လံာ်ပှၤစံၣ်ညီၣ်ကွီၢ် 8:4 - Sgaw Karen Common Bible

⁴ ဖဲအကတီၢ်အံၤန့ၣ်, စီၤကံးဒဧိၣ်ဒီးအပှၤသၢကယၤဂၤဟဲတုၤဆူ ထံကျိယၢ်ဒ့ၣ်ဒီးခီဂာ်အီၤလီၤ. အဝဲသ့ၣ်လီၤဘှံးလီၤတီၤဘၣ်ဆၣ်ဒီးလူၤဒံးဝဲအဒုၣ်အဒါတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:4 Iomraidhean Croise

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:25

ဒီးအဝဲသ့ၣ်ဖီၣ်န့ၢ်ပှၤမံးဒယၣ်ဖိအပဒိၣ်ဖးဒိၣ်ခံဂၤ, စီၤဧိရ့ာ်ဒီးစီၤစအ့ာ်လီၤ. အဝဲသ့ၣ်မၤသံစီၤဧိရ့ာ်ဖဲလၢၢ်ဧိရ့ာ်အလိၤဒီးစီၤစအ့ာ်ဖဲစအ့ာ် အနီၣ်စံၢ်စပံးသၣ်အလီၢ်န့ၣ်လီၤ. အဝဲသ့ၣ်လူၤထွဲကဒီးပှၤမံးဒယၣ်ဖိတဖၣ်ဒီးဟဲက့ၤစိာ်စီၤဧိ ရ့ာ်ဒီးစီၤစအ့ာ်အခိၣ်တဖၣ်ဆူစီၤကံးဒဧိၣ်အအိၣ်လၢအအိၣ်ဝဲဖဲ ထံကျိယၢ်ဒ့ၣ်အမုၢ်ထီၣ်အဖၢမုၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:3

လၢတၢ်ခဲလၢာ်အဖီခိၣ်န့ၣ်, ခီဖျိကစၢ်ယွၤအစိကမီၤအဃိသုမၤသံတ့ၢ် ပှၤမံးဒယၣ်ဖိအပဒိၣ်စီၤဧိရ့ာ်ဒီးစီၤစအ့ာ်တဖၣ်န့ၣ်လီၤ. ဒီးမ့ၢ်ယမၤတ့ၢ်တၢ်မနုၤတမံၤလၢတၢ်ထိၣ်သတြီၤအီၤဒီးတၢ်န့ၣ် သ့ဝဲန့ၣ်လဲၣ်.” တုၤအစံးတၢ်အံၤဒီးအဝဲသ့ၣ်အသးတဒိၣ်ထီၣ်အါကဲၣ်ဆိးလၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:10

စီၤဒၤဝံးလဲၤဆူညါဃုာ်ဒီးပှၤအဂၤလွံၢ်ကယၤလီၤ. ပှၤအဂၤခံကယၤန့ၣ်လီၤဘှံးတုၤဒၣ်လဲာ်ခီတကဲလၢၤခီထံကျိဖိသတးဒီး အိၣ်တ့ၢ်ဝဲလၢတၢ်လီၢ်ခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”