လံာ်ပှၤစံၣ်ညီၣ်ကွီၢ် 8:26 - Sgaw Karen Common Bible

²⁶ ဒီးနၢ်ဒံးထူလၢစီၤကံးဒဧိၣ်မၤန့ၢ်ဝဲတဖၣ်အတယၢၢ်အိၣ်ဝဲၡက့လးတကထိနွံကယၤန့ၣ်လီၤ. လၢန့ၣ်အမဲာ်ညါ, မၤန့ၢ်စ့ၢ်ကီးဝဲတၢ်ကယၢကယဲတဖၣ်, ဖဲသွဲတဖၣ်, ဒီးတၢ်ကူတၢ်သိးလုးတကုာ်တဖၣ်လၢပှၤမံးဒယၣ်ဖိအစီၤပၤတဖၣ်သိးဝဲ ဒီးအဝဲသ့ၣ်အကီၤလၤအူးအကိာ်ကျီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:26 Iomraidhean Croise

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

တၢ်ကတိၤဒိ. 31:22

အဝဲမၤလီၢ်မံဒါတဖၣ်ဒီးကူဝဲသိးဝဲတၢ်ကူတၢ်ကၤတဖၣ်လၢအဘၣ် တၢ်မၤအီၤလၢဘဲလုးတကုာ်အဂ့ၤကတၢၢ်န့ၣ်လီၤ.

လံာ်ယၡါယၤ 3:18

မုၢ်တနံၤကဟဲဝဲဖဲယွၤကဟံးထီၣ် ကွံာ်တၢ်လၢဝ့ၢ်ယရူၤရှလ့ၣ်အပှၤပိာ်မုၣ်တဖၣ်အအိၣ်န့ၣ်, အတၢ်ကိးမံၤဒဲးလၢအပာ်ကဖၢလၢ အသးလၢအဃိဒ်တၢ်ကယၢကယဲ တဖၣ်လၢအသိးဝဲလၢအခီၣ်ဒ့တဖၣ်အလိၤ, လၢအခိၣ်တဖၣ်အဖီခိၣ်, လၢအကိာ်တဖၣ်အလိၤ,

လံာ်ယံးရမံယၤ 10:9

အဝဲသ့ၣ်အတၢ်ဂီၤတၢ်ဖီၣ်ဘၣ်တၢ်ကးဘၢအီၤလၢစ့လၢအဟဲလၢ ကီၢ်စပၤနံ ဒီးထူလၢအဟဲလၢအူဖစးလၢအမ့ၢ်ပှၤသိတၢ်ဖိ တဖၣ်အတၢ်မၤန့ၣ်လီၤ. အဝဲသ့ၣ်ဘၣ်တၢ်ဒုးကူဒုးသိးအီၤလၢတၢ်လါ ဒီးတၢ်လုးတကုာ် လၢပှၤထါတၢ်အသ့အဘၣ်တဖၣ်ထါဝဲန့ၣ်လီၤ.

လံာ်ယဃ့းစက့လး 27:7

နယၢ်လၣ်တဖၣ်ဘၣ်တၢ်မၤအီၤလၢဖှီဝါကဆှၣ်, ဖှီဝါကဆှၣ်ဆးဒဲးကံၣ်ဒဲးဝ့ၤအသးဟဲလၢ ကီၢ်အဲၤကူပတူးတခီ, လၢအဘၣ်တၢ်သ့ၣ်ညါအီၤညီကဒၣ်လၢ အယံၤန့ၣ်လီၤ. နတၢ်ပနီၣ်တဖၣ်ဘၣ်တၢ်မၤအီၤလၢ တၢ်ကံးယာ်အဂ့ၤကတၢၢ်အိၣ်ဒီးအလွဲၢ်လုးတကုာ်ဟဲလၢ ကီးကူပြူးတခီန့ၣ်လီၤ.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်ယိၤဟၣ် 19:2

ပှၤသုးဖိတဖၣ်မၤထီၣ်ခိၣ်သလုးတဖျၢၣ်လၢတၤဆှုၣ်အဒ့ တဖၣ်ဒီးကုာ်ထီၣ်ဝဲလၢယ့ၣ်ၡူးအခိၣ်လိၤ, ဝံၤဒီးဒုးကၤထီၣ်အီၤဆ့ကၤလုးတကုာ်တဘ့ၣ်,

လံာ်ယိၤဟၣ် 19:5

အန့ၣ်ဒီး, ယ့ၣ်ၡူးဟဲထီၣ်ဆူတၢ်ချၢ, ကၢၢ်ဝဲခိၣ်သလုး တၤဆှုၣ်ဒီးကၤဝဲဆ့ကၤလုးတကုာ်တဘ့ၣ်န့ၣ်လီၤ. စီၤပံၤလးစံးဘၣ် အဝဲသ့ၣ်, “ကွၢ်တက့ၢ်. မ့ၢ်ပှၤအဝဲအံၤလီၤ.”

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.

လံာ်လီၣ်ဖျါ 18:12

ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 18:16

ဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်, နးဝဲဖှီၣ်ဝဲဆံးဒိၣ်လဲၣ်. ဝ့ၢ်တဖျၢၣ်အံၤညီနုၢ်ကူသိးလၢတၢ်ကံးယာ် အလွဲၢ်ဝါ, တၢ်ကံးယာ်အလွဲၢ်လုးတကုာ်, ဒီးတၢ်ကံးယာ် အလွဲၢ်ဂီၤ, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ် တဖၣ်, ဒီးတၢ်မျၢ်ပလဲတဖၣ်လီၤ.

လံာ်ပှၤစံၣ်ညီၣ်ကွီၢ် 8:21

တုၤနုၤတစု, စီၤစ့ဘၤဒီးစီၤစးလမူနၤစံးဘၣ်စီၤကံးဒဧိၣ်, “ဟဲမၤသံပှၤလၢနနီၢ်ကစၢ်ဒၣ်နဲတက့ၢ်. ပိာ်ခွါအတၢ်မၤန့ၣ်ပိာ်ခွါကဘၣ်မၤဝဲလီၤ.” မၤသးဒ်န့ၣ်ဒီးစီၤကံးဒဧိၣ်မၤသံအဝဲသ့ၣ် ဒီးဟံးန့ၢ်တၢ်ကယၢကယဲလၢအဝဲသ့ၣ်အကီၤလၤအူးတဖၣ်အကိာ်လိၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:25

ဒီးပှၤဂီၢ်မုၢ်စံးဆၢဝဲဒၣ်, “ပသးခုဟ့ၣ်တၢ်တဖၣ်န့ၣ်လၢနၤလီၤ.” အဝဲသ့ၣ်သလၣ်လီၤတၢ်ကံးညာ်တဘ့ၣ် ဒီးပှၤကိးဂၤဒဲးပာ်လီၤနၢ်ဒံးတဖၣ်လၢအဂုာ်န့ၢ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.