လံာ်ပှၤစံၣ်ညီၣ်ကွီၢ် 8:27 - Sgaw Karen Common Bible

²⁷ စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:27 Iomraidhean Croise

စံးထီၣ်ပတြၢၤ 106:35

မ့မ့ၢ်ဒိးတ့ဒိးဖျီဃုာ်အသးဒီး အဝဲသ့ၣ် ဒီးအဝဲသ့ၣ်အတၢ်တဘူၣ်ထီၣ်ဘါထီၣ်ယွၤအကျဲတဖၣ်န့ၣ်လီၤ.

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

လံာ်တၢ်ဟးထီၣ်ကွံာ် 23:33

ပျဲပှၤတဖၣ်န့ၣ်အိၣ်ဝဲဆိးဝဲလၢသုကီၢ်အပူၤတဂ့ၤ. သုမ့ၢ်ပျဲဒီး, အဝဲသ့ၣ်ကဒုးမၤသုတၢ်ဒဲးဘးထီဒါယၤန့ၣ် လီၤ. သုမ့ၢ်ဘါထီၣ်အကစၢ်တဖၣ်ဒီး, ကမ့ၢ်ဝဲတၢ်သံအပျံၤသကွီၤလၢသုဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.

လံာ်ပှၤစံၣ်ညီၣ်ကွီၢ် 18:14

တုၤနုၤတစု, ပှၤယဲၢ်ဂၤလၢအလဲၤဃုထံၣ်န့ၢ်ကီၢ်အိၣ်ဝးတရံးဝ့ၢ်လ့ၡ့ၣ်န့ၣ် စံးဘၣ်အတံၤသကိးတဖၣ်, “မ့ၢ်သုသ့ၣ်ညါလၢဟံၣ်ဖဲအံၤတဖၣ်အကျါတဟံၣ်အိၣ်ဒီး တၢ်ဂီၤစိးပျၤအသးလၢသ့ၣ်ဒီးဘၣ်တၢ်ကးဘၢအီၤလၢစ့နီၢ်တခါန့ၣ်ဧါ. တၢ်ဂီၤအဂၤတဖၣ်ဒီးအ့ဖိးတဘ့ၣ်အိၣ်စ့ၢ်ကီးလီၤ. သုဆိကမိၣ်လၢပကြၢးမၤဒ်လဲၣ်.”

လံာ်ပှၤစံၣ်ညီၣ်ကွီၢ် 18:17

ဒီးပှၤကွၢ်ဟုၣ်ကွၢ်စူးတၢ်ယဲၢ်ဂၤန့ၣ်လဲၤဃီၤလိၤလိၤဆူဟံၣ်ပူၤဒီးဟံးန့ၢ် တၢ်ဂီၤစိးပျၤအသးလၢသ့ၣ်ဒီးတၢ်ကးဘၢအီၤလၢစ့နီၢ်, တၢ်ဂီၤအဂၤတဖၣ်ဒီးအ့ဖိးတဘ့ၣ်ဖဲပှၤလုၢ်တၢ်အခိၣ်အိၣ်ဒီး ပှၤစိာ်တၢ်စုကဝဲၤအဂၤဃုကယၤလၢကျဲစၢၤအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:2

သုတဘၣ်မၤတၢ်အၢၣ်လီၤအီလီၤဒီးပှၤဂီၢ်မုၢ်အိၣ်လၢကီၢ်အံၤ အပူၤဘၣ်. သုကဘၣ်မၤလီၤပှီၢ်ကွံာ်အတၢ်လုၢ်လီၢ်တဖၣ်လီၤ. ဘၣ်ဆၣ်ဒီးသုတမၤဒ်ယစံးတ့ၢ်သုအသိးဘၣ်. သုမၤတၢ်လၢ အထီဒါယၤတခီလီၤ.

လံာ်ပှၤစံၣ်ညီၣ်ကွီၢ် 2:3

မၤသးဒ်န့ၣ်ဒီးယစံးဘၣ်သုခဲအံၤလၢယတဟီထီၣ်ကွံာ်ဘၣ်ပှၤ ကလုာ်တဖၣ်အံၤလၢသုမဲာ်ညါဘၣ်. အဝဲသ့ၣ်ကကဲထီၣ်သုဒုၣ် သုဒါန့ၣ်လီၤ. ဒီးတၢ်ဘူၣ်ထီၣ်ဘါထီၣ်အဝဲသ့ၣ် အကစၢ်တဖၣ်န့ၣ်ကကဲထီၣ်ပျံၤသကွီၤလၢသုဂီၢ်လီၤ.”

လံာ်ပှၤစံၣ်ညီၣ်ကွီၢ် 6:11

အန့ၣ်ဝံၤဒီး, ယွၤအကလူးန့ၣ်ဟဲဆူသဝီဧိးဖြၤဒီးဆ့ၣ်နီၤလၢ သ့ၣ်သ့ထိးဖၣ်တထံးအဖီလာ်လၢအဘၣ်ဃးဒီးစီၤယိၤအၣ်လၢအမ့ၢ် ပှၤအဘံၤဧ့စ့ၢ်ဖိန့ၣ်လီၤ. အဝဲအဖိခွါစီၤကံးဒဧိၣ်န့ၣ်တီၢ်ခူသူၣ်ဘုကၠူၣ်တနီၤလၢနီၣ် စံၢ်စပံးသၣ်အလီၢ်ဒ်သိးပှၤမံးဒယၣ်ဖိတဖၣ်အသုတထံၣ်အီၤတဂ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

လံာ်ပှၤစံၣ်ညီၣ်ကွီၢ် 8:26

ဒီးနၢ်ဒံးထူလၢစီၤကံးဒဧိၣ်မၤန့ၢ်ဝဲတဖၣ်အတယၢၢ်အိၣ်ဝဲၡက့လးတကထိနွံကယၤန့ၣ်လီၤ. လၢန့ၣ်အမဲာ်ညါ, မၤန့ၢ်စ့ၢ်ကီးဝဲတၢ်ကယၢကယဲတဖၣ်, ဖဲသွဲတဖၣ်, ဒီးတၢ်ကူတၢ်သိးလုးတကုာ်တဖၣ်လၢပှၤမံးဒယၣ်ဖိအစီၤပၤတဖၣ်သိးဝဲ ဒီးအဝဲသ့ၣ်အကီၤလၤအူးအကိာ်ကျီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:28

မၤသးဒ်န့ၣ်ဒီး, ပှၤမံးဒယၣ်ဖိတဖၣ်ဘၣ်တၢ်မၤနၢၤကွံာ်အီၤလၢပှၤအံၣ်စရ့လးဖိ ဒီးတကဲလၢၤဘၣ်တၢ်မၤပျံၤမၤဖုးအလီၢ်လၢၤဘၣ်. ဒီးကီၢ်န့ၢ်အိၣ်မုာ်အိၣ်ခုၣ်ဝဲအနံၣ်လွံၢ်ဆံ, တုၤလၢစီၤကံးဒဧိၣ်သံဝဲတစုန့ၣ်လီၤ.