လံာ်ပှၤစံၣ်ညီၣ်ကွီၢ် 9:49 - Sgaw Karen Common Bible

⁴⁹ မၤသးဒ်န့ၣ်ဒီး, ပှၤကိးဂၤဒဲးကျီန့ၢ်သ့ၣ်တဒ့စုာ်စုာ်ဒီးလဲၤပိာ်စီၤ အဘံၤမ့လ့းအခံဒီးပူၣ်ထီၣ်သ့ၣ်ဒ့တဖၣ် လၢတိာ်န့ၣ်အကပၤလီၤ. အဝဲသ့ၣ်ဆူးကဲၤထီၣ်သ့ၣ်ဒ့တဖၣ်န့ၣ်လၢမ့ၣ်အူဃုာ်ဒီးပှၤဂီၢ်မုၢ်အိၣ်လၢတိာ်ပူၤန့ၣ်လီၤ. ဒီးကယဲၢ်ပှၤအိၣ်လၢတိာ်ပူၤကအိၣ်ဝဲ ပိာ်မုၣ်ပိာ်ခွါတကထိဂၤန့ၣ်သံဝဲခဲလၢာ်လီၤ.

လံာ်ပှၤစံၣ်ညီၣ်ကွီၢ် 9:49 Iomraidhean Croise

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ယၤကိာ် 3:16

ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 9:15

ဒီးသ့ၣ်တၤဆှုၣ်စံးဆၢဝဲဒၣ်, သုမ့ၢ်သးအိၣ်သပှၢ်ကတၢၢ်လၢသုကဒုးကဲထီၣ်ယၤလၢသုစီၤပၤန့ၣ်, ဟဲဒီးအိၣ်ကဒုလၢယကဒုဖီလာ်တက့ၢ်. သုမ့ၢ်တဟဲဘၣ်ဒီးမ့ၣ်အူကဟးထီၣ်လၢယဒ့ယတြၢ်တဖၣ် အပူၤဒီးအီၣ်ကွံာ်လဘၤနိၣ်အသ့ၣ်ဆှိအ့ရ့းတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 9:48

လၢတၢ်န့ၣ်အဃိအဝဲလဲၤထီၣ်ဆူကစၢၢ်စးလမိၣ်ဃုာ်ဒီးအပှၤတဖၣ်လီၤ. ဖဲန့ၣ်အဝဲစိာ်ထီၣ်ကွါတဘ့ၣ်ဒီးကျီန့ၢ်သ့ၣ်တဒ့ဒီးယိးထီၣ် ဝဲလၢအဖံထံခိၣ် ဒီးတဲဘၣ်အပှၤတဖၣ်လၢကမၤချ့ချ့ဒ်သိးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:50

အန့ၣ်ဝံၤဒီး, စီၤအဘံၤမ့လ့းလဲၤဆူဝ့ၢ်တ့ဘ့းဒီးကဝီၤဃးဝ့ၢ်န့ၣ်ဒီးမၤန့ၢ်အီၤလီၤ.