လံာ်ပှၤစံၣ်ညီၣ်ကွီၢ် 8:10 - Sgaw Karen Common Bible

¹⁰ စီၤစ့ဘၤဒီးစီၤစးလမူနၤအိၣ်ဝဲလၢဝ့ၢ်ကၢ်ကိၢ်ဃုာ်ဒီး အသုးမုၢ်သံၣ်ဘိတဖၣ်န့ၣ်လီၤ. လၢပှၤမဲးမုၢ်ခိၣ်အဒူၣ်အသုးမုၢ်သံၣ်ဘိဒီဖုညါအကျါန့ၣ် ပှၤအိၣ်တ့ၢ်ထဲအဂၤတကလးယဲၢ်ကထိဧိၤန့ၣ်လီၤ. ပှၤသုးဖိအဂၤတကလီၢ်ခံကလးန့ၣ်ဘၣ်တၢ်မၤသံတ့ၢ်လံအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:10 Iomraidhean Croise

လံာ်စီၤပၤခံဘ့ၣ်တဘ့ၣ် 3:26

တုၤကီၢ်မိၤအးအစီၤပၤသ့ၣ်ညါဝဲဒၣ်လၢအဝဲဃၣ်ကွံာ်လၢတၢ်ဒုး အပူၤလံန့ၣ်, အဝဲကိးထီၣ်ပှၤစိာ်နးအဂၤနွံကယၤဃုာ်ဒီးအီၤ, ဒီးကျဲးစၢးဟးထီၣ်ဆူၣ်လၢဒုၣ်ဒါတဖၣ်အကဆူး, ဒ်သိးကဃ့ၢ်ပူၤဖျဲးထီၣ်ကွံာ်ဆူကီၢ်စူၤရံအစီၤပၤအအိၣ်န့ၣ် လီၤ. ဘၣ်ဆၣ်အဝဲအတၢ်ကျဲးစၢးတကဲထီၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 13:17

စီၤအဘံယၤဒီးအသုးမုၢ်ဒုးနၢၤဒီးမၤဃၣ်ကွံာ်ပှၤအံၣ်စရ့လး ဖိတဖၣ်ဒိၣ်ဒိၣ်မုၢ်မုၢ်, တုၤအံၣ်စရ့လးအပှၤသုးဖိအဂ့ၤကတၢၢ် ယဲၢ်ကလီၢ်ဂၤဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:6

ယွၤပျဲစ့ၢ်ကီးကီၢ်အံၣ်စရ့လးအစီၤပၤပ့ကးလၢအမ့ၢ်စီၤရမါ လယၤအဖိခွါမၤနၢၤကွံာ်စီၤအၤဃး, ဒီးမၤသံကွံာ်ပှၤယူဒၤဖိလၢအအိၣ်ဒီးတၢ်သူၣ်ဒူသးဒူကတၢၢ် အဂၤတကလီၢ်ခံကလး, လၢတနံၤဃီအတီၢ်ပူၤန့ၣ်လီၤ. ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ပျဲတၢ်အံၤကမၤအသး, မ့ၢ်လၢကီၢ်ယူဒၤအပှၤဂီၢ်မုၢ်လဲၤသဒၣ်ကွံာ်အီၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:8

ပှၤယူဒၤဖိတဖၣ်မ့မ့ၢ်ပှၤထံဖိကီၢ်ဖိကဒဲကဒဲဒီးအဝဲသ့ၣ် ဒၣ်လဲာ်, ပှၤအံၣ်စရ့လးအသုးမုၢ်ဖီၣ်န့ၢ်ဝဲပှၤပိာ်မုၣ်ဒီးပှၤဖိသၣ်အ ဂၤခံကလး ဒ်ပှၤဘၣ်တၢ်စၢဃာ်အသိး, ဒီးက့ၤကိးအဝဲသ့ၣ်ဆူ ကီၢ်ၡၤမရံဒီးတၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:15

အဝဲသ့ၣ်ကိးထီၣ်ပှၤသုးဖိခံကလးဃုကထိလၢအဝ့ၢ်တဖၣ် အပူၤလၢမုၢ်နံၤအဝဲန့ၣ်လီၤ. လၢန့ၣ်မဲာ်ညါကံဘဧၤအဝ့ၢ်ဖိတဖၣ်ပာ်ဖှိၣ်ပှၤပိာ်ခွါလၢအစု စ့ၣ်ဆူၣ်နွံကယၤဂၤလၢအဘၣ်တၢ်ဃုထၢအီၤလီၤဆီန့ၣ်လီၤ.

