လံာ်ပှၤစံၣ်ညီၣ်ကွီၢ် 9:4 - Sgaw Karen Common Bible

⁴ ဒီးအဝဲသ့ၣ်ဟ့ၣ်လီၤစီၤအဘံၤမ့လ့းလၢစ့နီၢ်အဘ့ၣ်နွံဆံလၢ အအိၣ်ဝဲလၢတၢ်အၢၣ်လီၤအီလီၤ အဘဧၤလးအတၢ်လုၢ်ဟံၣ်အပူၤန့ၣ် လီၤ. ဒီးအဝဲဒိးလဲန့ၢ်ပှၤအၢပှၤသီတဖၣ်လၢတိၢ်စ့အဝဲန့ၣ်ဒ်သိးကပိာ်အခံအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 13:7

လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်စီၤယိၤဘး 30:8

အဝဲသ့ၣ်မ့ၢ်ပှၤဟးဂီၤဖိအဖိ, ပှၤလၢအမံၤတအိၣ်ဘၣ်အဖိဒီး မ့ၢ်ပှၤလၢအဘၣ်တၢ်ဟီထီၣ်ကွံာ်အီၤလၢကီၢ်ပူၤန့ၣ်လီၤ.

တၢ်ကတိၤဒိ. 12:11

ပှၤထူစံာ်ဖိလၢအမၤတၢ်ဆူၣ်ဆူၣ်တဂၤအိၣ်ဒီးတၢ်အီၣ်တၢ်အီ လၢလၢပှဲၤပှဲၤလီၤ. မ့မ့ၢ်တၢ်မၤလၢာ်တၢ်ဆၢကတီၢ်လၢတၢ်မၤတဂီာ် တသီၣ်တဖၣ်အဂီၢ်န့ၣ်မ့ၢ်တၢ်သူၣ်တထံသးတဆးန့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:3

ဒီးစီၤယံးဖသးဟးထီၣ်ကွံာ်လၢအဒီပုၢ်ဝဲၢ်တဖၣ်အအိၣ်ဒီးလဲၤ အိၣ်ဝဲလၢကီၢ်တိာ်အပူၤလီၤ. ဖဲန့ၣ်ပှၤကလီကလီဖိတဖၣ်ဟဲအိၣ်ဖှိၣ် ရိဖှိၣ်လၢအအိၣ်ဒီးအဝဲသ့ၣ်လဲၤသကိးတၢ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:33

တုၤစီၤကံးဒဧိၣ်သံဝဲအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်တတီတလိၤလၢကစၢ်ယွၤအမဲာ်ညါဒီးဘူၣ်ထီၣ်ထါထီၣ်ဘဧၤလးတဖၣ်န့ၣ်ဒီး, ဒီးအဝဲသ့ၣ်မၤတၢ်အၢၣ်လီၤအီလီၤဒီးဘဧၤလးဒ်အဝဲသ့ၣ်အယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.