လံာ်ပှၤစံၣ်ညီၣ်ကွီၢ် 9:1 - Sgaw Karen Common Bible

¹ စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:1 Iomraidhean Croise

လံာ်တၢ်ကဲထီၣ်အခီၣ်ထံး 33:18

လၢအတၢ်ဟဲက့ၤကဒါက့ၤလၢကီၢ်မ့းစပတၤမံန့ၣ်စီၤယၤကိာ်ဟဲ တုၤဘၣ်ဝဲဂ့ၤဂ့ၤဘၣ်ဘၣ်ဆူဝ့ၢ်ၡက့ၣ်အိၣ်လၢကီၢ်ကနၤဧၣ်အပူၤ ဒီးပာ်လီၤအသူၣ်ဒဲအလီၢ်လၢပျီတဘ့ၣ်အပူၤဘူးဒီးဝ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:6

စီၤအးဘၡါလိၣ်မၤတ့ၢ်တၢ်အံၤဆူကယဲၢ်ပှၤအံၣ်စရ့လးဖိကိးဂၤ ဒဲးလၢအဟဲဆူစီၤပၤအအိၣ်လၢတၢ်စံၣ်ညီၣ်အဂီၢ်အဃိဒီး, အဝဲမၤန့ၢ်အဝဲသ့ၣ်အတၢ်သူၣ်တီသးရၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:3

ပှၤဂီၢ်မုၢ်လၢကလံၤစိးအဒူၣ်တဖၣ်မၤလိာ်အီၤ, ဒီးအဝဲသ့ၣ်ခဲလၢာ်လဲၤသကိးဝဲဆူစီၤရဃၤဘၣ်အအိၣ်ဒီးစံးဘၣ်အီၤ,

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:30

အဝဲအိၣ်ဒီးအဖိခွါအဂၤနွံဆံမ့ၢ်လၢအဝဲအိၣ်ဒီးအမါအါဂၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 8:31

အဝဲအိၣ်ဒီးအသံၣ်မါတဂၤလၢဝ့ၢ်ၡက့ၣ်အပူၤဒီးပိာ်မုၣ်န့ၣ်ဆံးစၢ်န့ၢ်အီၤအဖိခွါတဂၤ ဒီးယုၢ်န့ၢ်ဝဲအမံၤလၢစီၤအဘံၤမ့လ့းလီၤ.

လံာ်ပှၤစံၣ်ညီၣ်ကွီၢ် 8:35

ဒီးအဝဲသ့ၣ်တစံးဘျုးစီၤကံးဒဧိၣ်အဒူၣ်ဖိထၢဖိလၢကယဲၢ်တၢ်ဂ့ၤလၢစီၤကံးဒဧိၣ်မၤတ့ၢ်ဝဲလၢ အံၣ်စရ့လးအဂီၢ်အဃိဘၣ်န့ၣ်လီၤ.