လံာ်ပှၤစံၣ်ညီၣ်ကွီၢ် 8:20 - Sgaw Karen Common Bible

²⁰ တုၤနုၤတစု, အဝဲစံးဘၣ်အဖိခွါဝဲၢ်ကိစီၤယ့သ့ၢ်, “ဂဲၤထၢၣ်ဒီးမၤသံအဝဲသ့ၣ်တက့ၢ်.” ဘၣ်ဆၣ်ဒီးဖိသၣ်ပိာ်ခွါန့ၣ်တထုးထီၣ်အနးဘၣ်. အဝဲအသးသုၣ်ဒံးဝဲမ့ၢ်လၢအမ့ၢ်ဒံးဒၣ်ဖိသၣ်တဂၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 8:20 Iomraidhean Croise

စံးထီၣ်ပတြၢၤ 149:9

ဒ်သိးကစံၣ်ညီၣ်ပှၤကလုာ်တဖၣ်ဒ် ကစၢ်ယွၤမၤလိာ်တ့ၢ်ဝဲအသိးတက့ၢ်. တၢ်အံၤမ့ၢ်ကစၢ်ယွၤအပှၤဂီၢ်မုၢ် အတၢ်မၤနၢၤန့ၣ်လီၤ. စံးထီၣ်ပတြၢၤယွၤတက့ၢ်.

လံာ်စီၤယိၤၡူ 10:24

ဒီးဖဲအဝဲသ့ၣ်ဟဲဆှၢထီၣ်စီၤပၤတဖၣ်ဆူစီၤယိၤၡူအအိၣ်န့ၣ်, စီၤယိၤၡူကိးဖှိၣ်ပှၤအံၣ်စရ့လးဖိခဲ လၢာ်ဒီးစံးဘၣ်သုးခိၣ်သုးနၢ်လၢအလဲၤတၢ်ဒီးအီၤတဖၣ်လၢအကဟဲ ဒီးပာ်ထီၣ်အခီၣ်လၢစီၤပၤတဖၣ်အံၤအကိာ်လိၤန့ၣ်လီၤ. ဒီးအဝဲသ့ၣ်မၤဝဲဒ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:19

ဒီးစီၤကံးဒဧိၣ်စံးဝဲဒၣ်, “အဝဲသ့ၣ်မ့ၢ်ယဒီပုၢ်ဝဲၢ်တဖၣ်, ယမိၢ်ဒၣ်ယဲအဖိခွါတဖၣ်န့ၣ်လီၤ. ယဆိၣ်လီၤယသးသညူးသပှၢ်လၢသုမ့ၢ်တမၤသံအဝဲသ့ၣ်ဘၣ်ဒီး ယတမၤသံဘၣ်သုဘၣ်.”

လံာ်ပှၤစံၣ်ညီၣ်ကွီၢ် 8:21

တုၤနုၤတစု, စီၤစ့ဘၤဒီးစီၤစးလမူနၤစံးဘၣ်စီၤကံးဒဧိၣ်, “ဟဲမၤသံပှၤလၢနနီၢ်ကစၢ်ဒၣ်နဲတက့ၢ်. ပိာ်ခွါအတၢ်မၤန့ၣ်ပိာ်ခွါကဘၣ်မၤဝဲလီၤ.” မၤသးဒ်န့ၣ်ဒီးစီၤကံးဒဧိၣ်မၤသံအဝဲသ့ၣ် ဒီးဟံးန့ၢ်တၢ်ကယၢကယဲလၢအဝဲသ့ၣ်အကီၤလၤအူးတဖၣ်အကိာ်လိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:33

စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.