လံာ်ပှၤစံၣ်ညီၣ်ကွီၢ် 20:17

ဒီးအံၣ်စရ့လးအဒူၣ်အဂၤတဖၣ်ပာ်ဖှိၣ်ထီၣ်ပှၤသုးဖိလၢဒိးသိၣ်လိတ့ၢ်အသး အဂၤလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:2

ဒီးအံၣ်စရ့လးအဒူၣ်ခဲလၢာ်အခိၣ်အနၢ်တဖၣ်အိၣ်ဖဲယွၤအပှၤဂီၢ် မုၢ်ပာ်ဖှိၣ်ထီၣ်အသးအလီၢ်န့ၣ်လီၤ. ဒီးပှၤသုးဖိလဲၤတၢ်လၢအခီၣ်အိၣ်ဝဲလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:25

ဒီးပှၤဘံၣ်ယၤမံၣ်ဖိတဖၣ်ဟဲထီၣ်လၢကံဘဧၤခံစုတစုဒီးအအံၤ တဘျီန့ၣ် မၤသံကွံာ်ပှၤအံၣ်စရ့လးအသုးမုၢ်ဒီးသိၣ်လိတ့ၢ်အသးတဖၣ်ခဲလၢာ် တကလးဃိးကထိန့ၣ်လီၤ.

လံာ်ပှၤစံၣ်ညီၣ်ကွီၢ် 20:35

ယွၤဟ့ၣ်အံၣ်စရ့လးလၢကမၤနၢၤဘံၣ်ယၤမံၣ်အသုးမုၢ်လီၤ. ပှၤအံၣ်စရ့လးမၤသံကွံာ်အဒုၣ်အဒါခံကလးယဲၢ်ကထိတကယၤဂၤ လၢမုၢ်နံၤအဝဲန့ၣ်အပူၤလီၤ.

လံာ်ပှၤစံၣ်ညီၣ်ကွီၢ် 20:46

လၢမုၢ်တနံၤန့ၣ်ပှၤဘံၣ်ယၤမံၣ်ဖိဘၣ်တၢ်မၤသံကွံာ်အီၤခဲလၢာ် အဂၤခံကလးယဲၢ်ကထိလီၤ. အဝဲသ့ၣ်မ့ၢ်ပှၤသုးဖိအဒူတဖၣ်ကိးဂၤဒဲးလီၤ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 7:13

ဖဲစီၤကံးဒဧိၣ်လဲၤတုၤန့ၣ်, အဝဲနၢ်ဟူပှၤတဂၤတဲဘၣ်အတံၤ သကိးလၢတၢ်မံမီၢ်တယုၢ်အဂ့ၢ်န့ၣ်လီၤ. အဝဲစံး, “ယမံမီၢ်လၢဘုမုယီၤအကိၣ်တလိၣ်ဟဲတလ့ၣ်လီၤအသး ဆူပသူၣ်ဒဲအလီၢ်ဒီးဘၣ်ဒိဒဲတဖျၢၣ်လီၤ. ဒီးဒဲန့ၣ်လီၤပှီၢ်ကွံာ်ဝဲအိၣ်ဒါလီၤအသးဘံၣ် သလၣ်လၢဟီၣ်ခိၣ်လိၤလီၤ.”

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.

လံာ်ပှၤစံၣ်ညီၣ်ကွီၢ် 8:11

စီၤကံးဒဧိၣ်လဲၤပိာ်ထီၣ်ကျဲလၢမဲးမုၢ်ခိၣ်အသရ့ၤ, အိၣ်လၢဝ့ၢ်နံဘၤဒီးယၤကဘၤအမုၢ်ထီၣ်ဒီးဒုးပှၤသုးမုၢ်တဖၣ်န့ၣ် သတူၢ်ကလာ်လီၤ.