လံာ်ပှၤစံၣ်ညီၣ်ကွီၢ် 8:5 - Sgaw Karen Common Bible

⁵ ဒီးတုၤအဝဲသ့ၣ်တုၤဃီၤဖဲဝ့ၢ်စူးကိၤသးန့ၣ်စီၤကံးဒဧိၣ် စံးဘၣ်ပှၤအိၣ်လၢဝ့ၢ်ပူၤတဖၣ်န့ၣ်, “ဝံသးစူၤဟ့ၣ်ယပှၤတဖၣ်လၢကိၣ်အလိၣ်တနီၤတက့ၢ်. အဝဲသ့ၣ်လီၤဘှံးလီၤတီၤဒီးယလူၤဖီၣ်ဒံး ပှၤမံးဒယၣ်ဖိအစီၤပၤတဖၣ်လၢအမ့ၢ်စီၤစ့ဘၤဒီးစီၤစးလမူနၤန့ၣ်လီၤ.”

လံာ်ပှၤစံၣ်ညီၣ်ကွီၢ် 8:5 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

လံာ်တၢ်ကဲထီၣ်အခီၣ်ထံး 33:17

မ့မ့ၢ်စီၤယၤကိာ်လဲၤဝဲဆူစူးကိၤသးဖဲအသူၣ်ထီၣ်ဟံၣ်တဖျၢၣ် လၢအဂီၢ်ဒၣ်ဝဲဒီးတၢ်အိၣ်ကဒုအလီၢ်လၢအဂီၤဘုၣ်ဂီၤဖံးတဖၣ်အ ဂီၢ်န့ၣ်လီၤ. လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢစူး ကိၤသးန့ၣ်လီၤ.

စံးထီၣ်ပတြၢၤ 60:6

ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

လံာ်သိၣ်လီၤသီလီၤတၢ် 23:4

အဂ့ၢ်ဒ်အံၤ, ဖဲသုဟးထီၣ်လၢကီၢ်အဲၤကူပတူးအပူၤန့ၣ်, အဝဲသ့ၣ်ဂ့ၢ်လိာ်လၢကဟ့ၣ်သုတၢ်အီၣ်ဒီးထံလၢကျဲန့ၣ်လီၤ. ဒီးအဝဲသ့ၣ်ဒိးလဲစီၤဘဧိၢ်အဖိခွါစီၤဘံးလၣ်, လၢအမ့ၢ်ကီၢ်မ့းစပတၤမံ, ပှၤဝ့ၢ်ပသူၢ်ဖိတဂၤဒ်သိးကဆိၣ်အၢသု န့ၣ်လီၤ.

လံာ်ပှၤစံၣ်ညီၣ်ကွီၢ် 5:23

ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”

လံာ်ပှၤစံၣ်ညီၣ်ကွီၢ် 8:10

စီၤစ့ဘၤဒီးစီၤစးလမူနၤအိၣ်ဝဲလၢဝ့ၢ်ကၢ်ကိၢ်ဃုာ်ဒီး အသုးမုၢ်သံၣ်ဘိတဖၣ်န့ၣ်လီၤ. လၢပှၤမဲးမုၢ်ခိၣ်အဒူၣ်အသုးမုၢ်သံၣ်ဘိဒီဖုညါအကျါန့ၣ် ပှၤအိၣ်တ့ၢ်ထဲအဂၤတကလးယဲၢ်ကထိဧိၤန့ၣ်လီၤ. ပှၤသုးဖိအဂၤတကလီၢ်ခံကလးန့ၣ်ဘၣ်တၢ်မၤသံတ့ၢ်လံအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:12

ပှၤမံးဒယၣ်ဖိအစီၤပၤစီၤခံဂၤလၢအမ့ၢ်, စီၤစံဘၤဒီးစီၤစးလမူနၤထွးထီၣ်ဃ့ၢ်ကွံာ်ဝဲန့ၣ်လီၤ. ဘၣ်ဆၣ်ဒီးအဝဲသ့ၣ်လူၤထွဲအီၤဒီးမၤန့ၢ်အီၤဒီးဒုးလီၤဘၣ် အဝဲသ့ၣ်အသုးမုၢ်ဒီဖုလၢတၢ်ပျံၤတၢ်ဖုးဒိၣ်ဒိၣ်ကလဲာ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:15

တုၤနုၤတစုစီၤကံးဒဧိၣ်လဲၤဆူပှၤစူးကိၤသးအအိၣ်ဒီးစံး, “မ့ၢ်သုသ့ၣ်နီၣ်ထီၣ်ဒံးတဘျီဖဲသုဂ့ၢ်လိာ်လၢသုကမၤစၢၤယၤစ့ၢ်ကီးန့ၣ်ဧါ. သုစံးလၢသုဟ့ၣ်ယပှၤသုးဖိလၢအလီၤဘှံးလီၤတီၤလၢတၢ်အီၣ်တသ့ဘၣ်မ့ၢ်လၢ ယတဖီၣ်န့ၢ်စီၤစ့ဘၤဒီးစီၤစးလမူနၤဒံးဘၣ်အဃိန့ၣ်လီၤ. ဂ့ၤလံ. အဝဲသ့ၣ်အိၣ်ဖဲအံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:18

နီၢ်အဘံၤကါယံးလးမၤချ့ချ့ဒီးဟံးန့ၢ်ကိၣ်အဖျၢၣ်ခံကယၤ, ထၢၣ်တၢ်ဖံးခံဖျၢၣ်ပှဲၤဒီးစပံးထံ, သိယဲၢ်ဒုအညၣ်ဖီမံတ့ၢ် အသး, ဘုဧိၤဟုဧိၤဝဲာ်မံဃာ်အသးခံနာ်, ဒီးစပံးသၣ်ဆၢအဃ့အကူၤတကယၤဒီး ကိၣ်လၢတၢ်မၤအီၤလၢချၢၣ်ဒၢသၣ်အဃ့အဖျၢၣ်တကယၤ, ဒီးပာ်ထီၣ်အီၤလၢကသ့ၣ်ယီၤတဖၣ်အလိၤန့ၣ်လီၤ.