လံာ်ပှၤစံၣ်ညီၣ်ကွီၢ် 9:17 - Sgaw Karen Common Bible

¹⁷ သ့ၣ်နီၣ်ထီၣ်က့ၤလၢယပၢ်ဒုးတ့ၢ်တၢ်လၢသုဂီၢ်တက့ၢ်. အဝဲဟ့ၣ်လီၤအသးသမူဒ်သိးအကအုၣ်က့ၤခီၣ်က့ၤသုလၢပှၤမံးဒယၣ်ဖိတဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:17 Iomraidhean Croise

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်ပှၤစံၣ်ညီၣ်ကွီၢ် 12:3

ဖဲယထံၣ်လၢသုတအုၣ်က့ၤခီၣ်က့ၤယၤဘၣ်ဒီး, ယပာ်လီၤယသးသမူ, ဒီးခီဂာ်ကီၢ်ဆၢလၢယကဒုးတၢ်ဒီးအဝဲသ့ၣ်လီၤ. ဒီးယွၤဟ့ၣ်ယၤတၢ်မၤနၢၤလၢအဝဲသ့ၣ်အဖီခိၣ်လီၤ. ဘၣ်မနုၤအဃိသုဟဲဒ်သိးသုကဒုးတၢ်ဒီးယၤခဲအံၤန့ၣ်လဲၣ်.”

လံာ်ပှၤစံၣ်ညီၣ်ကွီၢ် 9:16

ဒီးစီၤယိၤသၣ်စံးကဒီးဆူညါ, “ဒီးခဲကနံၣ်အံၤ, ဖဲသုဒုးကဲထီၣ်စီၤအဘံၤမ့လ့းလၢစီၤပၤအခါန့ၣ် မ့ၢ်သုပာ်သုသးတီတီလိၤလိၤသပှၢ်ကတၢၢ်ဧါ. မ့ၢ်သုပာ်ကဲစီၤကံးဒဧိၣ်အတၢ်သ့ၣ်နီၣ်ဒီးမၤတၢ်ဂ့ၤတၢ်ဘၣ်လၢ အဒူၣ်ဖိထၢဖိအဖီခိၣ်ဒ်အကြၢးဒီးအဝဲအတၢ်ဖံးတၢ်မၤတဖၣ်န့ၣ်ဧါ.

လံာ်ပှၤစံၣ်ညီၣ်ကွီၢ် 9:18

ဘၣ်ဆၣ်ဒီးမုၢ်မဆါတနံၤအံၤသုဃၣ်သုသးထီဒါယပၢ်အဟံၣ်ဖိဃီဖိလီၤ. သုမၤသံကွံာ်အဖိခွါအဂၤနွံဆံလၢလၢၢ်တဖျၢၣ်ဃီဖီခိၣ်, ဒီးထဲဒၣ်လၢအဝဲအဖိခွါစီၤအဘံၤမ့လ့း လၢအမၤန့ၢ်ဝဲလၢအကုၢ်ပိာ်မုၣ်, မ့ၢ်သုဘူးသုတံၢ်အဃိဧိၤန့ၣ်, သုဒုးကဲထီၣ်အီၤစီၤပၤလၢၡက့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”