လံာ်ပှၤစံၣ်ညီၣ်ကွီၢ် 9:18 - Sgaw Karen Common Bible

¹⁸ ဘၣ်ဆၣ်ဒီးမုၢ်မဆါတနံၤအံၤသုဃၣ်သုသးထီဒါယပၢ်အဟံၣ်ဖိဃီဖိလီၤ. သုမၤသံကွံာ်အဖိခွါအဂၤနွံဆံလၢလၢၢ်တဖျၢၣ်ဃီဖီခိၣ်, ဒီးထဲဒၣ်လၢအဝဲအဖိခွါစီၤအဘံၤမ့လ့း လၢအမၤန့ၢ်ဝဲလၢအကုၢ်ပိာ်မုၣ်, မ့ၢ်သုဘူးသုတံၢ်အဃိဧိၤန့ၣ်, သုဒုးကဲထီၣ်အီၤစီၤပၤလၢၡက့ၣ်လီၤ.

လံာ်ပှၤစံၣ်ညီၣ်ကွီၢ် 9:18 Iomraidhean Croise

စံးထီၣ်ပတြၢၤ 109:4

ယအဲၣ်အဝဲသ့ၣ်ဒီးယထုကဖၣ်တ့ၢ်လၢအဝဲသ့ၣ်အဂီၢ် ဒၣ်လဲာ်အဝဲသ့ၣ်ထီဒါယၤလီၤ.

လံာ်ပှၤစံၣ်ညီၣ်ကွီၢ် 8:35

ဒီးအဝဲသ့ၣ်တစံးဘျုးစီၤကံးဒဧိၣ်အဒူၣ်ဖိထၢဖိလၢကယဲၢ်တၢ်ဂ့ၤလၢစီၤကံးဒဧိၣ်မၤတ့ၢ်ဝဲလၢ အံၣ်စရ့လးအဂီၢ်အဃိဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:14

တုၤနုၤတစု, ကယဲၢ်သ့ၣ်ခဲလၢာ်စံးဘၣ်သ့ၣ်တၤဆှုၣ်တပှီာ်, ဟဲနဲဒီးကဲပစီၤပၤတက့ၢ်.

လံာ်ပှၤစံၣ်ညီၣ်ကွီၢ် 9:17

သ့ၣ်နီၣ်ထီၣ်က့ၤလၢယပၢ်ဒုးတ့ၢ်တၢ်လၢသုဂီၢ်တက့ၢ်. အဝဲဟ့ၣ်လီၤအသးသမူဒ်သိးအကအုၣ်က့ၤခီၣ်က့ၤသုလၢပှၤမံးဒယၣ်ဖိတဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:19

ဒီးခဲကနံၣ်အံၤတၢ်လၢသုမၤစီၤကံးဒဧိၣ်ဒီးအဒူၣ်ဖိထၢဖိ လၢမုၢ်မဆါတနံၤအံၤန့ၣ်မ့မ့ၢ်စဲဃဲၤလၢတၢ်သူၣ်တီသးလိၤအပူၤဒီး မ်သုသးခုဃုာ်ဒီးစီၤအဘံၤမ့လ့းဒီးမ်အဝဲသးခုဃုာ်ဒီးသုတက့ၢ်.

လံာ်ပှၤစံၣ်ညီၣ်ကွီၢ် 9:2

ဒီးအဝဲစံးဘၣ်အဘူးအတံၢ်ဒ်သိးကသံကွၢ်ပှၤၡက့ၣ်ဖိတဖၣ်, “သုဘၣ်သုသးဒ်လဲၣ်. မ့ၢ်သုအဲၣ်ဒိးစီၤကံးဒဧိၣ်အဖိခွါအဂၤနွံဆံလၢာ်ပၢသုဧါ. မ့တမ့ၢ်ထဲတဂၤဧိၤပၢသုန့ၣ်ဧါ. သ့ၣ်နီၣ်ထီၣ်က့ၤလၢစီၤ အဘံၤမ့လ့းမ့ၢ်သုသွံၣ်သုထံဒီးသုဖံးသုညၣ်ဒၣ်ဝဲတက့ၢ်.”