လံာ်ပှၤစံၣ်ညီၣ်ကွီၢ် 9:43 - Sgaw Karen Common Bible

⁴³ မၤသးဒ်န့ၣ်ဒီးအဝဲဟံးန့ၢ်အပှၤတဖၣ်ဒီးနီၤဖးဝဲသၢဖုဒီး လဲၤအိၣ်ခိးခူသူၣ်တၢ်လၢစံာ်ပျီတဖၣ်အပူၤန့ၣ်လီၤ. တုၤအထံၣ်ဝဲလၢပှၤဂီၢ်မုၢ်ဟဲထီၣ်လၢဝ့ၢ်ပူၤန့ၣ်အဝဲဟဲထီၣ် လၢတၢ်ခိးခူသူၣ်အလီၢ်ဒ်သိးအကမၤသံကွံာ်အဝဲသ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:43 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်ပှၤစံၣ်ညီၣ်ကွီၢ် 9:42

လၢခံတနံၤန့ၣ်စီၤအဘံၤမ့လ့းထံၣ်သ့ၣ်ညါဝဲလၢ ဝ့ၢ်ၡက့ၣ်အပှၤဂီၢ်မုၢ်ကူၣ်ထီၣ်လၢကဟးထီၣ်ဆူစံာ်ပျီတဖၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:44

ဖဲစီၤအဘံၤမ့လ့းဒီးအပှၤတဖုလဲၤထီၣ်ချ့ချ့လၢကမၤန့ၢ်ဝ့ၢ်အတြဲၤန့ၣ်, ပှၤအဂၤခံဖုဒုးပှၤအိၣ်လၢစံာ်ပျီတဖၣ်အပူၤဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:11

မုၢ်ဆ့ၣ်ထီၣ်တနံၤဂီၤဂီၤန့ၣ်စီၤစီလူးနီၤဖးအပှၤပိာ်ခွါ တဖၣ်သၢဖုဒီးဖဲမုၢ်ဆ့ၣ်ထီၣ်လၢဂီၤဂီၤတၢ်ခံးဒံးန့ၣ်, အဝဲသ့ၣ်ဃ့ၢ်သဖှိဃီၤဆူဒုၣ်ဒါအသူၣ်လီၤဒဲအလီၢ်န့ၣ်ဒီးဒုးတၢ်ထီဒါ ပှၤဧၣ်မိၣ်ဖိတဖၣ်လီၤ. တုၤမုၢ်ထူၣ်ဒီးအဝဲသ့ၣ်ကျီသံကွံာ်ပှၤဧၣ်မိၣ်ဖိတဖၣ်န့ၣ်လီၤ. ပှၤအိၣ်မူတ့ၢ်တဖၣ်န့ၣ်လီၤမုၢ်ပြံပြါဝဲဒီးပှၤတဂၤစုာ်စုာ် န့ၣ်ဃ့ၢ်ဝဲဒၣ်ထဲအနီၢ်ကစၢ်ဒၣ်ဝဲဧိၤန့ၣ်လီၤ.