဘိရၤစံးဆၢဝဲဒၣ်, “ဂ့ၤလံ. ယကလဲၤဒီးနၤလီၤ. ဘၣ်ဆၣ်ဒီးနတမၤန့ၢ်တၢ်မၤနၢၤအတၢ်လၤကပီၤအံၤဘၣ်. အဂ့ၢ်ဒ်အံၤ, ကစၢ်ယွၤကဟ့ၣ်လီၤစီၤစံစရၤဆူပိာ်မုၣ်တဂၤအစုပူၤန့ၣ်လီၤ.”

လံာ်ပှၤစံၣ်ညီၣ်ကွီၢ် 9:15

ဒီးသ့ၣ်တၤဆှုၣ်စံးဆၢဝဲဒၣ်, သုမ့ၢ်သးအိၣ်သပှၢ်ကတၢၢ်လၢသုကဒုးကဲထီၣ်ယၤလၢသုစီၤပၤန့ၣ်, ဟဲဒီးအိၣ်ကဒုလၢယကဒုဖီလာ်တက့ၢ်. သုမ့ၢ်တဟဲဘၣ်ဒီးမ့ၣ်အူကဟးထီၣ်လၢယဒ့ယတြၢ်တဖၣ် အပူၤဒီးအီၣ်ကွံာ်လဘၤနိၣ်အသ့ၣ်ဆှိအ့ရ့းတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 9:52

တုၤစီၤအဘံၤမ့လ့းဟဲဒ်သိးကဒုးတၢးထီန့ၣ် အဝဲလဲၤထီၣ်ဆူတြဲၤအအိၣ်ဒ်သိးအကဆူးကဲၤထီၣ်အီၤလၢမ့ၣ်အူန့ၣ်လီၤ.