လံာ်ပှၤစံၣ်ညီၣ်ကွီၢ် 8:1 - Sgaw Karen Common Bible

¹ တုၤနုၤတစုအ့ဖရဲၣ်အပှၤပိာ်ခွါတဖၣ်စံးဘၣ်စီၤကံးဒဧိၣ်, “ဖဲသုလဲၤထီၣ်ဒ်သိးသုကဒုးပှၤမံးဒယၣ်ဖိတဖၣ်န့ၣ်ဘၣ်မနုၤလၢနတကိးပှၤန့ၣ်လဲၣ်. ဘၣ်မနုၤနမၤပှၤဒ်န့ၣ်လဲၣ်.” အဝဲသ့ၣ်ကဒူးကဒ့ၣ်တၢ်ဆူၣ်ဆူၣ်ကလဲာ်လၢတၢ်န့ၣ်အဂ့ၢ်လီၤ.

လံာ်ပှၤစံၣ်ညီၣ်ကွီၢ် 8:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:41

တုၤနုၤတစုပှၤကီၢ်အံၣ်စရ့လးဖိခဲလၢာ်လဲၤဆူစီၤပၤအအိၣ် ဒီးစံးဘၣ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤအဃိပဒီပုၢ်ဝဲၢ်ပှၤယူဒၤဖိတဖၣ်ဆိကမိၣ်ဝဲလၢ အဝဲသ့ၣ်အိၣ်ဒီးတၢ်ခွဲးတၢ်ယာ်လၢကကိးထီၣ်ကွံာ်နၤမ့ၢ်ဂ့ၤကွၢ်ထွဲဒီးဆှၢက့ၤနၤ, နဒူၣ်ဖိထၢဖိဒီးနပှၤတဖၣ်မ့ၢ်ဂ့ၤလၢတၢ်ခီဂာ်ထံကျိယၢ်ဒ့ၣ်န့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:42

ပှၤကီၢ်ယူဒၤဖိတဖၣ်စံးဆၢဝဲဒၣ်, “ပမၤတ့ၢ်တၢ်အံၤ, မ့ၢ်လၢစီၤပၤမ့ၢ်ပှၤတဂၤလၢပဘူးပတံၢ်အကျါအဃိန့ၣ်လီၤ. မၤသးဒ်န့ၣ်ဒီး, ဘၣ်မနုၤလၢတၢ်အံၤမၤသူၣ်ဒိၣ်သးဖျိးသုန့ၣ် လဲၣ်. အဝဲတဟ့ၣ်ဘၣ်တၢ်အပှ့ၤလၢပတၢ်အီၣ်အဂီၢ်မ့ၢ်ဂ့ၤ, တဟ့ၣ်တ့ၢ်ပှၤတၢ်နီတမံၤမ့ၢ်ဂ့ၤ, န့ၣ်ဘၣ်.”

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ဟိၤၡ့ 13:1

လၢအပူၤကွံာ်, ဖဲအ့ဖရဲၣ်အဒူၣ်ကတိၤတၢ်န့ၣ်, အံၣ်စရ့လးအဒူၣ်အဂၤတဖၣ်ပျံၤတၢ်ဖုးတၢ်လီၤ. အဝဲသ့ၣ်ကွၢ်ထီၣ်တၢ်ဆူအ့ဖရဲၣ်အအိၣ်လီၤ. ဘၣ်ဆၣ်ပှၤဂီၢ်မုၢ်မၤတ့ၢ်တၢ်ဒဲးဘးခီဖျိဘါထီၣ်ဘဧၤလး, ဒီးလၢတၢ်အံၤအဃိအဝဲသ့ၣ်ကသံဝဲဒၣ်လီၤ.

လံာ်ပှၤစံၣ်ညီၣ်ကွီၢ် 8:2

ဘၣ်ဆၣ်ဒီးစီၤကံးဒဧိၣ်စံးဆၢအီၤ, “တၢ်လၢယမၤသ့တဖၣ်န့ၣ် တၢ်ထိၣ်သတြီၤအီၤဒီးတၢ်လၢသုမၤတ့ၢ်တဖၣ်တသ့ဘၣ်. တၢ်အဆံးလၢအ့ဖရဲၣ်အပှၤပိာ်ခွါတဖၣ်မၤဝဲန့ၣ် အလုၢ်အပှ့ၤဒိၣ်န့ၢ်ဒံးတၢ်လၢယပှၤဒီဒူၣ်မၤဝဲန့ၣ်လီၤ.